tito 2:12 - buacou seiso no faeva esvʉtʉ

¹² 'e mengumi eni isi poa aʉsvʉtʉ bʉʉpsʉpsʉ nomo 'oha einu ho inomo tma'usnu ta ceoa ci ma'konvosʉ, yonta ceoa ho mino mo atʉkcʉ, mousʉngcʉ, ho einu ci h'oyunsova.

tito 2:12 Iomraidhean Croise

matai 12:32

inala ya'ei ho akvo'ʉ to oko cou ten'a peelʉi peteongasa; at'inghi hoci boevovoyo to seilei. 'upenaeno maitan'e hocieno ho noana'o, o'ate ahta peelʉi peteongasa.>

matai 16:24

isicu mi'usni to iesu 'o tesi ho yainca:

matai 28:20

a'vinano po'pa'cohivi ho poa meot'ʉcʉ ta os'o afu'a faeni ci mashʉyʉ. talʉa'sio! te'o asngʉcva no'upi muu, ac'ʉhʉ no hiesi no puesona ta hpʉhpʉngʉ.>

luka 1:6

holasi aiti to hamo, mo aepohʉ mousngʉcʉ ci cou, ayʉyʉcʉ ho noyʉci 'o h'oesvʉta ho h'ofiha to hamo.

yohane 14:30

o'anate'o 'ahʉyʉ 'aoko eman'i, maica tec'u esmi 'ela atʉkcʉ ta hpʉhpʉngʉ. uk'a ci tesi tonʉ hote mi'usnu a'o;

yohane 6:25

ihe elʉa to apihana to etʉpʉ 'o iesu, ihe tuocosi:

sitoo 24:16

ko'koeno, la'u conino eucucufna 'e iachi, yonto tuhcu to hamo ho ita cou, asngʉcva butʉtʉyʉca na acocofkoya ho tʉs'ʉ ci 'tohʉngʉ.

sitoo 24:25

isi yaeza yue'engha to poolo na mou'ʉmnʉ, ma'tʉkcʉ, ho ina hia ma'cohio no yʉsvʉta ho noana'o. mo na'no ma'sasmoyo 'o fuilisu; mi'usni 'o poolo ho yainca:

looma 12:2

'ote noa uv'oha ta hpʉhpʉngʉ, la poa teovahneni to hamo na muu, teofafaevai na 'tohʉngʉ ho koyumu, teeno peelʉi husansana zou cuma na 'tohʉngʉsi, cohivi zou cuma na mou'ʉmnʉ, a'sʉftonʉ ho peelʉi ʉm'ʉmnʉa.

looma 6:12

ko'koeno, teav'ana i'vaha poa atʉkceni no kuisi 'ete anana'o kuzo ci feango, poa meo'uzo no ma'cac'ou ci yu'ausna.

looma 6:19

os'o sokoeva no temu ngoveoa ta'hongi co 'tohʉngʉ'u, ko'ko mi'o boemi ta tec'o lua ta'hongi ci epo'usa ho mi'usni muu ho engha. ne auyusi, ohmula poa 'aʉnpʉnpʉ si iachimu feango, popeiskuzkuzo, noa soskuskunu no kuisi. maitan'e temucu aucunva sʉ'teni si feangomu ho youcunveni, noa soskuskunu no moulʉlʉ, meelʉcu 'otitha no socofkoya.

looma 8:13

hocimu meo'uzo ta yu'ausna, 'ate ahtuo'te mcoi; hocimu noe'ocʉ to seilei ho aapayo'a na peiskuisi, 'ate ahtuo'te yaansoua.

kolinto 2 1:12

i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

ngalatea 1:4

'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi.

ngalatea 5:24

ina mo tma'usnu to kilisto iesu ci cou. ohecu acʉha spica to zuuzika na afu'u ma'konvosʉ ci yu'ausna.

'epeso 1:4

auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 2:2

ne mio, mohmula mee'ofeihni to kokuici hi'hioa ta hpʉhpʉngʉ, peteozu tola tʉʉt'ʉcʉ ta engʉca, 'ai'olaeno aʉt'ʉcʉ to la yutasufku to mashʉyʉ to hamo ci h'aokuv'o.

kolosai 1:22

maitan'e, ieni to mcoi to feango to okosi, isicu nanghianeni to hamo na muu, akoeva no poa yonto tuhcusi ho socofkoya, uk'a heo'tʉ, uk'a 'eongʉ no koica.

tesalonike 1 4:7

ho isi epeiya to hamo a'to, o'atesi poa yunsou no 'ayumona no ca'i, ma tesi poa socofkoya a'to.

