yohane 1 2:15 - buacou seiso no faeva esvʉtʉ

¹⁵ teav'a ngohia 'e hpʉhpʉngʉ, ho ina mo afu'u tma'usnu ta hpʉhpʉngʉ ci macucuma. hocimu ngohia 'e hpʉhpʉngʉ, temucu uk'a na 'tohʉngʉ no himngonghi to amopepe.

yohane 1 2:15 Iomraidhean Croise

matai 4:8

ataveisi, isi hafa to 'akuma 'o iesu ho uhtomo na'no pepe ci hcuyu, poa aitneni to iesu 'o mauhpʉhpʉngʉ ho i'o psoevohngʉsi.

matai 6:24

luka 16:13

<'emo cihi ci soskuskunu o'ate meelʉ aʉt'ʉcʉ nomo yoso ci thauke. hocisi o'te kuzoa eni, ʉmnʉa ic'o, te einva eni potfʉnga ic'o, o'atemu ahtu meelʉ soskuskunu to hamo, ho maezo tolei no yupasʉ.>

yohane 15:19

honcimu tma'usnu ta hpʉhpʉngʉ, 'e hpʉhpʉngʉ 'atesi ahta o'te ngohia 'emo tma'usnu ta iachi. at'inghi, os'o i'mi ta hpʉhpʉngʉ ho epeiya muu, o'ana mimu tma'usnu ta hpʉhpʉngʉ; ko'ko ihe sʉ'nova ta yatatiskova muu.

looma 12:2

'ote noa uv'oha ta hpʉhpʉngʉ, la poa teovahneni to hamo na muu, teofafaevai na 'tohʉngʉ ho koyumu, teeno peelʉi husansana zou cuma na 'tohʉngʉsi, cohivi zou cuma na mou'ʉmnʉ, a'sʉftonʉ ho peelʉi ʉm'ʉmnʉa.

ngalatea 1:10

homo maica co e'e'u mi'o nana mici noa emomoengʉa ta cou? o'amo maica! mi'o mici noa emomoengʉa to hamo! mi'os'aeno mici m'eya ʉm'ʉmnʉa ta cou? hoci'un'a mici m'eya ʉm'ʉmnʉa ta cou, o'anas'a soskuskunu to kilisto a'o.

'epeso 2:2

ne mio, mohmula mee'ofeihni to kokuici hi'hioa ta hpʉhpʉngʉ, peteozu tola tʉʉt'ʉcʉ ta engʉca, 'ai'olaeno aʉt'ʉcʉ to la yutasufku to mashʉyʉ to hamo ci h'aokuv'o.

temote 1 6:10

zou 'oi'miza no mav'ov'o ci kuzo 'e konvosʉ no yupasʉ. pantola nomio no konvosʉ to yupasʉ ho pef'uhu to singkoo, nongcʉngci to ma'tutumzo ho poa auz'oz'o 'o piepiya.

yakovu 1:27

inalasi hia baito to amohamo, i'ola cofkoya ho uk'a heo'tʉ ci singkoo 'aeno: aʉt'ʉcʉ tola 'atutumzo ci 'o'oko ho itola tuvcongʉ ci mamespingi, ayʉca 'e iachi ho o'te poa uv'ohneni no tokuzo ta hpʉhpʉngʉ.

yakovu 4:4

'e mimu 'oha meot'ʉt'ʉcʉ ho o'te tmaa'uzo ci cou, o'aimueno cohivi hoci enananghia ta hpʉhpʉngʉ, te nahanga 'o hamo, siya nate nanghia ta hpʉhpʉngʉ, 'aeno siya na hangʉ to hamo!

yohane 1 3:17

namo cihi cimo atngaso ci cou aiti 'e iachi nanat'ot'ohaesa homo aviovio, sʉmcʉ na 'tohʉngʉsi ho o'te cumasa, teeno ahta peelʉi yainca isi ngohia 'o hamo?

yohane 1 4:5

ho lahe engha 'e hi'hioa ta hpʉhpʉngʉ, lahe talʉi ta yata hpʉhpʉngʉ, maica 'amoeno'so tma'usnu ta hpʉhpʉngʉ.

yohane 1 5:10

ko'koeno, siya namo tmaa'uzo to oko to hamo, 'aeno siya na micu yaa 'akasi ta 'tohʉngʉsi; siya namo o'te tmaa'uzo to hamo, 'aisieno toleleoknuyui 'o hamo, maica ho o'a isi taa'uzva 'o hamo ho ohsila 'akasineni 'e okosi.