yohane 1 2:1 - buacou seiso no faeva esvʉtʉ

¹ mao'o'oko'u, ho os'o tposi 'emo ma'maica te'o akoeva no o'te poa peiskuisi muu; hoci pano mo peiskuisi ci cou, mito yaa cihi ci moulʉlʉ ci iesu kilisto, la mi'usnu to amopepe ho aomotʉ'neni a'to.

yohane 1 2:1 Iomraidhean Croise

luka 10:22

<'o amo'u isicu acʉha faeni a'o 'e acʉcʉhʉ. tapeoha 'o amo, uk'a ci te bochio zou siya na oko; tapeoha 'o oko ho ina isi 'ucia paavi to oko ci cou, maezo uk'a ci te bochio zou siya 'o amo.>

yohane 13:33

mao'o'oko, o'a namo man'i na hiesi no te'o hia no'upu muu. tenamu i'ima a'o; at'inghi te'o eʉsvʉta muu maitan'e, aʉlʉ maito o'u eʉsvʉta to masoso'ehti to couyutaya: <>

yohane 14:16

te'o m'ene to amo, tesi pafi muu note h'unasi ci le'aʉt'ʉcʉ, 'auesiesia no'upi muu.

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

yohane 21:5

isi mi'usni to iesu ho yainca: ihe yut'inga:

yohane 5:14

ataveisi ta hioa tan'e, ohsi elʉa to 'ayumona to seiten to iesu, mi'usni ho yainca:

yohane 5:36

at'inghi te'o meelʉ tuyafo tamo asuhcuhe yaa tonʉ to yohane ci 'akasi, 'ai'ecueno hi'hioa'u. 'ai'o isieno toveineni a'o to amo'u ho poa aepʉngneni ci hi'hioa. 'e hi'hioa eni te peelʉicu 'akasi ho isi popeoskuna to amo a'o.

yohane 6:27

'ote nomio tate kuzo ci 'oanʉ ho peisngoseo, la nomio to 'oanʉ no 'auesiesi nsou ho asno'zonʉ. 'e 'oanʉ eni 'aeno 'o tesi pafeni muu ta okocou, maica i'o amohamo isicu topci to huomza 'e feango ta okocou.>

yohane 8:11

isi yainca to mamespingi: yainca to iesu: <'ateno maica, yaeza o'ate'o topci no kuisi suu. nahocu e'ohʉ. 'otenas'a i'vaho peiskuzkuzo!>]

sitoo 7:52

eyongensa nenu na o'a moso noa pohcingha no nia maameoimu? ohela epeaska to eyongensa te cmʉ'ho 'o moulʉlʉ ci soskuskunu, at'inghi ohe opcoza to nia maameoimu; maitan'e imuc'o i'vaha phieni 'o soskuskunu ic'o, ho opcoza.

looma 5:10

na a'to zou anana'o hangʉ to hamo, at'inghi ieni to mcoi to okosi ko'ko mitocu naoveia 'o hamo. ho mitocueno naoveia 'o hamo, o'a tetos'aeno afnaso ieni to nsou to kilisto ho mayo no to'usni?

looma 6:15

ho isicu e'usna yaica, maica ho o'ana mito noskufu no hoolicu hocu noskufu no mengumi to hamo, tetocueno meelʉ peiskuisi? o'ate ahtu meelʉ!

looma 8:34

homo maica, siya naten'a topco no kuisihe? o'ai'os'a kilisto iesu! 'o iesu zou 'o mohcula mcoi, a'ʉmtʉsi, nte'o yainca i'o mohcu smoevovei, ho seolʉa no yonto vhona to hamo ho mi'usnu to hamo ho 'inolineni a'to!

kolinto 1 15:34

la peihsasmome, 'otena i'vaho peiskuisi. ho os'o e'e eni te'o poa ma'kokoe'i muu, maica ita taicomu panto o'amo bohngʉ to hamo.

kolinto 2 5:21

uk'a ci kuisi to kilisto, at'inghi isi nomzi a'to, 'o hamo isi poa ngoeveni to kilisto 'e kuisito, poacu meelʉ i'mi to kilisto na a'to ho yaa naseolʉ ci natʉ'ca to hamo.

ngalatea 4:19

mao'o'oko'u, te'o ivaho i'nʉskʉ mais'a 'o ino ho tiou no 'atutumzo hote peyafa 'o oko, ac'ʉhʉ ho tenac'u tmucou ta nsoumu 'o yu'ausna to kilisto.

