yohane 3:16 - buacou seiso no faeva esvʉtʉ

¹⁶ isi a'ʉmta ngohia to hamo 'e yatatiskova, ac'ʉha no faeni 'o pecnia ci okosi, te o'te poa meaapayo'ʉ namo afu'u tmaa'uzo ci cou, apuyu mayo no 'auesiesi nsou.

yohane 3:16 Iomraidhean Croise

matai 9:13

yainca to seiso: <> temu ta'to'tohʉngva na e'ausnasi tan'e! maica na te'o atuhca hioa ho mi'o cmʉ'ho o'ate'o eyoho'a namo ʉmnʉ ci cou, 'ai'o moeno kuici cou 'o te'o eoho'a.>

maluko 12:6

'o tauke i'ocuc'o 'o isi songohza ci oko 'o mon'a nongaco. ataveia skuna ho poa uhto leyaezoi, yainca no koyusi: <<'atehe ahtao'te einva 'e oko'u.>>

luka 2:14

na psoevohngʉ te ta'usna to sopepea ci hamo! na moususeomʉ te ta'usna ta isi ʉm'ʉmnʉa ci cou ta ceoa!

yohane 1:14

mo tmucou 'e e'e, no'ayumonʉ ta taicoto, nongcʉngci to mengumi ho so'emio. itocu aiti 'o psoevohngʉsi, 'e psoevohngʉ eni isi anana'va tanua to pecnia ci oko to amo.

yohane 1:18

uk'amocu ci mosola baito to hamo, i'oc'o pecnia oko, 'ai'o moeno atva'esi natvopca to amo ci ic'o, isi paavi ho eyafa.

yohane 1:29

cu mivahi, isi teolʉi to yohane 'o iesu te emo'usnu, cu yainca:

yohane 10:28

os'o pafi to 'auesiesi nsou, o'ate ahtu meaapayo'ʉ; 'upena na siya uk'a ci te meelʉ i'mi ta emucu'u ho ti'einga.

yohane 3:15

te poa mayo no 'auesiesi nsou namo afu'u tmaa'uzo ci cou.

yohane 3:18

namo tmaa'uzo to okocou o'atesi topci no kuisi; namo o'te tmaa'uzo ci cou micu noa topci no kuisi, maica ho o'a isi taa'uzva 'o pecnia ci oko to hamo.

yohane 3:36

namo tmaa'uzo to oko, te yaa 'auesiesi ci nsou; nate o'te tmaa'uzo to oko, o'ate ahtu yaa a'ʉmtʉ nsou, a'vinano na patvovei to hamo 'auesiesi o'ate ahtu mongoi ta feangosi.

yohane 6:40

maica ina 'tohʉngʉ to amo tesi acʉha poa mayo no 'auesiesi nsou nate afu'u baito ta oko ho tmaa'uzo; no puesona ta hie, te'o poa smoevoveia.>

looma 5:10

na a'to zou anana'o hangʉ to hamo, at'inghi ieni to mcoi to okosi ko'ko mitocu naoveia 'o hamo. ho mitocueno naoveia 'o hamo, o'a tetos'aeno afnaso ieni to nsou to kilisto ho mayo no to'usni?

looma 5:8

at'inghi 'o hamo isi pa'teni a'to na uk'a toc'ʉhʉ ci himngonghi: ne mohton'a yaa kuisia, isicu mcoineni to kilisto a'to!

looma 8:32

isi ac'ʉha to okosi ho o'te ngohia, faeni ta mito botngonʉ. homoeno maica, o'atesis'aeno yaeza acʉha taha'veni a'to 'e aʉcʉcʉhʉ?

'epeso 2:4

at'inghi, mo yaa atngaso ci himcocoveoi 'o hamo; na lasi hia ngohia a'to mo meoisi ho uk'a noca'cʉ'hi.

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

tito 3:4

at'inghi, 'o nooe'oca hamoto isicu epa'teni na ma'cinghi ho himngonghisi, ieni to isi faeni to seilei ci i'momhomʉ yayo ho ito yufaeva ci toonono, cu to'usni a'to; na eni o'amos'a i'mi no pano ʉmnʉ ci lato peipeis'ausna. mamo i'mi no hiasi acocoveoza a'to.

hevulu 2:9

ito apuya aiti 'o iesu, isi akameosa siyahe to mo cʉecʉhe to tensi, te ko'ko peelʉi ieni to mengumi to hamo ho nomio ta yatatiskova ho mcoi. maitan'e, ito aiti 'o iesu micu sucaefi to 'atutumzo to mcoi ho mayo to psoevohngʉ, so'einu ci tafange.

yohane 1 3:1

temueno aiti, mo mainenu na lasi hia ngohia a'to to amopepe! ac'ʉha no yainca zou 'o'oko to hamo na a'to; a'ʉmtʉsi, 'aeno a'ʉmtʉ 'o'oko to hamo a'to. ho lahe ko'ko o'te honga ta yata hpʉhpʉngʉ a'to, mo maica ho o'a ihe honga 'o hamo.

yohane 1 4:19

ho mito himngonghi, maica ho isi auevahe ngohia to hamo a'to.