yakovu 4:11 - buacou seiso no faeva esvʉtʉ

¹¹ maanat'ohaesa, 'otela yupa etfʉngʉ. siya namo etfʉngʉ hocieno eayaezoyʉ no nanat'ot'ohaesa, 'aisieno etfʉnga ho eayaezoya 'o hoolicu to moose. hociko etfʉnga ho eayaezoya 'o hoolicu, o'ana miko meo'uzo to hoolicu, ma isi eayaezoya 'o hoolicu.

yakovu 4:11 Iomraidhean Croise

luka 6:37

<'otela yʉsvʉtʉ no cou, tesieno o'te yʉsvʉta to hamo na muu; teav'a topci no kuisi na mocmo, tesi o'te topci no kuisi to hamo na muu; temu peteongaso no cou, tesieno peteongasa to hamo na muu.

looma 2:1

nanghia, ho lako eayaezoyʉ no mocmo, 'upena hoci siya suu, o'ate ahta peelʉi peu'uzva. ho ciko eayaezoyʉ no mocmo, ho totiski no mocmo na lako hioa, 'amicueno invonvo topco no kuisi.

looma 2:13

maica na lasi yʉsvʉta to hamo ho uk'a kuisi, o'as'a inalac'o tmalʉ to hoolicu ci cou, mai'ola peis'ofeihni to hoolicu ci cou.

looma 7:7

homo maica, tetoeno peelʉi yainca mo yaa kuisi 'o hoolicu? o'ate ahtu maica! at'inghi, ieni to hoolicu, os'ocu cohivi cuma na kuisi. hocisi o'te yainca to hoolicu <'otela ma'konvosʉ>, o'ate'o cohivi cuma na ma'konvosʉ.

kolinto 1 4:5

ko'koeno, ho o'amocute esmi na hiesi, o'a temu etfʉngʉ no mocmo ci cou. te toc'ʉha ho tac'u i'vaho cmʉ'ho 'o nooe'oca niantec'u yaa sotavei ci yʉsvʉta; ho mio tasi epopayoi na ohola auc'oc'ova efʉefʉnga no voecʉvcʉ, eceofi nala ta'kokoeva ta cou, ho mio. 'emo macicihi tena mayo nonte anana'va elʉa ci tohmomoengʉa to hamo.

kolinto 2 12:20

os'o sokoeva ho ta'u uso muu, aiti hocimu o'te toseolʉ no o'ula 'ucia totea, ho tamu aiti a'o maezo o'amo toseolʉ no ohmula totea, os'o yaeza smoyoa ho ci'u baito no youbobai, smo'eubut'u, ma'sʉsʉ'no, ma'konvosʉ, eayaezoyʉ, buusumsu, bobitano, ho 'afeo'fu'u.

'epeso 4:31

temu aapayo'a na afu'u ma'bubut'u, pak'i, ma'sʉsʉ'no; 'otenala i'vaho 'afeo'fu'u hocieno eayaezoyʉ; 'otenala i'vaho yaa mihango ci koyu.

temote 1 3:11

na vcongʉhe te maezo yaa ʉmnʉ ci peipeis'ausna, o'te buusumsu. la ayʉyʉcʉ. aa'pucu eʉlʉ ho tae'oci.

temote 2 3:3

uk'a na'oahnga, peispapak'i, kaebʉ buusumsu, moezʉezʉhʉ. pak'i, himsʉ'no no mou'ʉmnʉ.

tito 2:3

teko yaeza eucufna 'o mameoi ci maamespingi, la bumemealʉ na peipeis'ausna. 'otela buusumsu, 'ote noa tolei no emi. la yaa ʉmnʉ cila hu'ofeihni,

yakovu 1:16

songohia ci maanat'ohaesa'u, 'ote noa tonongonongoi!

yakovu 1:19

songohia ci maanat'ohaesa'u, 'e mimu macicihi ci cou ntela aa'pucu tmalʉ no 'tohʉngʉ no mocmo ci cou, 'ote 'aumeumeusu ya'ei, 'otela angu luesasʉ'no.

yakovu 1:25

at'inghi, i'ola ma'eʉyʉcʉ ho 'ucia ta'sansana 'ola koa ziu ta cou ci 'ofiha ho fihi, o'alasis'a talʉi hocu ta'payo'a, malasi asansana fihi hioa; 'emo maica ci cou te yonta lasi hi'hioa ahtuo'te noa pafi no ʉm'ʉmnʉ to hamo.

yakovu 2:8

honcimu meot'ʉcʉ to isi tposi to seiso ci p'ofiha to faeva ci hpʉhpʉngʉ. 'amicu emzo.

yakovu 5:10

maanat'ohaesa, la talʉa 'omoso boemi to ongko to nooe'oca ho aomotʉ'ʉ ci eyongensa, yoyayaeza 'o nia hiahe noututumzo ho luaveica.

yakovu 5:7

ko'koeno, maanat'ohaesa, temula buveici, toc'ʉha ho tac'u i'vaho esmi 'o nooe'oca. aiti. 'o leyaezoi la a'ʉmtʉ buveici ho mooteo hocic'u tov'oha 'ola emʉemʉ'a ta ezoezoyʉ, buveici ho mingeou hoci ahtu mʉchʉ.

yakovu 5:9

maanat'ohaesa, 'otela yupa eubut'u, tesis'a yʉsvʉta to hamo na muu. tec'u mon'i cmʉ'ho 'ote yʉsvʉtʉ ci nooe'oca, cu yonta phingi.

petelo 1 2:1

ko'koeno, temula yuse'va na afu'u kuzo ci hi'hioa, 'ote i'vaho meknuyu, me'ʉ'ʉmnʉ, smo'eubot'u, hocieno eayaezoyʉ no cou ci e'e;