'epeso 2:18

ieni to kilisto, 'upena 'e couyutaya ho i'e couyafana, teto acʉhʉ meelʉ yono 'ayumona to conci seilei ho uhto tuhcu to amopepe.

'epeso 4:26

hocimula ma'sosohpoi, 'ote i'mi ta sohpoi tan'e ho peiskuisi; maezo 'otela conohie ma'sʉsʉ'no,

temote 1 2:5

'e so'emio eni 'aisieno yainca: moc'o cihi 'o hamo, ta pae'ohsa to hamo ho ita cou mo yaa cihi cimo notaico ci cou, 'ai'o moeno tmucou ci kilisto iesu;

temote 1 3:14

os'o tposi 'e tengami eni, yaeza tata'za ho ci'u meelʉ aupcio baito muu;

hevulu 9:24

'o kilisto ma'imo yʉmeʉmʉ to isi teyai ta cou ci socofkoyana; mac'o hu'ongka to a'ʉmtʉ socofkoyana. mo yʉmeʉmʉ ne pepe, yac'ʉneni to tuhcu to hamo a'to.

yakovu 1:27

inalasi hia baito to amohamo, i'ola cofkoya ho uk'a heo'tʉ ci singkoo 'aeno: aʉt'ʉcʉ tola 'atutumzo ci 'o'oko ho itola tuvcongʉ ci mamespingi, ayʉca 'e iachi ho o'te poa uv'ohneni no tokuzo ta hpʉhpʉngʉ.

yakovu 3:9

lato boemi ta umo ho tohmomoengʉ to nooe'oca, to amopepeto, tena maezo boemi ta umo ho patkuzoi 'e ohsila teyai to hamo ho poa mi'u'usnu no mi'ausnasi ci cou.

petelo 1 2:22

o'amosola peismi no kuisi; uk'a ci mosola tmalʉ hoci meknuyu.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

yohane 1 3:18

mao'o'oko, na himngonghito o'ante anovac'o ngov'eni ta sumsu, ahtuo'te aʉ'ʉmtʉ ci himngonghi, boemi no peipeis'ausna ho soomei!

yohane 1 3:5

imu cohivi, na atuhcusi homo aopa'to 'o kilisto tesi aapayo'a na kuisi; 'o kilisto uk'a ci kuisi.

yohane 1 3:7

mao'o'oko, 'ote noa peknui no mocmo ci cou. nala mee'ofeihni no moulʉlʉ, niante tamza no cou moulʉlʉ. aʉlʉ mais'a 'o kilisto zou moulʉlʉ.

yohane 1 4:4

at'inghi, mao'o'oko, mimu tma'usnu to hamo, a'vinano mimucu atpʉtʉ to meyoyongensa, maica i'omo no'ayumonʉ muu ci piepiya mo tasohe tamo no'ayumonʉ ta yata hpʉhpʉngʉ ci piepiya.

yohane 1 5:17

na afu'u 'oha moulʉlʉ ci peipeis'ausna zou acʉhʉ kuisi, at'inghi panto o'ate aʉlʉ mcoi ci kuisi.

yohane 1 5:21

mao'o'oko, temu boemocvihi to uacoua!

yohane 3 1:4

uk'a ci mocmo ci hi'hioa nante tmakakaebʉhe ho os'o tac'ʉhi na 'o'oko'u hola acʉhʉ yunsou no 'ayumona to so'emio.