yohane 1 1:7 - buacou seiso no faeva esvʉtʉ

⁷ at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

yohane 1 1:7 Iomraidhean Croise

matai 6:12

peu'uzva ho lamia mi'usnu suu ho peis'epo, mais'a ho lamia peu'uzva 'ola mi'usnu a'mi ho peis'epo ci cou.

yohane 1:29

cu mivahi, isi teolʉi to yohane 'o iesu te emo'usnu, cu yainca:

yohane 12:35

yainca to iesu:

looma 13:12

tec'u mon'i sucaefi 'e voecʉvcʉ, tec'u cmʉ'ho 'o tiskova. 'anateto 'aoko peis'usnu nomo voecʉvcʉ ci hi'hioa; la meua soanothʉ, ae'ayocʉ ehtothomʉ ho tenac'u tiskova.

kolinto 1 6:11

ta taicomu, piyo 'omosola maica ne auyusi. at'inghi. isicu tocofkoyai na muu, isicu poa cofkoya ho tma'usnu to hamo, isicu ieni to ongko to nooe'oca iesu kilisto ho ito piepiya to hamo ho meelʉcu yaa yupa toseolʉ ci natʉ'ca 'o hamo.

'epeso 1:7

i'mi homo mcoi 'o kilisto, mito elʉ to ziu, noa peteongasa 'e kuisito. na eni 'amoeno i'mi to atngaso ci mengumi to hamo.

'epeso 5:8

mohmula anana'o yonto mo voecʉvcʉ, at'inghi ahoi ne mohmucu sinto to nooe'oca, mimucu yonto 'ayumona to tiskova. 'elamu h'oyunsova la asansano mais'a yatatiskova.

temote 1 6:16

i'oc'o hamo na o'ate kuzo ho aapayo'ʉ. mo yonto o'ate peelʉi ohcum'a ta cou ci tiskova; uk'a mocu ci mosola baito ci cou, maezo o'ate peelʉi aiti ta cou. na taotofsi'i ho 'auesiesi ci tonʉ te no'usnu to hamo! 'aamen.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

yakovu 1:17

acʉcʉhʉ 'ola yonghu ho ʉmnʉ ci hi'hioa ho i'omo mav'ov'o ci a'sʉftonʉ ci mengumi mo acʉhʉ i'mi ne pepe, mo i'mi to amopepe; moso mooyai ta tiskova ci nooe'oca. o'amo ahtu aezuhu, maezo uk'a cimo tmaiezuhu ci ongko.

petelo 1 1:19

maisi ieni tomo mohtoesuyu ho sopepea ci hmuyu to kilisto, mais'a 'o o'amo ake'i ca'i ci hmuyu to oko no moatʉ'nʉ.

yohane 1 1:3

'e omza afu'a aiti, ho talʉi imza psoecʉ'ha muu, ko'ko poa meelʉ i'upu a'mi ho mai'upu ta cono taucunu; 'e cono taucunu eni 'aeno teto toehunga tanua 'o amopepe ho i'o okosi ci iesu kilisto.

yohane 1 1:5

maitan'e temza psoecʉ'ha muu 'o omzala i'mi to oko to hamo ho talʉi ci e'e: zou tiskova 'o hamo, asansano uk'a ci voecʉvcʉsi.

yohane 1 5:6

'o iesu kilisto homo uhta hpʉhpʉngʉ isi ieni to chumu no toonono ho ito hmuyu no ciha 'o nsousi; o'amo anouc'o boemi to chumu, mamo boemi to chumu ho hmuyu. 'o seilei isi iachia 'akasi na eni ho zou mou'ʉmtʉ, maica 'o seilei 'aeno so'emio.

yohane 2 1:4

mi'o na'no kaebʉ, maica os'o cohivi, ta 'ayumona ta 'o'okosu pantomo mee'ofeihni to mashʉyʉ to amopepe. yunsou to 'ayumona to so'emio.

yohane 3 1:4

uk'a ci mocmo ci hi'hioa nante tmakakaebʉhe ho os'o tac'ʉhi na 'o'oko'u hola acʉhʉ yunsou no 'ayumona to so'emio.

mokusi 12:11

'o masisinto isicu ieni to hmuyu to okomoatʉ'nʉ ho ito ihe epeaska ci so'emio ho atpʉtʉ to long; ac'ʉhʉ no kaebʉ hoci ciha 'o iachihe nsou.

mokusi 7:14

os'o yut'inga: isi mi'usni a'o ho yainca: <'emo maica ci cou mosola yupaezumo to meoino meakvo'ʉ. ohe yomza to hmuyu to okomoatʉ'nʉ ho tocofkoyai si iachihe yʉsʉ.