te'o titho ta chumu ho toononvi muu, te humzi ho mimucu ma'vovei; at'inghi, 'o tena uafeihihe a'o ci ic'o tesi titheni no seilei ho ino puzu ho toononvi muu. mo na'nohe taicini a'o, o'ate mako 'aseolʉ hoci'u tiatatvineni no sapiei.
te'o eʉsvʉta muu, na temula hia meot'ʉcʉ no 'tohʉngʉ to hamo temu asansano tosa'ohe to lema'cohio seiso ho ito coufalisai niantemu meelʉ yʉmeʉmʉ to hpʉhpʉngʉ ne pepe.>
hocisi poa peiskuisi tamo coni ta mcoosu, te yuyafi! hoci uk'a namo conci mcoo ho yʉmeʉmʉ no hpʉhpʉngʉ to hamo, te ʉmnʉhe nomo noemʉhʉ na mcoo ho noa to'ayumoneni ne vooecʉvcana.
'emo maica ci cou o'a mo i'mi ta natʉ'ca no ceoceona no hmuyu, o'amo i'mi no poc'ou ta cou, maezo o'amo h'unano i'mi no 'tohʉngʉ ta hahocngʉ ho yayo, mamo i'mi to hamo ho yayo.
maica 'o p'ofiha to seilei, 'ai'omoeno poa i'upu to kilisto iesu ho toehungu mayo no nsou, isicu i'mi to p'ofiha to kuisi ho ito mcoi hocu psoevoyunga a'to.
maanat'ohaesa, 'e te'o engha zou: 'e isi teyai ta hmuyu ho fou ci feango o'ate meelʉ tiuski no hpʉhpʉngʉ to hamo, i'ote kuzo o'ate meelʉ tiuski no o'ate kuzo.
o'amito tiou no piepiya ta hpʉhpʉngʉ, mamito tiou to isi popeoskuna to hamo ci seilei, tesi akoeva no poa meelʉ bochio no isi afu'a faeni a'to to hamo ci mengumi.
ta taicomu, piyo 'omosola maica ne auyusi. at'inghi. isicu tocofkoyai na muu, isicu poa cofkoya ho tma'usnu to hamo, isicu ieni to ongko to nooe'oca iesu kilisto ho ito piepiya to hamo ho meelʉcu yaa yupa toseolʉ ci natʉ'ca 'o hamo.
ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!
'e chumu eni 'aisieno epo'usa no toonono. maitan'e 'e toonono eni isi to'usni muu, o'a isis'a yainca isi toonvi na ca'i ta feangomu, mamo boemi no cofkoya ci 'tohʉngʉ ho mi'usnu to hamo ho ekoyu; 'e toonono eni isi ieni to smoevovei to iesu kilisto hocu to'usni muu.
