yakovu 3:17 - buacou seiso no faeva esvʉtʉ

¹⁷ at'inghi, 'omo i'mi ne pepe ci moutʉs'ʉ mo piyo cila humzi: 'o ahoisi zou cofkoya, 'o cnguhusi zoucu moususeomʉ, luaeinva, nanghia, nongcʉngci to himngonghi, meelʉ beahci nomo atngaso ci ʉmnʉ, o'ala ma'cachi, o'amo me'ʉ'ʉmnʉ.

yakovu 3:17 Iomraidhean Croise

matai 23:28

totiski. ho isi huyafi lamu mais'a mo a'sʉftonʉ mouhmʉskʉ. at'inghi na 'tohʉngʉmu mo ngangcʉngcʉ na meknuyu ho kokuzo.>

matai 5:8

'ola tʉs'ʉ ci 'tohʉngʉ a'ʉmtʉs'a ʉm'ʉmnʉ; tehe teolʉi 'o hamo!

matai 5:9

'ola cucufnu no moususemʉ ci cou a'ʉmtʉs'a ʉm'ʉmnʉ; tesi ta'okoa to hamo!

luka 21:15

maica te'o fii no mahsosonʉ ci ngayo ho moutʉs'ʉ, poa o'te meelʉ etpʉtʉ ho yutasufku na hangʉmu.

luka 6:36

temula ma'cocacni, mais'a 'o amomu pepe la ma'cocacni.>

yohane 1:14

mo tmucou 'e e'e, no'ayumonʉ ta taicoto, nongcʉngci to mengumi ho so'emio. itocu aiti 'o psoevohngʉsi, 'e psoevohngʉ eni isi anana'va tanua to pecnia ci oko to amo.

yohane 1:47

ne isi aiti to iesu 'o natanyo nemo emo'usnu, cu yainca:

sitoo 11:24

zou ʉmnʉ ci cou 'o panapa, isi nongcʉngci no seilei, yaa mahtʉicʉ ci singkoo. i'mizi no botngonʉ ci cou 'omo tmaa'uzo to nooe'oca.

sitoo 9:36

ne yoopa panto cihi ci tesi no mamespingi zou tapita 'o ongkosi ('o ongko nosi ngilisia zou toka, zou moatʉ'nʉ no mayahe 'o e'ausnasi). man'i 'o isi hioa cimo ʉmnʉ ci hi'hioa. kokaebʉ to'usnu tola thi'cia ci cou.

looma 12:18

la pnanfi na tonʉsu ho bunananghiya to botngonʉ.

looma 12:9

himngonghi no cou la mou'ʉmtʉ. la himkuzo to kokuzo, noʉyʉci na mou'ʉmnʉ.

looma 15:14

maanat'ohaesa, os'o iachia asansana cohivi mimu a'sʉftonʉ yaa mou'ʉmnʉ ci peipeis'ausna, maezo noemʉhʉ na atngaso ci mau'to'tohʉngʉ. meelʉ yupa poucufnu,

kolinto 1 12:8

'o seilei isi pafi no moutʉs'ʉ ci e'e 'emo cihi, totiski ci seilei isi pafi no mau'to'tohʉngʉ ci e'e 'emo h'unasi ci cou.

kolinto 2 10:1

na a'o - poolo te'o aʉla iachia poucufna muu. hola'u no'upu muu lamu ta'unano mi'o na'no ma'cocacni, ho la o'te no'upu la na'no mouyʉcʉ; maitan'e te'o ieni to ma'cocacni ho moususeomʉ to kilisto ho m'ene muu:

kolinto 2 6:6

lamza boemi no cofkoya, mau'to'tohʉngʉ, buveici, ma'cocacni, afnaso i'tohungu to seilei. mou'ʉmtʉ ci himngonghi.

kolinto 2 7:11

temu aiti, 'o hamo isi yainenu na hia tiseolʉa na nac'omu, poa 'aumeumeusu no eto'usni 'e iachi, a'vinano pa'teni na sohsohpoi no mici peis'ʉ'ʉmnʉ, aʉtʉs'ʉ, mingeou, meot'ʉt'ʉcʉ, koicʉ no 'oha peislʉlʉ! yontamo mav'ov'o lamu soomei na lamu hia peihcocofkoya.

kolinto 2 9:10

i'ola mofi to hioyapo ho faeni tola miyapo, maezo mofi to 'oanʉ ho poa aneni ta cou ci hamo, 'atesi ahtao'te pafeni muu nate emʉ'a ci hioyapo, tesin'a poa yʉepʉngi, poa at'otngaso beahci na ohmula hi'hioa ci moulʉlʉ.

