yakovu 1:12 - buacou seiso no faeva esvʉtʉ

¹² 'ola elʉ to hʉsvʉta ho apaezumo buveici ci cou te ʉm'ʉmnʉ; maica ho micu yupaezumo no hʉsvʉta, tena tiou to isi ayocneni tomo himngonghi to hamo ci ohsi teomneni ci tafange no nsou.

yakovu 1:12 Iomraidhean Croise

matai 10:22

nomio a'o, tehe sʉ'nova tamo botngonʉ na muu; at'inghi i'ote apaezumo buveici ci cou 'ate ahtuo'te elʉ no to'usni.

matai 25:34

ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.

luka 6:22

looma 5:4

'e luaveica la noa ʉm'ʉmnʉa to hamo, na ʉm'ʉmnʉa to hamo tesi hafneni no ta'usni.

looma 8:28

ito cohivi, lasi poa yupa totoe'ocʉ to hamo 'emo mav'ov'o ci hi'hioa, poa elʉ no ʉmnʉsi 'emo himngonghi to hamo ci cou - 'ai'o isieno ieni to 'tohʉngʉsi ho eyoho'a ci cou.

kolinto 1 2:9

aʉlʉ mais'a 'o isi engha to seiso: i'o isi ayocneni ta isi ngohia to hamo, o'amocu ohola aiti ta mcoo, o'a mocu ohola talʉi ta koyu, maezo o'a ohela ta'cʉ'ha ta cou!

kolinto 1 8:3

at'inghi, i'ola himngonghi to hamo ci cou 'aisieno honga to hamo.

kolinto 1 9:25

'emo macicihi cite i'upu toosa'o la tiou tomo afnaso ci aʉsvʉsvʉtʉ, la akoyu no mayo to teec'on'a kuzo ci tafange; at'inghi 'o ito 'ucia 'aanana'veni zou i'o o'ate kuzo ci tafange.

temote 2 2:15

la asno'zonʉ yonto tuhcu to hamo ho meelʉ masvo'ho no bʉhsʉftʉ, o'te ma'kokoe'i ci soskuskunu, etuhca ho tekola eʉsvʉsvʉta 'o so'emio ci e'e.

temote 2 4:8

ahoi maitan'e no ataveisi, isi totea no moulʉlʉ ci tafange a'o, 'ai'oteeno boemi no moulʉlʉ ho hioa na yʉsvʉtʉ ci nooe'oca, tasi pafeni a'o no hiesi ho tena i'vaho cmʉ'ho 'o kilisto, o'atesi anova pafeni a'o. tesi yaeza pafeni tola tata'e hote aopa'to ci cou.

hevulu 10:32

la talʉa na nia hie ne auyusi. ne ohsicula pahtiskovi to hamo na muu, mohmu elʉ tomo man'i ci 'atutumzo, at'inghi ma'i mimu ahtu yonta ehtothomʉ ho noa atpʉta.

hevulu 11:17

i'mi no singkoo, 'o 'avulahamu ne ohsi hʉsvʉta to hamo, isi sʉ'teni 'o okosi ci 'isaku ho teyai sʉ'ta. 'o 'avulahamu la tiou to isi teomneni to hamo ci cou, at'inghi isi soekaebeni 'o pecniasi ci okosi ho sʉ'teni to hamo.

hevulu 12:5

imun'asi ta'payo'a 'o hamo mio mainenu na lasi hia mais'a eucufnu no oko ho eucufna muu? isi yainca: oko'u, la butataayaezoi 'o lasi hia mahsʉsʉftʉ to nooe'oca, 'ote i'mi ho lasi koica ho ma'papayo'ʉ;

hevulu 6:15

ohsi uveica totea to 'avulahamu, petohʉyacu toc'ʉha 'o ohsila teomneni to hamo.

yakovu 2:5

songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.

yakovu 5:11

maica homoso apaezumo buveici, lato yainca micu ʉm'ʉmnʉ ci cou. ohmucula talʉi na nia luaveica to yovu, yaeza cohivi ohsi yainenu to hamo na nia hia mʉʉt'ʉci no ataveisi, maica 'o hamo mo a'sʉftonʉ na himcocoveoi ho himngonghi.

petelo 1 3:14

'upena hocieno nomio no moulʉlʉ ho 'atutumio, tec'o maezo a'ʉmtʉ ʉm'ʉmnʉ! 'ote smoyo ho lahe auepihza to mocmo ci cou, maezo 'ote ngoheʉngeʉ.

petelo 1 4:13

mantemu kokaekaebʉ ho mimu e'to'usnu to 'atutumio to kilisto, teeno a'sʉftonʉ kokaekaebʉ ho tac'u aopa'to na psoevohngʉsi.

petelo 1 4:14

hocimu i'mi ho mimu'so to'ofeihni to kilisto ho noa aokoe'iya, te yaa ʉm'ʉmnʉ; te humzi tan'e na psoevohngʉ ci seilei, 'aeno piepiya to hamo, mo yonta feangomu.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

petelo 1 5:4

maicac'o, ho tena cmʉ'ho 'o meoino le'aʉt'ʉcʉ moatʉ'nʉ, temueno meelʉ tiou to 'auesiesi o'te afsi na psoevohngʉsi ci tafange.

yohane 1 4:19

ho mito himngonghi, maica ho isi auevahe ngohia to hamo a'to.

mokusi 2:10

teav'a smoyoa 'o teko esmiza ci 'atutumzo. aiti, tesi hʉsvʉta to 'akuma na muu, tesi to'ayumoneni to poo'usna 'omo piyo ta 'ayumonamu; te mimaski ho temu tiou no 'atutumzo. teko ac'ʉhʉ no mcoi ho meot'ʉcʉ. te'oeno pafi no tafange no nsou.

mokusi 3:19

mi'usnu ta os'o ngohia ci cou, la'u acʉha kokoica. ko'koeno, tekola ma'cucuveu, la ma'vovei.

mokusi 3:21

inacu mo atpʉtʉ ci cou, te'o pafi no afnaso ci tonʉ, poa su'upu to suoca'ha'u, aʉlʉ mais'a ne mo'ucu atpʉtʉ, mi'ocu totiski su'upu to suoca'ha to amo'u maitan'e.