tito 1:16 - buacou seiso no faeva esvʉtʉ

¹⁶ la mainca mo bohngʉ to hamo, at'inghi la yonto peipeis'ausna ho peecveni 'o hamo. zou kokuzo, zou moyutasufku, cuma nantehe peelʉi hioa cimo ʉmnʉ.

tito 1:16 Iomraidhean Croise

looma 1:28

homoeno ma'unano o'ate nama 'ahʉyʉ ebobohngʉ to hamo 'e cou, isi moeza ieni no 'tohʉngʉhe to hamo ho poa yaa kuzo ci 'tohʉngʉ, hioa 'o o'ante hioa ci hi'hioa.

'epeso 5:6

'ote noa peknui to lac'o e'ankʉ ci cou. 'amoeno aʉlʉ i'mi tamo maica ci hi'hioa; te cmʉ'ho to feango tola yutasufku ci cou na sʉ'no to hamo.

temote 1 1:9

'aeno a'ʉmtʉ, teto cohivi na eni: 'e hoolicu. o'aisis'a teyaineni tomo ʉmnʉ ci cou, maisi teyaineni tola kokuzo, o'te tiou no atʉkca, 'oha einu, peiskuisi, potfʉngʉ ta kiokai, ma'konvosʉ ta hpʉhpʉngʉ, opcoi no maameoi, opcoi no cou,

temote 1 5:8

hoci panola o'te aʉt'ʉcʉ no 'oahngʉ, aavaho ina yano iachi emoo, micu pef'uhu no singkoo, kuzohe to o'amo tmaa'uzo ci cou.

temote 2 3:17

tesi poa a'sʉftonʉ ae'ayocʉ 'ela fifiho to hamo ci cou, meelʉ peismi no mav'ov'o ci ʉmnʉ ci hi'hioa.

tito 3:1

teko poutʉs'ʉa 'emo botngonʉ, la meo'uzo tola yaa tonʉ no tiʉt'ʉcʉ ta hpʉhpʉngʉ, tmaayaezoyʉ to lahe pashʉya, conino ae'ayocʉ peismi tomo ʉmnʉ ci hi'hioa.

tito 3:3

ne auyusi mohto la maezo nongonongo, yutasufku, eʉngcʉ; mohtola tolei to mav'ov'o ci ma'cac'ou ho ma'nou no peispak'i, yunsou to 'ayumona no ma'papak'i ho smo'eububut'u. yupania mihango.

yohane 1 2:4

hoci pano mo mainca , ho o'te noyʉci 'o mashʉyʉsi, 'emo maica ci cou mo meknuyu, uk'a ci natʉ'casi to so'emio.

yuta 1:4

maica homo yaa 'oha einu ci cou mo aasoe ohtuvho ta taicoto, boemi to eknon'a 'omo yaa mengumi ci e'e to hamo ho efʉnga 'o kuzo ci peipeis'ausnahe, lahe hopsʉpseni 'o moc'o cihi ci tmuoteuyuna - nooe'ocato ci iesu kilisto. ne na'no noana'o, ohsicula eyoca to seiso te asansano tiou no patvovei 'emo maica ci cou.

mokusi 21:27

at'inghi, 'o o'amo cofkoya, kokuzo 'o peipeis'ausna ho i'ola lolekoknuyu, acʉhʉ o'ate meelʉ yʉmeʉmʉ; i'oc'o isi tposi to tposʉ no nsou to okomoatʉ'nʉ nate meelʉ yʉmeʉmʉ.

mokusi 21:8

at'inghi i'ola t'oe'ʉya, tmaakoknuyu, tokuzo, opcoi, smoc'ou, buoyoifo, m'ohkuyu to uacoua, ho i'ola afu'u lolekoknuyu ci cou, panto puzu ho i'o yunzou ci etʉpʉ no liukoo isi totea 'emo maica ci cou; 'aeno ic'o 'ote tupusku mcoi.>