temote 1 4:3 - buacou seiso no faeva esvʉtʉ

³ lahe potani hoci yupa totovcongʉ; potani hoci bonʉ no cuma, at'inghi ho ohsi teyai to hamo 'e 'oanʉ eni 'aisieno faeni ta mo bochio no so'emio ci cou ho poa boemi no 'aveoveoyʉ ho ana.

temote 1 4:3 Iomraidhean Croise

matai 14:19

isicu eutotaveiya 'o botngonʉ ho poa suspoyʉ to kukuzo, ataveisi isi yaa 'o eimo ci pang ho i'omo yuso ci yoskʉ, mi'usnu ne pepe, to'aveoveoyʉ to hamo, tipcia 'o pang, faeni to tesi, ihecu i'vaha aangaeza to tesi ho faeni to botngonʉ.

matai 15:11

i'ola mito ngayo ta cou ho yʉmeʉmʉ ci macucuma o'ate koa ca'i ta cou; 'ai'olaeno i'mi ta ngayo ta cou ho yuyafo nate meelʉ koa ca'i ta cou.>

matai 15:36

yaa 'omo pitu ci pang ho piyo ci 'o'oko no yoskʉ, to'aveoveoyʉ to hamo, tipcia, faeni to tesi; 'o tesi ihecu ivaha aangaezeni tomo botngonʉ.

luka 24:30

nemo seolʉano yusuhngu ho bonʉ, isi eepza to iesu 'o pang, mi'usnu to hamo ho to'aveoveoyʉ, cu tipcia, faeni tamo yoso.

yohane 6:23

panto piyo ci mo i'mi ne tipilia ci moc'o 'o'okosi ci 'apangʉ mo tosvo to aaskiti, 'aitoeno cum'usi to ohsi yoni to'aveoveoyʉ ho aangae to pang to iesu.

sitoo 27:35

eepʉnga 'e e'esi, mo mayo to pang 'o poolo, yonta tuhcu ta mo botngonʉ ho to'aveoveoyʉ to hamo, cu tipcia ho ana.

looma 14:17

maica ina hpʉhpʉngʉ to hamo o'amo yono 'oanʉ, mo yono isi faeni to seilei ci moʉhmʉskʉ, moususeomʉ, kokaekaebʉ.

looma 14:3

i'ola meelʉ bonʉ tamo mav'ov'o teav'a potfʉnga 'ola o'te bonʉ; i'olac'o bonʉ to chae teav'a eayaezoya 'ola oa'pucu, maica isicu acʉha tiova to hamo.

looma 14:6

pantola afnasa huecvʉhʉa namo conci hie, epa'teni na lasi hia einu to nooe'oca; pantola ongongabo to macucuma, yaeza epa'teni na lasi hia einu to nooe'oca, maica lasi nomio ta isi ana ci 'oanʉ ho to'aveoveoyʉ to hamo. pantola opeic'o to isi ana, totiski epa'teni na einu to nooe'oca, maezo to'aveoveoyʉ to hamo.

kolinto 1 6:13

panote mainca ci cou <'e 'oanʉ mo nomio ta cfu'o, 'e cfu'o te nomio ta 'oanʉ.> mioeno o'te emzo. at'inghi tasila aapayo'a to hamo 'emo yuso. 'e feangoto o'amo nomio no smoc'ou ho yayo, mamo nomio to nooe'oca ho yayo, 'o nooe'oca tesi fii note tititha ta feangoto.

kolinto 1 7:28

hociko mevcongʉ, o'ate tamza no peiskuisi; hoci mevcongʉ 'o o'amocu mo mevcongʉ ci mamespingi, maezo cuma nate koa yainca o'amo emzo. at'inghi, ʉmnʉahe hocimu o'te mais'a tamo maica ci cou, yonta huhucmasi h'oyunsova ho tiou nomo mav'ov'o cila e'ngoseoneni.

kolinto 1 8:8

a'ʉmtʉsi, 'e 'oanʉ o'ate koa asuhcu ʉmnʉ na teto natʉ'ca 'o hamo; hoci o'te bonʉ uk'a cite nama payo'a, hoci bonʉ uk'a cite nama tov'oha.

kolosai 2:16

ko'koeno, teav'a poa ta'poe'eni to 'oesvʉtʉ no eabobonʉ, homeesia, meefeohʉ, hocieno 'ansokunici na muu.

kolosai 3:17

'upena hoci cuma nala hioa, cuma nala e'e, temula aa'pucu boemi to ongko to kilisto, ieni to kilisto ho 'aveoveoyʉ to hamo.

temote 1 2:4

tesi acʉha poa elʉ no to'usnu to hamo 'e yatatiskova, acʉhʉ bohngʉ to so'emio.

temote 1 4:4

'e isi afu'a teyai to hamo mo acʉhʉ ʉmnʉ, nte acʉha titheni no 'aveoveoyʉ ho tiova, o'ate hopsʉpseni.

temote 1 5:14

ko'koeno, os'o ʉmnʉahe hoci mevaho mevcongʉ 'emo tuvcongʉ ci mon'a foinana ci mamespingi, yaa 'o'okoa, aʉt'ʉca na iachi emoo, poa o'te yaa 'eo'eongʉ no pohcinghi 'ola mihango a'to ci cou.

hevulu 13:4

'e macicihi la huecvʉhʉa 'e natʉ'ca no navconga; la asansano ma'ʉ'ʉmtʉ yu'tat'ʉcʉ 'e navconga. tesi yʉsvʉta to hamo 'ola 'aʉnpʉnpʉ ho smoc'ou ci cou.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.