temote 1 6:5 - buacou seiso no faeva esvʉtʉ

⁵ ec'ʉvi 'ola mipeyu 'o 'tohʉngʉ, ho payo'ʉ to so'emio ci cou ho koa o'te tosvo yupa 'eehcʉvho. to 'tohʉngʉhe, 'e siukio mac'o ceonʉ no ma'eayupasʉ.

temote 1 6:5 Iomraidhean Croise

matai 12:33

matai 21:13

mi'usni ho yainca: >, at'inghi imu tiezuha ho teyai sku'u no yaksai!>

matai 23:13

<'e mimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu apa'to yonta tuhcu ta cou ho amʉta 'o phingi to hpʉhpʉngʉ ne pepe, lamu iachi o'te yʉmeʉmʉ, yaeza o'te poa yʉmeʉmʉ 'onte mici yʉmeʉmʉ ci cou!

kolinto 1 11:16

hoci panote ehcʉvho, te'oc'o yainca, na a'mi ho i'e makikiokai to hamo hoci yonta m'ohkuyu ci hi'hioa uk'a ci mocmo ci 'ofiha.

tesalonike 2 3:6

maanat'ohaesa, temia epici to ongko to nooe'oca iesu kilisto ho pashʉya muu: la nose'u tola biyavoveic'o ho o'te tmalʉ to lamza hia mo'ma'cohio ci sinto.

temote 1 1:6

pantola emose'u tan'e, ma'papayo'ʉ tala e'ankʉ ci eʉsvʉsvʉtʉ.

temote 1 3:3

o'ala voemi, o'ala eyobai, ma'cocacni ci yu'ausna, o'ala ma'konvosʉ no yupasʉ.

temote 1 3:8

i'ola to'usnu to so'ehti ta kiokai te maezo yaa ʉmnʉ ci yu'ausna. la 'o'emio hola aomotʉ'ʉ. o'ala voemi, o'ala ma'konvosʉ no yupasʉ;

temote 1 4:7

i'ocu 'o koacuma engha cimo e'ankʉ ci ehohamva te ʉmnʉ hoci totoefʉngi; la nomio no einu ci h'oyunsova ho poa biʉsvʉsvʉtʉ 'e iachi.

temote 1 4:8

mioeno o'te yaa koa ʉmnʉ ho isi poa biʉsvʉsvʉtʉ 'e feango, 'e biʉsvʉsvʉtʉ ta piepiya te mav'ov'o i'ote koa ʉmnʉ suu, maica tesi hafneni no ta'usni ta maitan'e ho noana'o.

temote 1 6:6

'aeno a'ʉmtʉ. 'emo cihi ci cou hoci ma'mamso, tesi a'ʉmta poa atngaso ta siukio.

temote 2 3:5

la sikuhcu ta yʉsʉno siukio, bʉʉpsʉpsʉ no a'ʉmtʉsi ta siukio. 'emo maica ci cou, temula totoefʉngi.

temote 2 3:8

mo mais'a ne noana'o i'o yaani ho yampulei moso mainenu na hia yutasufku to moose, maitan'e 'emo maica ci cou mioc'o totiski ho yutasufku to so'emio. mo ton'on'o 'o 'tohʉngʉhe, o'anamo yaa tonʉ no tiou no hʉsvʉta na singkoo,

tito 1:11

teko asansana potani hoci aomotʉ'ʉ 'emo maica ci cou, maica, la nomio no ma'konvosʉ no yupasʉ, micu boemi to o'ante psoyaska ci motposʉ hocu aon'oza 'omo man'i ci emoo.

petelo 2 2:15

la mongoi to atuhcu ceonʉ, emo'usnu tomo emopeu, mo smai'ofeihni to ceonʉ to palan ci oko to pielu. 'o palan 'aeno 'omo ma'konvosʉ to ca'i ci yupasʉ,

petelo 2 2:3

'emo maica ci meyoyongensa nomio no ma'mamso 'o iachihe ma'konvosʉ, la boemi to isic'o teoteai ci ehohamva ho mi'usnu muu ho tʉspʉcʉ no yupasʉ. ahoi ne noana'o, 'o yʉsvʉtʉ to hamo lasi conino totea 'emo maica ci cou; o'atehe ahta noszozi na meaapayo'ʉ!

yuta 1:11

'emo maica ci cou te ku'kuici! ihe pee'ofeihni 'omo totiski to ceonʉ to kai'in. nomio no yupasʉ, mo su'ayumonʉ to ohsi su'si to palan ci feongo no peis'epo, mais'a 'o koola ho totiski yutasufku, totiski aapapayo'ʉ.

mokusi 18:13

maezo uk'anaci te mhia ni'ki, musngu, konamusngau, niukoo, emi, hʉsʉ, tungva, heome, 'uachumu, moatʉ'nʉ, 'uma, kuyai, tolei, ho i'o cou.

mokusi 18:3

maica 'e mauhpʉhpʉngʉ mo acʉhʉ mimo to sume ci emi no mseezo ta mamespingi, 'o mahohonte ta ceoa mosola acʉha yu'tupeu ta mamespingi, 'o momhino ta ceoa mo acʉhʉ i'mi to momseezosi ho yuyupasʉ.>