tito 2:13 - buacou seiso no faeva esvʉtʉ

¹³ totea hocic'u esmi na hiesi to lato mingeovi ci mengumi; homio, 'o psoevohngʉ to so'einva ci hamo ho i'o nooe'ocato ci iesu kilisto te hupopayoi.

tito 2:13 Iomraidhean Croise

matai 16:27

'e okocou te yono 'ayumona to psoevohngʉ to amosi, nʉthʉ 'o tensisi ho cmʉ'ho. ho mio, tasi ieni no nia peipeis'ausna tamo macicihi ho eveia.

matai 25:31

matai 26:64

yut'inga to iesu:

maluko 14:62

yut'inga to iesu: <'azou a'o! temu acʉhʉ baito hote yusuhngu to vhona to sotonʉa ci hamo 'o okocou, poʉt'ʉcʉ to cmʉcmʉ ta pepe ho ohpueho!>

maluko 8:38

yonta mo maica hia smoc'ou ho kokuzo ci hpʉhpʉngʉ, hoci pano cou cinte h'oinveni a'o ho i'e la'u hia mo'ma'cohio, 'e okocou ho tenac'u yono psoevohngʉ to amosi. nʉthʉ 'o tensi ho cmʉ'ho, tasi yaeza h'oinveni 'e cou eni.>

sitoo 24:15

to hia'u mi'usnu to hamo mioc'o totiski hin'i na la'u ta'usni. 'aeno tata'ia 'e afu'u cou, 'upena namo ʉmnʉ ho kuzo. te acʉhʉ i'mi no mcoi ho smoevovei.

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 5:5

'e ta'usni eni o'ate ahtu 'afeungu; maica 'o hamo isi ieni to isi pafeni a'to ci seilei, isicu cohmeni ta 'tohʉngʉto na himngonghisi.

looma 8:18

os'o yainca no koyu'u, 'e ito esmiza ci 'atutumzo maitan'e. hoci patotiska 'e isi hupopayoi ci tenala faeni a'to ci psoevohngʉ ho noana'o. mate ahta tamza no cuma.

kolinto 1 1:7

ac'ʉhʉ ho mimu mooteo hocic'u espa'to 'o nooe'oca iesu kilisto, o'amo aovohʉ nante conci mengumi.

kolinto 2 4:4

'emo maica ci cou homo o'te tmaa'uzo, mo maica ho isi poa bʉkngʉ ta hicu ta hpʉhpʉngʉ na mcoo no 'tohʉngʉhe, poa o'te bohngʉ no tiskova ta fukuin; 'e fukuin isi engha 'omo natʉ'ca 'o psoevohngʉ to kilisto, 'o kilisto 'aeno a'ʉmtʉsi mi'ausna to hamo.

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

kolosai 1:5

to ahoisi, ne ohcu psoecʉ'ha muu 'e fukuin, imucu talʉi 'e isi hafa ta fukuin ci ta'usni. maicac'o, ina singkoo ho himngonghimu mo acʉhʉ i'tohungu ta isi songacveni muu ne pepe ci ta'usni.

kolosai 3:4

'o kilisto zou a'ʉmtʉmu nsou; ho tenala i'vaho aopa'to, tenamu maezo to kilisto ho i'upu aopa'to, tma'upu no psoevohngʉsi.

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

tesalonike 2 2:8

homio, te yuyafo 'ola popeiskuzkuzo, at'inghi ho tena i'vaho cmʉ'ho 'o nooe'oca iesu tasi yomza to peucu to ngayosi ho opcoza, ieni no tiskovasi ho aapayo'a.

temote 1 1:1

zou poolo a'o; te'o epici to leto'usnu ci nooe'oca hamo ho itola mashʉyʉ to lato ta'usni ci kilisto iesu, hocu sitoo to kilisto iesu.

temote 2 1:2

te'o tmopsʉ ta tengami ho faeni suu - songohia ci oko'u temote: pafeni'sio suu to amohamo ho ito nooe'oca kilisto iesu na mengumi, himcocoveoi, soanono!

