yakovu 1:17 - buacou seiso no faeva esvʉtʉ

¹⁷ acʉcʉhʉ 'ola yonghu ho ʉmnʉ ci hi'hioa ho i'omo mav'ov'o ci a'sʉftonʉ ci mengumi mo acʉhʉ i'mi ne pepe, mo i'mi to amopepe; moso mooyai ta tiskova ci nooe'oca. o'amo ahtu aezuhu, maezo uk'a cimo tmaiezuhu ci ongko.

yakovu 1:17 Iomraidhean Croise

matai 7:11

lamu e'vono kokuzo, lean'a cohivi ho fii nomo ʉmnʉ ci macucuma na iachi 'o'oko, namo yone pepe ci amomu o'a tesis'aeno fii nomo asuhcu ʉmnʉ ci macucuma namo afu'u m'ene ci cou?

luka 11:13

lamu e'vono kokuzo lean'a cohivi ho fii nomo ʉmnʉ ci macucuma na iachi 'o'oko; namaeno na amomu ta pepe o'atesis'aeno afnasa faeni nomo afu'u m'ene ci cou na seilei?>

yohane 1:9

'o tiskova ic'o zou a'ʉmtʉ tiskova, cmʉ'ho ta hpʉhpʉngʉ ho psoetiskovi 'e yatatiskova.

yohane 3:27

yainca to yohane:

yohane 3:3

yut'inga to iesu:

yohane 8:12

i'vaho mi'usnu to botngonʉ 'o iesu ho yainca:

sitoo 11:18

ihecu talʉi 'e e'e eni, 'anaihe 'aoka ehcʉvha, cu acʉhʉ tohmomoengʉ to hamo ho mainca: <'o hamo isi yaeza fii note hia to'usnu 'emo ma'vovei ci couyafana ho poa elʉ no nsou!>

sitoo 5:31

isi hoepzeni to hamo. poa yonto iachisi vhona tee tmuoteuyuna. poa leto'usnu. akoeva no poa yaa hiesi no ma'vovei 'e cou'isolaelu. poa peteongasneni na kuisihe.

looma 6:23

maica na huphina no kuisi 'aeno mcoi; at'inghi 'o isi taha'veni a'to to hamo ci mengumi isi poa yonto 'ayumona to nsou to nooe'oca kilisto iesu na a'to ho mayo no 'auesiesi nsou.

kolinto 1 4:7

siya namo poa tosa'o no mocmo na suu? na acʉcʉhʉsu o'a isis'aeno acʉha pafeni to hamo? maincis'a iachi etano, 'e acʉcʉhʉsu mais'a o'aisi pafeni to hamo ci mengumi?

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

'epeso 1:18

la'u yaeza p'enzeni to hamo ho paavi na mcoo ta 'tohʉngʉmu, temu ko'ko cohivi: ho isi eyoho'a muu cuma na temu elʉa cite ta'usni; na isi teomneni ta 'o'okosi ci ezoyʉ mio mainenu na hia atngaso;

'epeso 2:8

mimu noe'ocʉ to mengumi to hamo, ieni to singkoo ho noa to'usni; na eni o'amo i'mi no iachimu peipeis'ausna, ma isic'o pafeni to hamo ci mengumi.

pilipi 1:29

mimu mayo no afnaso ci tonʉ ho fifiho to kilisto, o'a te anovac'o taa'uzva, te maezo nomio to kilisto ho tiou no 'atutumzo.

temote 1 6:16

i'oc'o hamo na o'ate kuzo ho aapayo'ʉ. mo yonto o'ate peelʉi ohcum'a ta cou ci tiskova; uk'a mocu ci mosola baito ci cou, maezo o'ate peelʉi aiti ta cou. na taotofsi'i ho 'auesiesi ci tonʉ te no'usnu to hamo! 'aamen.

hevulu 13:8

'o iesu kilisto, ne hucma, maitan'e, 'auesiesi, moc'o totiski.

yakovu 1:5

ta taicomu hoci panomo o'te amso na moutʉs'ʉ, nte mi'usnu to hamo ho m'ene, tesi pafi no moutʉs'ʉ na muu, maica lasi kaeba at'otngasa ho pafeni tamo macicihi ci cou.

yakovu 3:15

'o lamu yainca moutʉs'ʉ o'amo i'mi ne pepe, mamo tma'usnu ta ceoa, tma'usnu no ma'konvosʉ, tma'usnu no 'akuma.

yakovu 3:17

at'inghi, 'omo i'mi ne pepe ci moutʉs'ʉ mo piyo cila humzi: 'o ahoisi zou cofkoya, 'o cnguhusi zoucu moususeomʉ, luaeinva, nanghia, nongcʉngci to himngonghi, meelʉ beahci nomo atngaso ci ʉmnʉ, o'ala ma'cachi, o'amo me'ʉ'ʉmnʉ.

yohane 1 1:5

maitan'e temza psoecʉ'ha muu 'o omzala i'mi to oko to hamo ho talʉi ci e'e: zou tiskova 'o hamo, asansano uk'a ci voecʉvcʉsi.

yohane 1 4:10

'aeno eni na himngonghi: o'as'a a'to namo himngonghi to hamo, ma i'o hamo 'omo himngonghi a'to, popeoskuna 'o okosi, nomzo a'to ho ciha 'o feangosi, i'mi to kuisi ho psuovei a'to.

mokusi 21:23

'e hosa eni o'a nama yaa tiskova no hie ho feohʉ; maica isi psoetiskovi to psoevohngʉ to hamo, 'o okomoatʉ'nʉ 'aeno lampu ta hosa tan'e.

mokusi 22:5

'o ne'e o'anate ivaho yaa feʉngna; o'ate nama sotiskou no hie ho lampu, maica zou tiskovahe 'o nooe'oca hamo. te honte ho aʉt'ʉcʉ, ac'ʉhʉ no 'auesiesi.