15 mantemu mainca:
ne tec'u yupepeevai, isi mi'usni 'omo botngonʉ ho yainca: micu i'vaho mine 'epeso ho smo'apangʉ 'o poolo.
la'u 'inoli to hamo, fiho no ʉmnʉ ci 'tohʉngʉsi ho ptuceoneni a'o, atavei poa yaa 'oc'ocic'o ci hie ho baito muu.
hocisi teomneni to hamo, te'o meelʉ kokaekaebʉ ho baito muu, mipiyohi no'upu muu ho to'si'ʉyʉ.
o'aos'o ʉmnʉa ho ci'uc'o neisva ho aiti muu; hocisi teomneni to nooe'oca, os'o tata'za hoci'u ake'i mina'vi no'upu muu.
a'ʉmtʉsi, hocisi teomneni to nooe'oca, o'ate noana'o ta'ucu usa ho aiti muu. ho mio, o'ate'o anova talʉi zou cuma na lahe 'e'e tala bifnaso ci cou, te'o yaeza aiti cuma nalahe peelʉi hioa.
teto poa emo'usnu no micu yʉepʉngi ci singkoo ho emosuhcu! hocisi teomneni to hamo, 'aeno eni na teto hioa.
at'inghi, nama lamu bitano ho bimeoisi; 'emo maica ci bitano zou acʉhʉ kokuzo.
