yakovu 1:27 - buacou seiso no faeva esvʉtʉ

²⁷ inalasi hia baito to amohamo, i'ola cofkoya ho uk'a heo'tʉ ci singkoo 'aeno: aʉt'ʉcʉ tola 'atutumzo ci 'o'oko ho itola tuvcongʉ ci mamespingi, ayʉca 'e iachi ho o'te poa uv'ohneni no tokuzo ta hpʉhpʉngʉ.

yakovu 1:27 Iomraidhean Croise

matai 12:32

inala ya'ei ho akvo'ʉ to oko cou ten'a peelʉi peteongasa; at'inghi hoci boevovoyo to seilei. 'upenaeno maitan'e hocieno ho noana'o, o'ate ahta peelʉi peteongasa.>

matai 5:8

'ola tʉs'ʉ ci 'tohʉngʉ a'ʉmtʉs'a ʉm'ʉmnʉ; tehe teolʉi 'o hamo!

luka 1:6

holasi aiti to hamo, mo aepohʉ mousngʉcʉ ci cou, ayʉyʉcʉ ho noyʉci 'o h'oesvʉta ho h'ofiha to hamo.

looma 12:2

'ote noa uv'oha ta hpʉhpʉngʉ, la poa teovahneni to hamo na muu, teofafaevai na 'tohʉngʉ ho koyumu, teeno peelʉi husansana zou cuma na 'tohʉngʉsi, cohivi zou cuma na mou'ʉmnʉ, a'sʉftonʉ ho peelʉi ʉm'ʉmnʉa.

looma 2:13

maica na lasi yʉsvʉta to hamo ho uk'a kuisi, o'as'a inalac'o tmalʉ to hoolicu ci cou, mai'ola peis'ofeihni to hoolicu ci cou.

ngalatea 1:4

'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi.

ngalatea 3:11

tec'u aiti uk'a cite meelʉ biftongʉ no mee'ofeihni to hoolicu ho yaa toseolʉ ci natʉ'ca to hamo; maica ho isi yainca to seiso:

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

ngalatea 6:14

inacu a'o, o'ate'o etanveni na mocmosi, te'oc'o etanveni 'o zuuzika to nooe'oca iesu kilisto. maica, 'e zuuzika eni, hoci e'usna a'o 'e hpʉhpʉngʉ isicu spica to zuuzika; hoci e'usna ta hpʉhpʉngʉ. na a'o isicu spica ta zuuzika.

'epeso 2:2

ne mio, mohmula mee'ofeihni to kokuici hi'hioa ta hpʉhpʉngʉ, peteozu tola tʉʉt'ʉcʉ ta engʉca, 'ai'olaeno aʉt'ʉcʉ to la yutasufku to mashʉyʉ to hamo ci h'aokuv'o.

temote 1 1:5

na atuhcusi ta mashʉyʉ tan'e la cucufnu no himngonghi; 'e himngonghi eni, la i'mi no cofkoya ci 'tohʉngʉ. ʉmnʉ ci koyu, ho ino a'ʉmtʉ ci singkoo ho cmʉfeʉ.

temote 1 5:4

hoci pano 'o'oko hocieno mʉntʉ'casi, 'emo maica cimo yutotavei te yonta emoo ho auyun'a momaemaezo no tela hia meot'ʉt'ʉcʉ, poa evei no amo ino ho ito ak'i ho ba'i, maica na eni lasi ʉm'ʉmnʉa to hamo.

tito 2:12

'e mengumi eni isi poa aʉsvʉtʉ bʉʉpsʉpsʉ nomo 'oha einu ho inomo tma'usnu ta ceoa ci ma'konvosʉ, yonta ceoa ho mino mo atʉkcʉ, mousʉngcʉ, ho einu ci h'oyunsova.

yakovu 3:17

at'inghi, 'omo i'mi ne pepe ci moutʉs'ʉ mo piyo cila humzi: 'o ahoisi zou cofkoya, 'o cnguhusi zoucu moususeomʉ, luaeinva, nanghia, nongcʉngci to himngonghi, meelʉ beahci nomo atngaso ci ʉmnʉ, o'ala ma'cachi, o'amo me'ʉ'ʉmnʉ.

yakovu 3:9

lato boemi ta umo ho tohmomoengʉ to nooe'oca, to amopepeto, tena maezo boemi ta umo ho patkuzoi 'e ohsila teyai to hamo ho poa mi'u'usnu no mi'ausnasi ci cou.

yakovu 4:4

'e mimu 'oha meot'ʉt'ʉcʉ ho o'te tmaa'uzo ci cou, o'aimueno cohivi hoci enananghia ta hpʉhpʉngʉ, te nahanga 'o hamo, siya nate nanghia ta hpʉhpʉngʉ, 'aeno siya na hangʉ to hamo!

petelo 2 1:4

maicac'o, isi faeni a'to 'omo atva'esi meoisi ho atva'esa ngohia ci mengumi; ieni ta mengumi tan'e, mimu meelʉ pkaako tate koa meaapayo'ʉ ci ma'konvosʉ ta hpʉhpʉngʉ, ho tma'upu no yu'ausna to hamo.

petelo 2 2:20

'e cou hoci i'mi homo bohngʉ to nooe'oca - iesu kilisto, i'mi ta tonʉ no tokuzo ta hpʉhpʉngʉ ho tomeesih'i, ataveiya i'vaha tʉtpʉta ho noa atʉkca, na atotaveisi tamo maica ci cou te asuhcuhe kuzo ne auyusi.

petelo 2 3:14

ko'koeno, songohia ci maananghia, ho mimueno mooteo no hiesi ho mio, nte asno'zonʉ yonto tuhcu to hamo ho acocofkoya, uk'a e'omamzi no koica ci h'oyunsova, naovei to hamo.

yohane 1 5:18

ito cohivi, na 'o'oko to hamo o'a te a'cʉ'cʉnʉ peiskuisi, maica lasi noʉt'ʉci to oko to hamo, poa o'te akuzkuzoneni to kokuzo.