yohane 17:3 - buacou seiso no faeva esvʉtʉ

³ honga suu ho zou cihic'o ci a'ʉmtʉ hamo, a'vinano honga 'e osko popeoskuna ci iesu kilisto, 'aeno 'auesiesi nsou.

yohane 17:3 Iomraidhean Croise

maluko 9:37

luka 9:48

isicu mi'usni 'o tesi ho yainca:

yohane 10:36

inacu a'o, isi epeiya to amo'u a'vinano popeoskuna poa uhta hpʉhpʉngʉ. os'o yainca zou oko to hamo a'o, mainci imu aac'o yainca os'o aokoe'iya 'o hamo?

yohane 11:42

os'o cohivi lako asngʉcva talʉi a'o; at'inghi ho os'o e'e eni os'o nomzi 'emo nokuyungu ci cou, akoeva no poa taa'uzveni ho osko popeoskuna a'o ho uhtan'e.>

yohane 14:26

at'inghi 'o le'aʉt'ʉcʉ, 'ai'o isieno ieni ta ongko'u to amo ho skuna ci seilei, tesi pa'cohivneni muu na acʉcʉhʉ ci hi'hioa, a'vinano tasila poa talʉaneni muu 'o o'ula afu'a engha ci e'e.

yohane 17:18

aʉlʉ mais'a a'o osko popeoskuna ho poa uhta hpʉhpʉngʉ, te'o yaeza popeoskuna hin'i ho poa uhta hpʉhpʉngʉ.

yohane 17:21

tehin'i'sola acʉhʉ tmucni. amo, tehin'i'sola no'ayumonʉ ta nsouto; totiski suu ho no'ayumonʉ ta nsou'u, tehin'i'sola acʉhʉ tmucni, akoeva no poa taa'uzveni ta yata hpʉhpʉngʉ ho zou suu namo popeosmuhnu a'o.

yohane 17:23

mi'o no'ayumonʉ ta nsouhe, na suu miko no'ayumonʉ ta nsou'u, akoeva no poa a'sʉftonʉ tmucni hin'i, ko'ko poa cohivneni ta yatatiskova ho osko popeoskuna a'o, yaeza cohivi ho osko ngohia hin'i, mais'a ho lako ngohia a'o.

yohane 17:25

moulʉlʉ ci amo, o'a ihe honga ta yatatiskova suu, at'inghi os'o honga suu. 'emo maica ci cou ihe cohivi ho osko popeoskuna a'o.

yohane 17:8

os'o evahi ta ohsula afu'a faeni a'o ci e'esu, ihe yaeza tiova. ihe asansana cohivi na a'o mi'o i'mi suu, yaeza taa'uzva ho osko popeoskuna a'o.

yohane 3:17

maica isi popeoskuna to hamo 'o okosi ho poa cmʉ'ho ta hpʉhpʉngʉ, o'atesi topci no kuisi 'e yatatiskova, matesi ieni to okosi ho to'usni 'e yatatiskova.

yohane 3:34

i'o isi skuna to hamo ci ic'o mo epeaski to e'e to hamo, maica 'o hamo mo uk'a aca'cʉ'hi ho faeni na seileisi.

yohane 5:44

lamu kaebʉ yupa tohmomoengʉ, o'alamu mici noa tohmomoengʉneni tomo i'mi to cihi ci hamo ho cmʉ'ho; maicac'o, mante mainenu ho cimu meelʉ tmaa'uzo?

yohane 6:57

'o 'auesiesi yaa nsou ci amo isi popeoskuna a'o, mi'o maezo nomio to amo ho yaansoua. totiski. namo bonʉ ta feango'u te maezo nomio a'o ho yaansoua.

yohane 7:29

ma os'o honga; maica ho mi'o i'mi to lasi yoni. 'aeno ic'o 'omo popeosmuhnu a'o.>

yohane 8:19

ihecueno tuocosi: yut'inga to iesu:

kolinto 1 15:34

la peihsasmome, 'otena i'vaho peiskuisi. ho os'o e'e eni te'o poa ma'kokoe'i muu, maica ita taicomu panto o'amo bohngʉ to hamo.

kolinto 1 8:4

homo maica, e'usna no bonʉ to oho titha sʉ'tʉ to uacoua ci 'oanʉ, ito cohivi, 'o uacoua o'aisi tamza no mio a'ʉmtʉ yayo ci a'a'ausna; ito yaeza cohivi, moc'o cihi na hamo.

