ne isicu tac'ʉhi to iesu eni cu yainca: <'o tma'congo to lazalu o'ate aʉlʉcu mcoi, ma tesi poa psoevohngʉ 'o hamo, a'vinano te maezo i'mi tan'e ho psoevohngʉ 'o oko to hamo.>
ihe aiti to cou to ic'o homo maifutu to emucu to poolo 'o fkoi, mo yupa mainca: <'amosola ahtuo'te opcoi no cou na eni, e'vono esifova ta etʉpʉ o'a isic'o poa yaansou no hicu ta pepe.>
ihe i'vaha i'nʉska kuici engahva, ihecu poesih'a, maica ho o'amo elʉ nontehe koa patvovei. 'emo botngonʉ ci cou mo acʉhʉ i'mi tamo yuyafo ci hi'hioa ho tohmomoengʉ to hamo.
ko'koeno, ito cohivi, a'vinano taa'uzva 'o hamo isi ngohia a'to. zou himngonghi 'o hamo. na micu yaa himngonghi na nsousi ci cou 'amicueno yayo ta nsousi 'o hamo. 'o hamo mo no'ayumonʉ to nsousi.
isi popeoskuna to hamo 'o pecnia ci okosi ho cmʉ'ho ta hpʉhpʉngʉ, teto ieni to oko ho meelʉ mayo no nsou; isi ieni tan'e to hamo ho pa'teni ho isi ngohia a'to.