temote 2 4:1

yono tuhcu to hamo ho itote yʉsvʉtʉ tomo afu'u yaansou ho mcoi ci kilisto iesu, ieni hote aopa'to ho ito atuhcusi tonʉ, te'o bueeutotaveiya suu:

temote 2 4:8

ahoi maitan'e no ataveisi, isi totea no moulʉlʉ ci tafange a'o, 'ai'oteeno boemi no moulʉlʉ ho hioa na yʉsvʉtʉ ci nooe'oca, tasi pafeni a'o no hiesi ho tena i'vaho cmʉ'ho 'o kilisto, o'atesi anova pafeni a'o. tesi yaeza pafeni tola tata'e hote aopa'to ci cou.

tito 1:2

'e so'emio eni mo i'tohungu to isi ieni to mingeou no 'auesiesi nsou. i'o o'ala meknuyu ci hamo, ne auyusi ta mauhpʉhpʉngʉ, ohsicula teomneni ho pafeni a'to 'e 'auesiesi nsou,

tito 1:4

tito, te'o tmopsʉ ta tengami ho faeni suu; yontamo totiski ci singkooto zou a'ʉmtʉ'u oko na suu. pafeni suu'sio to amohamo ho ito nooe'oca kilisto iesu na mengumi, ho soanonosi!

tito 3:4

at'inghi, 'o nooe'oca hamoto isicu epa'teni na ma'cinghi ho himngonghisi, ieni to isi faeni to seilei ci i'momhomʉ yayo ho ito yufaeva ci toonono, cu to'usni a'to; na eni o'amos'a i'mi no pano ʉmnʉ ci lato peipeis'ausna. mamo i'mi no hiasi acocoveoza a'to.

hevulu 9:28

totiski, 'o kilisto yaeza i'nʉska sʉ'teni, peuonvacu 'e kuisi tamo botngonʉ ci cou. tena maezo i'nʉskʉ aopa'to, o'ate cmʉ'ho ho mi'usni 'e kuisi, mate cmʉ'ho ho to'usni 'emo mingsoyʉ mooteo ci cou.

petelo 1 1:3

teto 'aveoveoyʉ to amohamo to nooe'oca iesu kilistoto! i'mi to uk'a noca'cʉ'hi ci himcocoveoisi, ieni to mcoi ho smoevovei to iesu kilisto, pafeni a'to 'emo faeva ci nsou, poa yaa yoayokeo ci ta'usni a'to.

petelo 1 1:7

'emo maica ci oho sucaefiza 'ateeno ko'ko soomei ho mimu asansano yaa mahtʉicʉ ci singkoo. ac'ʉhʉ to tenala kuzo ci king 'alaeno hmoi to puzu; na singkoomu mo na'nohe pepe to king, te h'unano tiou no hʉsvʉta, teeno peelʉi tohmomoengʉneni, taotofsi'i, einva ho tac'u esmi na hiesi no aopa'to 'o iesu kilisto.

petelo 2 1:1

na a'o - saimong petelo zou sitoo ho soskuskunu to iesu kilisto. te'o tmopsʉ ta tengami ho faeni tamo boemi to moulʉlʉ to hamo ho ito leto'usnu ci iesu kilisto, ho maezo a'mi ho tma'upu no sopepea ci singkoo ci cou:

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.

yohane 1 4:14

'o amopepe isi popeoskuna 'o okosi ho leto'usnu ta yata hpʉhpʉngʉ; 'e hi'hioa eni omzala aiti, yaeza mi'usneni ta mocmo ci cou ho 'akasi.

yuta 1:21

asngʉcʉ no'ayumonʉ to himngonghi to hamo ho yunsou, mingeovi na himcocoveoi to nooe'ocato ci iesu kilisto, pafeni no 'auesiesi nsou na muu.

mokusi 1:7

aiti, mo poʉt'ʉcʉ ta cmʉcmʉ hocu cmʉ'ho! te acʉhʉ baito 'e macicihi ci cou, ac'ʉhʉ to moso smuyu'cu ci cou ho baito. ho tena cmʉ'ho, tehe toehunga tngisi ta yatatiskova ta ceoa. 'ate ahtuo'te esmi 'e hi'hioa eni! 'aamen.