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

pilipi 3:10

la'uc'o tongsoyʉ no bohngʉ to kilisto, ta'hongi na meoino tonʉ no smoevovei, e'paevai no 'atutumiosi, emoothoma 'e nia hiasi mcoi,

pilipi 3:8

o'amo anouc'o maica, os'o h'unasa hukokoakuzoa 'e acʉcʉhʉ ci hi'hioa, maica ho os'o angongohia ho mi'o bohngʉ to nooe'oca kilisto iesu. nomio to kilisto, os'o ciha 'e acʉcʉhʉ, ho ta'upa no pucu, te'o 'uciahe elʉa 'o kilisto.

tesalonike 1 1:9

ihe toehunga epeaska: ne momza uso ho baito muu, 'o nia hiamu aʉt'ʉt'ʉca a'mi, mo mainenu na hiamu mongoi to uacoua ho miezuhu to hamo, fifiho tomo a'ʉmtʉ ho yaansou ci hamo,

tesalonike 2 1:8

tesi patvovei 'omo me'o'o'te bohngʉ, ho o'te tmalʉ to fukuin to nooe'oca iesu ci cou.

hevulu 3:1

noa epeiya ho eyoho'a to hamo ci sinto maananghia, ntemu ta'to'tohʉngva 'o iesu; 'aeno 'o ito ehohonga ta singkooto ci soskuskunu ho taisaisi.

petelo 2 1:2

temu'sola ieni ho mimu bohngʉ to hamo ho ito nooe'ocato ci iesu kilisto ho elʉ no atngaso ci mengumi ho soanono!

petelo 2 1:3

ina tonʉ to hamo isicu acʉha faeni a'to na teto tititha ho mito boemi no singkoo ho yaansou; 'e mengumi eni isi ieni no bohngʉ tomo eyoho'ʉ a'to ho poa tma'upu no psoevohngʉsi ci hamo ho elʉa.

petelo 2 1:8

'aeno eni nantemu anana'va seocavi ci yu'ausna, hocimucu acʉha poa noemʉhʉ eni, 'atemu ahtuo'te h'unano tvaezoya h'unano mipo'ʉ'ʉmtʉ no 'ucia a'ʉmta honga 'o nooe'oca iesu kilisto.

yohane 1 1:2

ne moso yuyafo 'e nsou eni, omzacu aiti; ko'koeno, temza mi'usnu muu ho 'akasi, a'vinano psoyaska 'o mohcu anana'o no'upu to amopepe, a'vinano micu aopa'to a'to ci 'auesiesi nsou.

yohane 1 1:3

'e omza afu'a aiti, ho talʉi imza psoecʉ'ha muu, ko'ko poa meelʉ i'upu a'mi ho mai'upu ta cono taucunu; 'e cono taucunu eni 'aeno teto toehunga tanua 'o amopepe ho i'o okosi ci iesu kilisto.

yohane 1 2:23

maica, nala afu'u bʉʉpsʉpsʉ to socofkoya ci oko, 'amoeno maezo bʉʉpsʉpsʉ to socofkoya ci amo; namo afu'u apa'to ebobohngʉ to socofkoya ci oko, te yaeza elʉa 'o socofkoya ci amo.

yohane 1 4:6

at'inghi, mito tma'usnu to hamo. i'omo bohngʉ to hamo ci cou la tmalʉ a'to; na o'amo tma'usnu to hamo o'ala tmalʉ a'to. ieni tamo coni tan'e, tetocu cohivi te yainenu hote peelʉi hupaevazi na so'emio ci piepiya ho ina meknuyu ci piepiya.

yohane 1 5:20

ito cohivi, micu cmʉ'ho 'o oko to hamo, a'vinano pafi no toutʉs'ʉ na a'to, ko'ko poa bohngʉ to a'ʉmtʉ hamo na a'to. mito no'ayumonʉ no nsou to a'ʉmtʉ hamo. 'aeno 'ayumona to nsou to okosi iesu kilisto. zou a'ʉmtʉ hamo, 'aeno 'auesiesi ci nsou.