yohane 1 3:21 - buacou seiso no faeva esvʉtʉ

²¹ ko'koeno, ngohia ci maananghia, hocisi o'te koica no ʉmnʉ ci 'tohʉngʉto, tec'u meelʉ o'te ma'sasmoyo hoteto yonto tuhcu to hamo.

yohane 1 3:21 Iomraidhean Croise

looma 14:22

mio mainenu na hu'a'ausnasu tan'e, zou iachisu natʉ'ca to hamo. 'emo cihi ci cou hoci meelʉ yono isi ta'unano mo emio ci hi'hioa ho o'te ma'kokoe'i. te mainenu na hia ʉm'ʉmnʉ!

kolinto 1 4:4

la'u iachi mainca no koyu mo cofkoya co 'tohʉngʉ'u, at'inghi o'ate'o i'mi tan'e ho soomei no uk'aci kuisi'u. 'ai'oc'oeno nooe'oca nate etfʉngʉ a'o.

kolinto 2 1:12

i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

'epeso 3:12

ieni to kilisto, ho tmanoe'ocʉ. teto meelʉ tobohtʉ o'te smoyo ho uhto tuhcu to hamo.

temote 1 2:8

yontomo mav'ov'o ci nouteuyunu, os'o tata'za 'e haahocngʉ la 'inoli, ma'einu ho eepza 'e emucu ho 'inoli, 'otela masʉ'no, 'otela yupa eehcʉvho.

hevulu 10:22

'antetoeno boemi no mou'ʉmtʉ ci 'tohʉngʉ ho mahtʉicʉ ci singkoo, boemi to isicu poa cofkoya, uk'a heo'tʉ ci 'tohʉngʉ, ho i'o ohcu toʉlʉi to chumu ci feango, ho ohcum'u to hamo.

hevulu 4:16

ko'koeno, nteto smeesosonʉ ho uhto tuhcu to yaa mengumi ci suoca'ha to hamo, ko'ko tiou no angongohia ho ino mengumi, teyaineni note meelʉ osni to'usnu a'to.

yohane 1 2:28

'aeno zou, mao'o'oko, temula yaansou to 'ayumona to nsousi; maicac'o. ho tac'u hiesi no yuovei ho aopa'to 'o kilisto, tetocu meelʉ tobohtʉ o'te ma'sasmoyo, o'ate nama totoefʉngʉ.

yohane 1 2:7

ngohia ci maananghia, 'e os'o tposi ho faeni muu, o'as'a faeva ci mashʉyʉ, ma noana'o ci mashʉyʉ. 'a i'o imueno asonghoza tiova. 'e noana'o ci mashʉyʉ 'aeno 'o ohmucula talʉi ci e'e.

yohane 1 3:2

ngohia ci maananghia, maitan'e zou 'o'oko to hamo na a'to, tenala mainenu ho noana'o, o'a mocu isi husansana. at'inghi, ito cohivi, ho tena aopa'to 'o kilisto, tato acʉhʉ mimamaezo, maica tato aiti na a'ʉmtʉsi mi'a'ausna.

yohane 1 3:20

'upena hocisi koica no iachi ʉmnʉ ci 'tohʉngʉ, iton'a cohivi mo cocoyahe a'to na 'tohʉngʉ to hamo; lasi so'eʉh'ʉta 'e acʉcʉhʉ.

yohane 1 4:17

maicac'o, na himngonghi cu ieni a'to ho a'sʉftona peiseafi, poa o'te ma'sasmoyo no hiesi no yʉsvʉtʉ na a'to; teto asansano meelʉ maica, maica ho mito yonta hpʉhpʉngʉ mo yaa totiski to kilisto ci nsou.

yohane 1 5:14

ho mito o'te ma'sasmoyo ho yonto tuhcu to hamo; mo maica ho ito ta'sansana cohivi, hocito maino 'tohʉngʉsi ho eyoho'ʉ, tesi acʉha talʉi.