tito 3:2 - buacou seiso no faeva esvʉtʉ

² eucufna 'otela tokuzkuzo no mocmo ci cou. 'ote youbobai; la ma'popoha'o ho bunananghiya. boemi no ma'einu ci mi'ausna ho mi'usnu ta afu'u cou.

tito 3:2 Iomraidhean Croise

matai 11:29

temu ngov'eni 'e ngotohva'u. momaemaezo a'o, maica 'e 'tohʉngʉ'u mo ma'cocacni ho ma'einu. maicac'o, temucu meelʉ elʉ no soanono.

sitoo 23:5

yainca to poolo: > >

kolinto 1 6:10

meo'eoi, ma'konvosʉ, momoyomo, eayaezoyʉ to cou, ho moezʉezʉhʉ to cou, acʉhʉ o'ate meelʉ tma'oko to hpʉhpʉngʉ to hamo.

kolinto 1 9:19

zou ziu ci cou a'o, o'amo noa tolei ta mocmo ci cou; at'inghi mi'o 'aveoveoyʉ ho noa soskuskunu tamo botngonʉ, akoyu no tmas'usnu tamo asuhcu botngonʉ ci cou.

kolinto 2 10:1

na a'o - poolo te'o aʉla iachia poucufna muu. hola'u no'upu muu lamu ta'unano mi'o na'no ma'cocacni, ho la o'te no'upu la na'no mouyʉcʉ; maitan'e te'o ieni to ma'cocacni ho moususeomʉ to kilisto ho m'ene muu:

kolinto 2 12:20

os'o sokoeva ho ta'u uso muu, aiti hocimu o'te toseolʉ no o'ula 'ucia totea, ho tamu aiti a'o maezo o'amo toseolʉ no ohmula totea, os'o yaeza smoyoa ho ci'u baito no youbobai, smo'eubut'u, ma'sʉsʉ'no, ma'konvosʉ, eayaezoyʉ, buusumsu, bobitano, ho 'afeo'fu'u.

ngalatea 5:22

inacu beachi to seilei, 'aeno: cocoya ci himngonghi, kokaekaebʉ, moususeomʉ, luaveica, moma'cinghi, mou'ʉmnʉ, meot'ʉt'ʉcʉ,

ngalatea 6:1

maanat'ohaesa, hoci panola 'oc'ocic'o peis'epo, i'e mimucu tma'usnu no piepiya ci cou la boemi no bumama'cocacni ho eoveiya. temula maezo iachi bumemealʉ, ci tes'a maezo noa eepecvazi.

ngalatea 6:10

i'mi tan'e, 'upena ho homna, hoci ake'i meemeelʉ la hioa nate koa ʉmnʉ tamo botngonʉ, mi'usnu tamo cono singkoo ci cou nte h'unano maica na te hioa.

'epeso 4:2

temula ma'einu, ma'cocacni, luaveica, boemi no himngonghi ho yupa peteongaso,

'epeso 4:31

temu aapayo'a na afu'u ma'bubut'u, pak'i, ma'sʉsʉ'no; 'otenala i'vaho 'afeo'fu'u hocieno eayaezoyʉ; 'otenala i'vaho yaa mihango ci koyu.

pilipi 4:5

temu la maezo mi'usnu tamo botngonʉ ho pa'teni na ma'einu. tec'u esmi 'o nooe'oca.

tesalonike 1 2:7

ho eno feango no sitoo to kilisto a'mi, nte anana'o meelʉ mi'usnu muu ho noa einva; at'inghi ne momza no'upu muu, mimza mi'usnu muu ho bumama'cocacni, mais'a ino hola paun'u to 'o'oko.

temote 1 3:11

na vcongʉhe te maezo yaa ʉmnʉ ci peipeis'ausna, o'te buusumsu. la ayʉyʉcʉ. aa'pucu eʉlʉ ho tae'oci.

temote 1 3:3

o'ala voemi, o'ala eyobai, ma'cocacni ci yu'ausna, o'ala ma'konvosʉ no yupasʉ.

yakovu 3:17

at'inghi, 'omo i'mi ne pepe ci moutʉs'ʉ mo piyo cila humzi: 'o ahoisi zou cofkoya, 'o cnguhusi zoucu moususeomʉ, luaeinva, nanghia, nongcʉngci to himngonghi, meelʉ beahci nomo atngaso ci ʉmnʉ, o'ala ma'cachi, o'amo me'ʉ'ʉmnʉ.

yakovu 4:11

maanat'ohaesa, 'otela yupa etfʉngʉ. siya namo etfʉngʉ hocieno eayaezoyʉ no nanat'ot'ohaesa, 'aisieno etfʉnga ho eayaezoya 'o hoolicu to moose. hociko etfʉnga ho eayaezoya 'o hoolicu, o'ana miko meo'uzo to hoolicu, ma isi eayaezoya 'o hoolicu.

petelo 1 2:1

ko'koeno, temula yuse'va na afu'u kuzo ci hi'hioa, 'ote i'vaho meknuyu, me'ʉ'ʉmnʉ, smo'eubot'u, hocieno eayaezoyʉ no cou ci e'e;

petelo 1 3:10

aʉlʉ mais'a 'o isi engha to seiso: siya nate tma'upu no 'aveoveoyʉ ci hia yunsou. tata'e no mino mo ʉmnʉ ci hie, te tomʉti 'e umo hoci ekuzkuzo, tomʉti 'e sumsu hoci meknuyu,

petelo 1 3:8

hoci ensoha: temu aa'pucu tohmʉskʉ. yupa ma'cocoveoyi, himngonghi mais'a nat'ohaesa, boemi no ma'cocacni ho ma'einu ho yu'tat'ʉcʉ.

petelo 1 4:4

maitan'e o'ana lamu peis'upu to lahe hia 'aʉnpʉnpʉ, uk'a atʉkcʉ ci h'oyunsova, lahe yamceni, i'mizi no aokoe'iya muu.

yuta 1:10

at'inghi 'emo maica ci cou lahe eayaezoya 'o o'aihe cohivi ci hi'hioa, totiski to yuansou ho fiho to yu'ausna ho hioa 'ote iachi meaapayo'ʉ ci hi'hioa.

yuta 1:8

'emo maica o'te einu ci cou teec'o totiski. na ma'cac'ou ci 'tohʉngʉhe lasi popeo'usna no peiskuisi. acaca'ia 'o iachi feango; lahe hupopotfʉnga na tonʉ to hamo, aokoe'iya 'omo yone pepe ci so'einva.