temote 2 1:8 - buacou seiso no faeva esvʉtʉ

⁸ i'mi tan'e, 'atekos'a ta'unano isi h'oinveni ci hi'hioa ho teko 'akasi 'o nooe'oca, yaeza teav'a h'oinveni ho mi'o nomio to nooe'oca ho noekotu. teko maino isi faeni to hamo ci tonʉ, nomio ta fukuin ho e'to'usnu no 'atutumio.

temote 2 1:8 Iomraidhean Croise

maluko 8:38

yonta mo maica hia smoc'ou ho kokuzo ci hpʉhpʉngʉ, hoci pano cou cinte h'oinveni a'o ho i'e la'u hia mo'ma'cohio, 'e okocou ho tenac'u yono psoevohngʉ to amosi. nʉthʉ 'o tensi ho cmʉ'ho, tasi yaeza h'oinveni 'e cou eni.>

luka 9:26

honci pano cou cinte h'oinveni a'o ho i'e e'e'u, hotena cmʉ'ho 'o psoevohngʉsi to okocou, ho i'o psoevohngʉ to amosi ho i'o matetensi, tena'u yaeza h'oinveni 'e cou eni.

yohane 15:27

totiski, temu yaeza 'akasineni a'o, maica mimu ahoi to ahoisi ho no'upu a'o.>

yohane 19:35

na eni ihe 'akasi to moso aʉlʉ huceoyo ta a'a'ausna ci cou; isi cohivi 'e 'akasisi mo mou'ʉmtʉ. akoeva no poa maezo tmaa'uzo na muu.)

sitoo 5:41

mongoi to ngikai 'o sitoo, maica ho mo nomio to ongko to iesu ho noa aokoe'iya, mo na'no kaebʉ 'o 'tohʉngʉhe.

looma 1:16

o'ate'o h'oinveni 'e fukuin; 'e fukuin zou meoino tonʉ to hamo. tesi to'usni namo afu'u tmaa'uzo ci cou. aueva 'e couyutaya. atavei 'o couyafana.

looma 16:25

no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ.

looma 8:36

mais'a 'o isi yainca to seiso: nomio suu, lamza conconohie yonta mo mcoi ci a'a'ausna; lahe hu'u'usna notena chua ci moatʉ'nʉ a'mi.

looma 9:33

mais'a 'o isi yainca to seiso: aiti! te'o sii tate ekosi ci fatu 'e sii'an, 'aeno tehela ekosi ci fatu! at'inghi, inala tmanoe'ocʉ ci cou o'ate ma'papayo'ʉ.

kolinto 1 1:6

ina 'akasi to kilisto micu nomahtʉicʉ ta taicomu.

kolinto 2 6:7

so'emio ci e'e, ho ito meoino tonʉ to hamo, epa'teni zou soskuskunu to hamo a'mi. mimza boemi to mou'lʉlʉ ho teyai soanothʉ, suyumo to hangʉ, yaeza noʉt'ʉci 'e iachi.

'epeso 3:1

i'mi tan'e, 'e mi'o nomio ta couyafana ci muu ho holeo to kilisto iesu ci poolo. te'o mi'usnu to hamo ho 'inolineni muu.

'epeso 3:13

ko'koeno, te'o m'ene muu, 'ote i'mi ho mi'o'so nomio muu ho 'atutumio ho ma'sasmʉzʉ, la apuya nomio tan'e ho ma'tataotofsi'i.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 4:17

maitan'e te'o epici to ongko to nooe'oca ho aʉ'ʉmta eucufna muu: 'otenala i'vaho maito lahe h'oyunsova to couyafana. la ma'ankʉ 'o koyuhe,

pilipi 1:7

la acʉhʉ asngʉcʉ yonta 'tohʉngʉ'u na muu! 'ate'oeno anana'va asngʉcva taaecingia muu; maica, 'upena ho mi'o yonta poo'usna maitan'e, hocieno ne mo'un'a meelʉ ziu ho ehcʉvheni 'e fukuin ho 'akasi, mimucu acʉhʉ tma'upu no isi pafeni a'o to hamo ci afnaso ci tonʉ.

pilipi 3:10

la'uc'o tongsoyʉ no bohngʉ to kilisto, ta'hongi na meoino tonʉ no smoevovei, e'paevai no 'atutumiosi, emoothoma 'e nia hiasi mcoi,

pilipi 4:13

ieni to isi pafeni to kilisto ci tonʉ, te'o peelʉi noseolʉi 'emo mav'ov'o ci a'a'ausna.

kolosai 1:11

temusola i'mi to psoevohngʉ ci tonʉsi ho mayo no mahtʉicʉ ci tonʉ, yaa luaveica ci 'tohʉngʉ ho tiova 'e acʉcʉhʉ. la boemi no kokaekaebʉ ci 'tohʉngʉ ho

