yohane 1 5:6 - buacou seiso no faeva esvʉtʉ

⁶ 'o iesu kilisto homo uhta hpʉhpʉngʉ isi ieni to chumu no toonono ho ito hmuyu no ciha 'o nsousi; o'amo anouc'o boemi to chumu, mamo boemi to chumu ho hmuyu. 'o seilei isi iachia 'akasi na eni ho zou mou'ʉmtʉ, maica 'o seilei 'aeno so'emio.

yohane 1 5:6 Iomraidhean Croise

matai 26:28

zou hmuyu'u eni, zou hmuyu no to'honga hote yupa esvʉtʉ 'e cou ho hamo, mo nomio no peteongasa na kuisi ta botngonʉ ci cou ho mohtoesuyu.

matai 3:16

ne micu tiou to toonono 'o iesu, i'mi to chumu ho yuyafo, mo maavo 'e pepe; isi aiti 'o piepiya to hamo mo mais'a hofoyu ho ohpueho, tosvo to feango to iesu.

maluko 14:24

yainca to iesu:

luka 22:20

cu oepʉngʉ, isi yaeza eepza 'o sooetohvʉ, yainca: <'e sooetohvʉ eni zou faeva esvʉtʉ to hamo, boemi tamo nomzo muu ho moheafo ci hmuyu'u ho p'eyac'a.

yohane 14:17

na ic'o 'aeno piepiya no so'emio. o'a ihe tiova ta yatatiskova; maica ho o'a ihe teolʉi, yaeza o'a ihe honga. at'inghi imu honga; maica homo yonta 'ayumona ta nsoumu, asngʉcva no'upi muu.

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

yohane 15:26

yohane 16:13

totea ho tac'u cmʉ'ho nate mofi no so'emio ci seilei, tasi eahafa muu ho yʉmeʉmʉ to 'ayumona to afu'u so'emio. o'a isi ieni no iachisi ho ya'ei, ma isi eʉsvʉta muu na ohsila talʉi, a'vinano eyafa nate hi'hioa ho noana'o.

yohane 3:5

yut'inga to iesu:

yohane 4:10

yainca to iesu:

yohane 4:14

at'inghi, siya nate mimo to te'o faeni ci chumu, 'anate ahtun'a i'vaho mecu. i'o te'o faeni ci chumu te i'mi ta 'ayumonasi ho esbobuka, o'ate ahtu tosvo moheafo 'o yaansou ci chumu, poa meelʉ mayo no 'auesiesi nsou.>

yohane 6:55

'e feango'u te a'ʉmta peelʉi ana, 'e hmuyu'u te a'ʉmta peelʉi ima.

sitoo 8:36

mo sucaefi to conci hpʉhpʉngʉ, panto chumu to aaskiti to ceonʉ, yainca to taicini:

looma 3:25

o'aisi apemza ngohia to hamo 'o kilisto, titha 'o feangosi ho sʉ'teni, ieni to mcoisi, i'mi no tmaa'uzo ta cou hocu peteongasa na kuisi. homo maica 'e hioa to hamo 'aisieno pa'teni na iachisi moulʉlʉ.

'epeso 1:7

i'mi homo mcoi 'o kilisto, mito elʉ to ziu, noa peteongasa 'e kuisito. na eni 'amoeno i'mi to atngaso ci mengumi to hamo.

kolosai 1:4

maica lamia tac'ʉhi ho mimu a'ʉmtʉ yaa singkoo ho mimu mi'usnu to iesu kilisto, lamu yaa himngonghi ci 'tohʉngʉ ho lamu mi'usnu to afu'u sinto.

temote 1 3:16

la toehunga esansana, 'e moumsʉ'eonʉ ta singkooto mo mainenu na hia pepe ho mʉ'eona: isi ieni ta feango ta cou ho aopa'to, soomei to seilei zou moulʉlʉ, noa aiti to matetensi. noa psoyaska ta mauhpʉhpʉngʉ, noa taa'uzva ta yatatiskova, noa esifova ne pepe.

hevulu 10:29

homoeno maica, mi'usnu tola potfʉngʉ to oko to hamo, hukoacumai 'o hmuyu to esvʉta to hamo - 'ai'oeno 'omo poa cofkoya to kuisisi ci hmuyu, a'vinano aokoe'iya 'o piepiya no mengumi, teeno yainenu 'emo maica ci cou? ta'to'tohʉngva. o'ates'aeno anana'o tiou note so'ecvʉha ci patvovei?

hevulu 12:24

mimu esmi ta tuhcu ta coutaico ta faeva 'oesvʉtʉ ci iesu, 'aeno esmi to isi sahuneni ci hmuyu; 'e isi epa'teni ta hmuyu tan'e mo yonghuhe to hmuyu to yaapo.

hevulu 13:20

'o hamo isicu poa i'mi to mcoi ho smoevovei 'o nooe'ocato ci iesu. isi ieni tomo mohtoesuyu ci hmuyu to iesu ho to'hongi 'o 'auesiesi ci esvʉta, poa meelʉ meoino le'aʉt'ʉcʉ moatʉ'nʉ. i'ola mofi no soanono ci hamo tesi'sola poa yono lamu hioa cimo mav'ov'o ci peis'ʉ'ʉmnʉ ho poa a'sʉftonʉ muu, poa meelʉ peis'ofeihni no 'tohʉngʉsi, tesi'sola ieni to iesu kilisto yonta feangoto ho aepʉnga na lasi 'aveoveoneni ci hi'hioa! no'unu'sio to kilisto na psoevohngʉ, ac'ʉhʉ ho noana'o! 'aamen.

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

hevulu 9:7

i'oc'o taisaisi 'ola yʉmeʉmʉ to mʉ'eona to cofkoyana, at'inghi lac'o i'nʉskʉ homo conotonsoha, la aacni mahafo to hmuyu homo yʉmeʉmʉ, nomio ta iachi ho itamo peisnongonongo peiskuisi ci yatatiskova ho sʉ'tʉ to hamo.

petelo 1 1:2

ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!

petelo 1 3:21

'e chumu eni 'aisieno epo'usa no toonono. maitan'e 'e toonono eni isi to'usni muu, o'a isis'a yainca isi toonvi na ca'i ta feangomu, mamo boemi no cofkoya ci 'tohʉngʉ ho mi'usnu to hamo ho ekoyu; 'e toonono eni isi ieni to smoevovei to iesu kilisto hocu to'usni muu.

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

yohane 1 4:10

'aeno eni na himngonghi: o'as'a a'to namo himngonghi to hamo, ma i'o hamo 'omo himngonghi a'to, popeoskuna 'o okosi, nomzo a'to ho ciha 'o feangosi, i'mi to kuisi ho psuovei a'to.

mokusi 5:9

mo pasunaeno tomo conci faeva ci pasunaenva: zouc'o suu nate 'aseolʉ no tiou ta tposʉ, paavi 'o toopcasi; maica ohola opcoza suu! i'mi ho mosula yuhmuyu ho ciha 'e nsou. osko i'mi ta mayoyou. maee'e. masusuezopʉ. mauhpʉhpʉngʉ. psuovei 'e cou, poa tmaovei to hamo.

mokusi 7:14

os'o yut'inga: isi mi'usni a'o ho yainca: <'emo maica ci cou mosola yupaezumo to meoino meakvo'ʉ. ohe yomza to hmuyu to okomoatʉ'nʉ ho tocofkoyai si iachihe yʉsʉ.