3 isi mi'usni to saimong petelo ho yainca: acʉhʉ mainca: micu acʉhʉ yuyafo, smo'apangʉ; at'inghi cono feʉngna uk'a ci isi maka tolʉi ci cuma.
yainca to saimong:
ne mon'a aʉlʉ esmomho 'o hie, mo yac'ʉ to aaskiti to chumu 'o iesu, at'inghi o'a ihe cohivi to tesi ho zou i'o iesu.
mo nochʉmʉ ho toehungneni yaahioa; maica mosola anana'o noe'ocʉ no mooyai tenmaku 'o poolo ho eansonsou, mo totiski 'e lahe hioa.
imu iachia cohivi, la'u boemi ta emucu'u ho yaahioa, poa am'amso 'e la'u tititha a'upu 'o lamia toehungu yaahioa.
inamo emʉm'ʉ ho inamo cohmo te koacuma; acʉcʉhʉ mo yono mo himhohioa ho poa yusuhci ci hamo.
niante yainca c'o a'o ho i'o panapa nate ih'unu nomio note paceofa. ana ho iachi yaahioa?
maanat'ohaesa, 'aimus'a ahtao'te talʉa, lea mainenu na lamza hia asno'zonʉ ngoseo yaahioa, mo nomio no o'te poa e'ecvʉhʉ muu ho temza psoyaski ta fukuin to hamo.
