yohane 1 2:27 - buacou seiso no faeva esvʉtʉ

²⁷ inacu muu, isicu faeni muu to kilisto na piepiyasi. hoci mako no'upu muu na piepiyasi, 'anatemu 'ahʉya noa po'pa'cohivi no mocmo ci cou; maica ina piepiyasi tesi acʉha po'pa'cohivneni muu na acʉcʉhʉ ci hi'hioa, a'vinano na lasi hia mo'ma'cohio mo acʉhʉ aʉ'ʉmtʉ, o'amo meknuyu. ko'koeno, temula meo'uzo no lasi hia mo'ma'cohio to seilei, conino yaansou to 'ayumona to nsou to kilisto.

yohane 1 2:27 Iomraidhean Croise

matai 13:11

yut'inga to iesu:

yohane 14:16

te'o m'ene to amo, tesi pafi muu note h'unasi ci le'aʉt'ʉcʉ, 'auesiesia no'upi muu.

yohane 14:17

na ic'o 'aeno piepiya no so'emio. o'a ihe tiova ta yatatiskova; maica ho o'a ihe teolʉi, yaeza o'a ihe honga. at'inghi imu honga; maica homo yonta 'ayumona ta nsoumu, asngʉcva no'upi muu.

yohane 14:26

at'inghi 'o le'aʉt'ʉcʉ, 'ai'o isieno ieni ta ongko'u to amo ho skuna ci seilei, tesi pa'cohivneni muu na acʉcʉhʉ ci hi'hioa, a'vinano tasila poa talʉaneni muu 'o o'ula afu'a engha ci e'e.

yohane 16:13

totea ho tac'u cmʉ'ho nate mofi no so'emio ci seilei, tasi eahafa muu ho yʉmeʉmʉ to 'ayumona to afu'u so'emio. o'a isi ieni no iachisi ho ya'ei, ma isi eʉsvʉta muu na ohsila talʉi, a'vinano eyafa nate hi'hioa ho noana'o.

yohane 4:14

at'inghi, siya nate mimo to te'o faeni ci chumu, 'anate ahtun'a i'vaho mecu. i'o te'o faeni ci chumu te i'mi ta 'ayumonasi ho esbobuka, o'ate ahtu tosvo moheafo 'o yaansou ci chumu, poa meelʉ mayo no 'auesiesi nsou.>

yohane 6:45

ohsicula engha to tposʉ to eyongensa: <<'e cou te acʉhʉ noa po'pa'cohivi to hamo.>> namo afu'u tmalʉ to amo ho tiou no lasi hia mo'ma'cohio, te acʉhʉ uso a'o.

kolinto 1 2:12

o'amito tiou no piepiya ta hpʉhpʉngʉ, mamito tiou to isi popeoskuna to hamo ci seilei, tesi akoeva no poa meelʉ bochio no isi afu'a faeni a'to to hamo ci mengumi.

kolinto 1 2:13

ko'koeno, 'e imza engha ci e'e o'a mo boemi no ohola po'pa'cohivneni ta cou ci moutʉs'ʉ ho engha, mamo boemi no isi po'pa'cohivneni to seilei ci e'e, ho mi'usnu tamo tma'usnu to seilei ci cou ho esansana namo tma'usnu no piepiya ci so'emio.

kolinto 2 1:21

isi mi'usni to hamo na suu a'o ho hosoo, mito yunsou to 'ayumona to kilisto; isi ah'una a'to,

'epeso 4:21

o'ate ta'pepecvaza ho ohmucula talʉi 'o ohsila hi'hioa, hocu tesi to kilisto, yoyayaeza i'omoc'o no'ayumonʉ to iesu ci so'emio.

kolosai 2:6

ho imueno tiova ho nooe'oca 'o kilisto iesu, temu asansana sotaica no lamu peipeis'ausna.

tesalonike 1 2:13

leamza maezo asngʉcʉ 'aveoveoyʉ to hamo; maica 'o omzala psoyaska ci e'e, imucu talʉi hocu tiova, a'vinano o'a imu ta'unano moc'o tiou no e'e no cou, mamo tiou nomo a'ʉmtʉ i'mi to hamo ci e'e; maica i'o hamo mo yaahioa ta taico ta mimu tmaa'uzo ci cou.

tesalonike 1 4:9

inacu yupa himngonghi ci hi'hioa, o'ate'o nama fii no tengami muu ho toʉsvʉsvʉtneni; ohsicu po'pa'cohivi to hamo na muu te mainenu na te hia yupa himngonghi,

temote 1 2:7

nomio ta isi mituhci tan'e, mi'o noa popeoskuna ho lepsoyaski ho sitoo to couyafana, lema'cohio ho poa tmaa'uzo a'vinano bohngʉ ta so'emio. o'a mi'o meknuyu; 'e e'e'u mo acʉhʉ eʉlʉ!

petelo 1 1:23

mimucu i'momhomʉ yayo, o'amo i'mi tote kuzo ci tutu ho yayo, mamo i'mi to o'ate kuzo ci tutu - 'amoeno cmʉfeʉ to isi peyafa to hamo cimo yoayokeo ho 'auesiesi ci e'e.

yohane 1 2:28

'aeno zou, mao'o'oko, temula yaansou to 'ayumona to nsousi; maicac'o. ho tac'u hiesi no yuovei ho aopa'to 'o kilisto, tetocu meelʉ tobohtʉ o'te ma'sasmoyo, o'ate nama totoefʉngʉ.

yohane 1 3:24

i'ola meot'ʉt'ʉcʉ to mashʉyʉ to hamo, micu yaa nsou to hamo, na nsou to hamo mo maezo no'ayumonʉ ta nsousi. teto yainenu hoci cohivi ho mio no'ayumonʉ a'to na nsou to hamo? 'amoeno i'mi to isi pafeni a'to ci seilei.

yohane 2 1:2

maica mo yonta 'tohʉngʉto 'o so'emio, a'vinano te 'auesiesi no'upu a'to.