yohane 1 3:24 - buacou seiso no faeva esvʉtʉ

²⁴ i'ola meot'ʉt'ʉcʉ to mashʉyʉ to hamo, micu yaa nsou to hamo, na nsou to hamo mo maezo no'ayumonʉ ta nsousi. teto yainenu hoci cohivi ho mio no'ayumonʉ a'to na nsou to hamo? 'amoeno i'mi to isi pafeni a'to ci seilei.

yohane 1 3:24 Iomraidhean Croise

yohane 10:38

hoci zou, 'upena hoci o'te taa'uzva a'o, 'antemueno maka taa'uzva 'e hi'hioa'u, temueno ko'ko peelʉi asansana ho mio a'ʉmtʉ no'ayumonʉ ta nsou'u 'o amo, mi'o maezo no'ayumonʉ to nsou to amo.>

yohane 14:17

na ic'o 'aeno piepiya no so'emio. o'a ihe tiova ta yatatiskova; maica ho o'a ihe teolʉi, yaeza o'a ihe honga. at'inghi imu honga; maica homo yonta 'ayumona ta nsoumu, asngʉcva no'upi muu.

yohane 17:21

tehin'i'sola acʉhʉ tmucni. amo, tehin'i'sola no'ayumonʉ ta nsouto; totiski suu ho no'ayumonʉ ta nsou'u, tehin'i'sola acʉhʉ tmucni, akoeva no poa taa'uzveni ta yata hpʉhpʉngʉ ho zou suu namo popeosmuhnu a'o.

kolinto 1 3:16

'atemu ahtao'te cohivi, na muu zou seiten to hamo, na piepiya to hamo mo no'ayumonʉ muu.

kolinto 1 6:19

o'a imueno cohivi 'e feangomu zou emoo to seilei? 'e seilei eni mo yonta 'ayumonamu, isi pafeni to hamo. o'amimu tma'usnu ta iachi, mamo tma'usnu to hamo,

kolinto 2 6:16

'o seiten to hamo ho uacoua teeno meelʉ biepohʉ yac'ʉ? zou seiten to no'auesiesi ci hamo a'to. aʉlʉ mais'a 'o e'e to hamo: te'o no'upu ta 'o'oko'u, yuavovei ta 'ayumonahe. tehe hamo ta 'o'oko'u; te'o ta'okoa na hin'i.

tesalonike 1 4:8

ko'koeno nala bʉʉpsʉpsʉ tamo maica ci mo'ma'cohio, o'amos'a bʉʉpsʉpsʉ ta cou, mamo bʉʉpsʉpsʉ tomo mofi to seilei muu ci hamo.

temote 2 1:14

la ieni tomo yonta 'tohʉngʉto ci seilei ho tʉyʉca 'o isi toveineni suu cimo yonghu ci e'e.

yohane 1 2:24

homo maica, temu asansana noyʉci 'o ohmula ahoza talʉi ci e'e. hocimu noyʉci 'o ohmula ahoza talʉi ci e'e, temucu meelʉ asngʉcʉ yaansou to 'ayumona to socofkoya ci oko ho ito socofkoya ci amo.

yohane 1 2:3

hocito noyʉci 'o mashʉyʉ to hamo, tetocu cohivi ito honga 'o hamo.

yohane 1 2:5

at'inghi i'ola noyʉcʉ to e'e to hamo ci cou, na mi'usnu to hamo ci himngonghi micu a'sʉftonʉ. i'ola mainca pano nsou to hamo, nte maito peipeis'ausna to iesu kilisto na h'oyunsova; maicac'o, tetoeno peelʉi pahsansana ho yainca, mitocu yaa nsou to hamo.

yohane 1 3:22

'upena hocito mi'usnu to hamo ho m'ene no cuma, tesi acʉha pafeni a'to; maica ho mito meot'ʉt'ʉcʉ to mashʉyʉsi, hioa 'o lasi afu'a ʉmnʉa ci hi'hioa.

yohane 1 4:7

ngohia ci maananghia, tetola yupa himngonghi, maica 'e himngonghi mo i'mi to hamo. inamo yaa himngonghi, zou 'o'oko to hamo, yaeza honga 'o hamo.