tesalonike 1 4:9

inacu yupa himngonghi ci hi'hioa, o'ate'o nama fii no tengami muu ho toʉsvʉsvʉtneni; ohsicu po'pa'cohivi to hamo na muu te mainenu na te hia yupa himngonghi,

temote 1 4:12

teav'a poa hupotfʉngneni no cou ho mikon'a foinana. 'upena na pat'a'ausna, peipeis'ausna, himngonghi ci 'tohʉngʉ, singkoo, ho acocofkoya, 'emo mav'ov'o, la acʉha teyaineni no tehe hu'ofeihni ta sinto.

temote 1 6:17

mi'usnu tomo atngaso ta maitan'e ci cou, tekola engahva ho o'te poa bitano. nala ta'usni teav'a toe'ocneni ta o'ate peelʉi noe'oci ci yupasʉ, la noe'ocʉ tomo mofi ta at'otngaso ci macucuma ho poa titheni a'to ci hamo.

temote 1 6:9

i'ola micic'o yuyupasʉ ci cou la supeohʉ to ma'pepecvai, noa tʉtpʉta to man'i ci nongonongo ho ito te koa kuzo ci ma'kokonvosʉ, ataveicu sʉhcʉ'o ho meaapayo'ʉ.

temote 2 3:12

namo afu'u bikoyu no to'ofeihni to kilisto iesu, mino mo einu ci h'oyunsova ci cou, la acʉhʉ yupteilʉ no akuzkuzoa.

temote 2 4:10

mo ma'tata'e ta hpʉhpʉngʉ 'o tima, mongoi a'o hocu uhne tesalonike. mo uhne ngalatea 'o kolosu, uhne tamatai 'o tito,

tito 3:3

ne auyusi mohto la maezo nongonongo, yutasufku, eʉngcʉ; mohtola tolei to mav'ov'o ci ma'cac'ou ho ma'nou no peispak'i, yunsou to 'ayumona no ma'papak'i ho smo'eububut'u. yupania mihango.

hevulu 8:11

o'atehe nama po'pa'cohivi 'o iachihin'i ehuehungu, hocieno eʉsvʉta no 'oahngʉhe ho yainca: ntemu bohngʉ to hamo; maica ahoi to so'okoa ac'ʉhʉ to somameoza, tehin'i acʉhʉ bohngʉ a'o.

yakovu 1:27

inalasi hia baito to amohamo, i'ola cofkoya ho uk'a heo'tʉ ci singkoo 'aeno: aʉt'ʉcʉ tola 'atutumzo ci 'o'oko ho itola tuvcongʉ ci mamespingi, ayʉca 'e iachi ho o'te poa uv'ohneni no tokuzo ta hpʉhpʉngʉ.

petelo 2 2:9

lasi cohivi to nooe'oca te yainenu na tesi hia to'usnu tola tmaa'uzo ci cou ho poa mongoi no hʉsvʉta, yaeza cohivi te yainenu ho teongasi 'omo kuici cou, aavaho 'ola peisnou no smoc'ou ci feango, ho i'ola potfʉngʉ to tonʉ to hamo ci cou, tasi toteni no hiesi no yʉsvʉtʉ ho patvovei. 'emo maica ci meknuyu ci lema'cohio la yameomʉ ho 'aʉnpʉnpʉ, o'amo anou o'te einu tonte so'einva ne pepe, lean'a apuya aokoe'iya;

petelo 2 3:11

ho teeno maica na tesi hia aapapayo'ʉ ta acʉcʉhʉ, ntemu no'usnu nomo mainenu ci cou? ntemu mino mo cofkoya, ho einu ci h'oyunsova,

yohane 1 2:27

inacu muu, isicu faeni muu to kilisto na piepiyasi. hoci mako no'upu muu na piepiyasi, 'anatemu 'ahʉya noa po'pa'cohivi no mocmo ci cou; maica ina piepiyasi tesi acʉha po'pa'cohivneni muu na acʉcʉhʉ ci hi'hioa, a'vinano na lasi hia mo'ma'cohio mo acʉhʉ aʉ'ʉmtʉ, o'amo meknuyu. ko'koeno, temula meo'uzo no lasi hia mo'ma'cohio to seilei, conino yaansou to 'ayumona to nsou to kilisto.

yohane 1 5:19

ito cohivi, acʉhʉ 'e hpʉhpʉngʉ e'vono yono lasi atʉkca to kokuzo, tetoc'o asngʉcʉ tma'usnu to hamo.

yuta 1:18

ohela mi'usni muu ho yainca:

mokusi 14:12

ko'koeno. i'omo meo'uzo to mashʉyʉ to hamo, meot'ʉcʉ to iesu ci 'o'oko to hamo te yaa luaveica.