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

tesalonike 1 3:4

ne mohto noteuyunu, omzacu ayoca eʉsvʉta muu na elʉ no pohtutumza ci hi'hioa. 'emo esmi maitan'e aʉlʉ totiski to ohola ta'eoyoca; na eni imu acʉha cohivi.

temote 1 2:6

isi ciha 'o iachi ho poa elʉ no ziu 'e yatatiskova, soomei ho tac'u mic'ʉhi 'e hie, tesi acʉha poa elʉ no to'usnu 'e macicihi ci cou.

temote 2 1:10

maitan'e mo i'mi homo cmʉ'ho 'o leto'usnu ci nooe'oca kilisto iesu hocu peispa'teni. 'o kilisto isi aapayo'a na tonʉ no mcoi, asuhca ieni ta fukuin ho epa'teni 'o o'ate aapayo'ʉ ci nsou.

temote 2 1:12

i'mi tan'e, ko'ko mi'o tiou tamo maica ci 'atutumio. at'inghi, os'oc'o asngʉcva ta'sansana taa'uzva; maica os'o cohivi mi'o noe'ocʉ no siya, yaeza ta'sansana tesi noyʉci 'o isi toveineni a'o. ac'ʉhʉ no hiesi ho tena yuovei 'o nooe'oca.

temote 2 1:16

tesi'so coveoza to nooe'oca 'o conoemoo to 'anisifo, maica isi siho poucufna a'o, poa ma'eayokeo a'o. o'a isi h'oinveni ho mi'o noekotu,

temote 2 2:3

ho isieno yainca zou maotano to heetai to kilisto iesu, teko e'paevai no 'atutumio.

temote 2 2:8

teko talʉa 'o iesu kilisto, zou mʉntʉ'ca to tavite, 'o hamo isi poa i'mi to mcoi ho smoevovei; 'aeno eni 'e os'o psoyaska ci fukuin.

temote 2 2:9

mi'o i'mi no psoyaska 'e fukuin eni ho tiou ta 'atutumio, ac'ʉha no noa seo'eisi, totiski tomo yaa kuisi, at'inghi, na e'e to hamo o'ate peelʉi seo'eisi.

temote 2 4:17

la bichipi to nooe'oca ho e'oca a'o, fii to tonʉ a'o, ho a'sʉftona psoecʉ'ha to couyafana 'e fukuin; mo'u maezo i'mi to ngayo to e'uho ho noa to'usni.

temote 2 4:5

inacu suu, 'upena hoci yono mo mainenu ci a'a'ausna la asngʉcʉ bumemealʉ; la uveica na 'atutumzo, ho hioa nante anana'va hioa nola lepsoyaski, conci 'tohʉngʉ ho pee'ofeihni na teko hioa ho miko fifiho.

petelo 1 1:5

te faeni ta mimu maica i'mi no tmaa'uzo to hamo ho noa noʉt'ʉci no meoino tonʉsi ci cou, poa elʉaneni muu 'o isicu ayoca ho i'o te esmi ci to'usnu ho tac'u nouhpuhpusi 'e lekisi.

yohane 1 4:14

'o amopepe isi popeoskuna 'o okosi ho leto'usnu ta yata hpʉhpʉngʉ; 'e hi'hioa eni omzala aiti, yaeza mi'usneni ta mocmo ci cou ho 'akasi.

yuta 1:24

tesi peelʉi noʉt'ʉci to hamo na muu ho o'te poa smopcuku, poa uk'a heo'tʉ na muu, meelʉ kokaekaebʉ ho uhto tuhcu to psoevohngʉsi.

mokusi 1:2

isicu eʉsvʉta tamo botngonʉ to yohane 'e isi afu'a aiti, 'akasineni 'o e'e to hamo ho i'o isi paavneni to iesu kilisto ci so'emio.

mokusi 1:9

zou yohane a'o - ohaesamu. mi'o i'upu to iesu ho e'to'usni na ngoseomu, toehungu buveici, te maezo tma'upu no hpʉhpʉngʉsi. nomio no psoyaska na e'e to hamo ho i'o isi paavi to iesu ci so'emio, ohela poekotva to isi yainca paamo ci hpʉhpʉngʉ a'o.

mokusi 12:11

'o masisinto isicu ieni to hmuyu to okomoatʉ'nʉ ho ito ihe epeaska ci so'emio ho atpʉtʉ to long; ac'ʉhʉ no kaebʉ hoci ciha 'o iachihe nsou.

mokusi 19:10

mi'o m'ocnguyu to tuhcu to t'angosi, te'o p'ohkui, at'inghi isi mi'usni a'o ho yainca: <'otes'a maica! na suu ho a'o, ho i'o mocmo ci sinto, acʉcʉhʉ 'emo afu'u noʉt'ʉcʉ to isi paavneni to iesu ci so'emio, zouc'o acʉhʉ totiski soskuskunu. 'anteko m'ohkuyu to hamo!> maica 'o isi paavneni to iesu ci so'emio 'aeno maezo i'o mosola tmaot'ou to mayoyongensa ci so'emio.