'epeso 5:9

'e tiskova la beahci tomo at'otngaso, 'aeno mou'ʉmnʉ. moulʉlʉ, ho so'emio.

pilipi 1:11

na h'oyunsovamu te nongcʉngcʉ na isi ieni to iesu kilisto ho yayo ci beahci no moulʉlʉ, ho psoevohngʉ tohmomoengʉ to hamo.

pilipi 4:8

ataveisi, maanat'ohaesa, temula conino buyuyue'iya i'ola ʉmnʉ ho peelʉi tohmoengʉi ci hi'hioa. acʉcʉhʉ 'ola mou'ʉmtʉ, mitohʉngʉ, ahmʉskʉ, cofkoya, ʉm'ʉmnʉa, ho i'ola taotofsi'i ci hi'hioa ntemu la acʉha huecvʉhʉa.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

tesalonike 1 2:7

ho eno feango no sitoo to kilisto a'mi, nte anana'o meelʉ mi'usnu muu ho noa einva; at'inghi ne momza no'upu muu, mimza mi'usnu muu ho bumama'cocacni, mais'a ino hola paun'u to 'o'oko.

temote 1 5:21

te'o yonto tuhcu to hamo, kilisto iesu, ho ito isi epeiya ci matetensi, bumemeala eutotaveiya suu ho pee'ofeihni 'emo maica ci hia mahsʉsʉftʉ, 'otes'ala yaa ma'cachi ho ma'peu ci 'tohʉngʉ ta mo mav'ov'o ci hi'hioa.

temote 2 2:24

na soskuskunu to nooe'oca o'ate eyobai; nte ma'cocacni hola mi'usnu to cou, asno'zonʉ mo'ma'cohio, aa'pucu buveici.

tito 1:15

hoci e'usna tola acocofkoya ci cou, la acʉhʉ cofkoya 'e acʉcʉhʉ; at'inghi hoci e'usna tola coca'i ho o'te tmaa'uzo ci cou, uk'a ci mo conci cofkoya ci macucuma, maica 'o ʉmnʉ ci 'tohʉngʉhe micu acʉhʉ kuici ca'i.

tito 3:2

eucufna 'otela tokuzkuzo no mocmo ci cou. 'ote youbobai; la ma'popoha'o ho bunananghiya. boemi no ma'einu ci mi'ausna ho mi'usnu ta afu'u cou.

hevulu 12:11

holato tiou no pahsʉsʉfti, la auc'oc'ou 'oha kaebʉ; at'inghi to ataveisi, i'omosola tiou no pahsʉsʉfti ho sucaefi no ngoseo ci cou te meelʉ beahci no soanono, hocu yunsou no mousngʉcʉ ci h'oyunsova.

hevulu 12:14

la asno'zonʉ nananghinghia to cou, mino mo socofkoya ci h'oyunsova; hoci uk'a socofkoya ci h'oyunsova uk'ana ci cou cite teolʉ to nooe'oca.

yakovu 1:17

acʉcʉhʉ 'ola yonghu ho ʉmnʉ ci hi'hioa ho i'omo mav'ov'o ci a'sʉftonʉ ci mengumi mo acʉhʉ i'mi ne pepe, mo i'mi to amopepe; moso mooyai ta tiskova ci nooe'oca. o'amo ahtu aezuhu, maezo uk'a cimo tmaiezuhu ci ongko.

yakovu 1:5

ta taicomu hoci panomo o'te amso na moutʉs'ʉ, nte mi'usnu to hamo ho m'ene, tesi pafi no moutʉs'ʉ na muu, maica lasi kaeba at'otngasa ho pafeni tamo macicihi ci cou.

yakovu 2:13

maica i'o hamo ho tena yʉsvʉtʉ, o'atasi yomza no ma'cocacni ho mi'usni 'ola 'oha ma'cocacni ci cou. at'inghi, na ma'cocacni la tosa'ohe to yʉsvʉtʉ.

yakovu 2:4

'amikocueno ma'peu, mo kuici koyu ho hupotfʉnga 'e cou.

yakovu 3:15

'o lamu yainca moutʉs'ʉ o'amo i'mi ne pepe, mamo tma'usnu ta ceoa, tma'usnu no ma'konvosʉ, tma'usnu no 'akuma.

yakovu 4:8

hocimu bicmu'u to hamo, 'atesi ahtao'te bicmu'i to hamo na muu. 'ola yaa kuisi ci cou, la poa cofkoya na emucumu! 'ola me'ʉ'ʉmnʉ ci cou, la poa cofkoya na 'tohʉngʉmu!

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

petelo 1 2:1

ko'koeno, temula yuse'va na afu'u kuzo ci hi'hioa, 'ote i'vaho meknuyu, me'ʉ'ʉmnʉ, smo'eubot'u, hocieno eayaezoyʉ no cou ci e'e;

petelo 1 2:18

i'ola noa soskuskunu, temula einu ho meot'ʉcʉ to tauke, o'a anouc'o 'omo ma'cocacni ci tauke na temu la yaica, i'omo mouyʉcʉ ci tauke teec'o totiski.

yohane 1 3:18

mao'o'oko, na himngonghito o'ante anovac'o ngov'eni ta sumsu, ahtuo'te aʉ'ʉmtʉ ci himngonghi, boemi no peipeis'ausna ho soomei!

yohane 1 3:3

nala afu'u mooteo no aopa'to 'o kilisto ci cou te acʉhʉ iachi ayʉyʉcʉ acocofkoya, totiski to kilisto ho cofkoya.