49 yainca to iesu:
ne isicu tac'ʉhi to iesu eni cu yainca: <'o tma'congo to lazalu o'ate aʉlʉcu mcoi, ma tesi poa psoevohngʉ 'o hamo, a'vinano te maezo i'mi tan'e ho psoevohngʉ 'o oko to hamo.>
amo, teko'so poa psoevohngʉ na ongkosu!> ne mio, panto fihngau cimo i'mi ne pepe, mainca:
temu boemi ta ongko'u, upena hoci m'ene no cuma, 'ate'o ahtao'te faeni, te akoeva no poa ieni ta okosi ho pa'teni na psoevohngʉ to amo.
mi'ocu yonta ceoa ho psoevohngʉ suu; os'ocu aepʉnga 'e ohsu toveineni a'o ci te'o hi'hioa.
mo yut'ingi 'o botngonʉ:
i'omo popeosmuhnu a'o la no'upu a'o; o'aisi teongasi a'o ho poa noachi, maica la'u conino hioa 'o lasi ʉm'ʉmnʉa ci hi'hioa.>
mongoi to ngikai 'o sitoo, maica ho mo nomio to ongko to iesu ho noa aokoe'iya, mo na'no kaebʉ 'o 'tohʉngʉhe.
na yu'ausnamu o'a isis'aeno eʉsvʉta muu, 'e hahocngʉ hocisi poa taacvoh'i 'e f'ʉsʉsi 'ates'aeno ma'kokoe'i,
'e isi efo'a mo mikuzkuzo ho 'oha taso; 'emo smoevovei mo yonghu ho yutataso.
o'ala mahsuski ho isi ekvo'i, o'amo maosmoyo ho isi tikuzkuzoa, lac'o mingeou nola moulʉlʉ ci leyʉsvʉtʉ.
