yohane 1 2:22 - buacou seiso no faeva esvʉtʉ

²² zoueno siya namo meknuyu? o'a i'omos'aeno peeco to iesu ho zou kilisto? 'emo maica ci cou 'ai'olaeno mihango to kilisto; ihe hopsʉpseni 'o socofkoya ci amo, yaeza hopsʉpseni 'o socofkoya ci oko.

yohane 1 2:22 Iomraidhean Croise

matai 24:24

maica tec'u yuyafo 'o mekikilisto ho meyoyongensa, tahe hioa na meoino peispopo'e ho poa ma'pepecvai 'e cou; hoci peelʉi, ac'ʉha no paspepecvazi 'e ohsila epeiya to hamo ci mao'o'okosi.

matai 24:5

maica tena botngonʉ ci cou 'o tena boemi ta ongko'u ho esmi, mainca: <>, maicacu pasloʉngvi 'emo botngonʉ ci cou.

yohane 8:44

zou anana'o oko to 'akuma na muu, ko'ko mimuc'o peis'ofeihni to ma'konvosʉ to amomu. mosola ahoi to ahoisi ho le'opcoi, asonghoi o'amo bi'upu ta so'emio, maica ho asansano uk'a ci so'emiosi. hola lolekoknuyu mo i'mi to yu'ausnasi; maica 'aeno anana'o lolekoknuyu, maezo 'oi'miza no afu'u lolekoknuyu.

yohane 1 1:6

ko'koeno, hocito mainca mito cono taucunu 'o hamo, ho c'on'a asngʉcʉ yunsou no 'ayumona no voecʉvcʉ, 'amitocueno emeknuyu, o'a mo 'aseolʉ to so'emio na peipeis'ausna.

yohane 1 2:18

mao'o'oko, na puesona ta hpʉhpʉngʉ tec'u esmi! ohmula tac'ʉhi te cmʉ'ho 'ote mihango to kilisto; maitan'e 'o botngonʉ ci hangʉ to kilisto micu biyoyafo, i'mitan'e tetocu cohivi tec'u esmi na puesonasi.

yohane 1 2:23

maica, nala afu'u bʉʉpsʉpsʉ to socofkoya ci oko, 'amoeno maezo bʉʉpsʉpsʉ to socofkoya ci amo; namo afu'u apa'to ebobohngʉ to socofkoya ci oko, te yaeza elʉa 'o socofkoya ci amo.

yohane 1 2:4

hoci pano mo mainca , ho o'te noyʉci 'o mashʉyʉsi, 'emo maica ci cou mo meknuyu, uk'a ci natʉ'casi to so'emio.

yohane 1 4:20

hoci panonte mainca , ho asʉsʉ'no no iachi nanat'ot'ohaesa, 'amicu meknuyu; ho o'a isieno maka ngohia 'e isi teolʉi ci nanat'ot'ohaesa, mante mainenu hoci himngonghi no o'a isi teolʉi ci hamo?

yohane 1 4:3

siya namo o'te apa'to mahsansano to iesu, 'aeno siya namo uk'a i'mi to hamo ci piepiya; na acʉcʉhʉsi zou mihango to kilisto ci piepiya. ohmu tac'ʉhi tena cmʉ'ho 'e piepiya eni, maitan'e micu yonta hpʉhpʉngʉ.

yohane 1 5:1

namo afu'u tmaa'uzo to iesu ho zou kilisto. zou acʉhʉ 'o'oko to hamo. hocito ngohia na cihi ci amo, 'ate ahtao'te yaeza ngohia na 'o'okosi.

yohane 2 1:7

botngonʉ ci totpiei micu nongabo ta hpʉhpʉngʉ ho aut'ot'ou, lahe apa'ta peecveni 'o hi'hioa to iesu kilisto ho mosola a'ʉmtʉ ohpueho ta hpʉhpʉngʉ. 'emo maica ci cou zou totpiei, la mihango to kilisto ci cou.

yuta 1:4

maica homo yaa 'oha einu ci cou mo aasoe ohtuvho ta taicoto, boemi to eknon'a 'omo yaa mengumi ci e'e to hamo ho efʉnga 'o kuzo ci peipeis'ausnahe, lahe hopsʉpseni 'o moc'o cihi ci tmuoteuyuna - nooe'ocato ci iesu kilisto. ne na'no noana'o, ohsicula eyoca to seiso te asansano tiou no patvovei 'emo maica ci cou.

mokusi 3:9

aiti, i'o 'oahngʉ to satan, 'ola iachi mainca zou couyutaya ho o'a a'ʉmtʉ couyutaya ci totpiei, te'o poa cmʉ'hoa, yonta tuhcu ta t'angosu ho m'ohkuyu, poa cohivneni ho la'u ngohia suu.