'e yohane 'aeno 'o ohsila engha to eyongensa 'izaya ci cou; isi yainca: ne maepuepuhu panto mo moozoyʉ ci cou: ayocneni no tesi ceonʉ 'o nooe'oca, ptusngʉcvi 'o tesi mia ci ceonʉ!
isi titha to yohane 'o e'e to eyongensa 'izaya ho yut'inga, yainca: 'aeno a'o 'omo yonta maepuepuhu ho fihfihngau moozoyʉ: ptusngʉcveni no tesi mia ci ceonʉ 'o nooe'oca!
at'inghi, siya nate mimo to te'o faeni ci chumu, 'anate ahtun'a i'vaho mecu. i'o te'o faeni ci chumu te i'mi ta 'ayumonasi ho esbobuka, o'ate ahtu tosvo moheafo 'o yaansou ci chumu, poa meelʉ mayo no 'auesiesi nsou.>
mimo to mo totiski ci esbobuka no piepiya. 'e esbobuka eni mo i'mi tomo to'upu fiho ci yakivayʉ no piepiya ho moheafo; 'o yakivayʉ ic'o 'ai'oeno kilisto.
oepʉngʉ, yaica ho yaa 'o sooetohvʉ, yainca: <'e sooetohvʉ eni isi titha to hamo 'e hmuyu'u ho p'eyac'a 'e faeva ci esvʉta. cono holamu ima, nte maica nate hioa ho taaecingia a'o.>
totiski, 'upena hoci zou couyutaya hocieno coungilisia na a'to. tolei hocieno ziu, moc'o acʉhʉ i'mi tamo cihi ci seilei ho tiou no toonono, hocu cono feango, a'vinano toehungu tma'upu ta cihi ci seilei.
isi i'vaha poa aitneni a'o to tensi 'omo mehacni ci va'hʉ no chumu no nsou, 'o psoevohngʉsi mo mais'a ngalasu, mo i'mi to suoca'ha to hamo ho okomoatʉ'nʉ ho moheafo,
'o seilei ho mamespingi mo mainca: namo afu'u tmalʉ ci cou nte maezo yut'ingi mainca: uhtan'ecu, acʉhʉ uhtan'e namo mecu ci cou; nate smoekaebʉ ci cou te tamaha'o ta chumu no nsou.