temote 1 1:5 - buacou seiso no faeva esvʉtʉ

⁵ na atuhcusi ta mashʉyʉ tan'e la cucufnu no himngonghi; 'e himngonghi eni, la i'mi no cofkoya ci 'tohʉngʉ. ʉmnʉ ci koyu, ho ino a'ʉmtʉ ci singkoo ho cmʉfeʉ.

temote 1 1:5 Iomraidhean Croise

matai 12:35

'omo ʉmnʉ ci cou la i'mi to isi a'pʉ'pʉya ci ʉmnʉ ho peiseafi 'omo ʉmnʉ; 'omo kuici cou. la i'mi to isi a'pʉ'pʉya ci kuzo ho peiseafi 'omo kuzo.

matai 5:8

'ola tʉs'ʉ ci 'tohʉngʉ a'ʉmtʉs'a ʉm'ʉmnʉ; tehe teolʉi 'o hamo!

sitoo 15:9

na a'to ho i'o couyafana, o'aisi yupa apaevaza to hamo, maezo i'mi homo tmaa'uzo ho poa cofkoya 'o 'tohʉngʉhe.

sitoo 23:1

isi teochʉmi to poolo 'o cou to ngikai, yainca:

sitoo 24:16

ko'koeno, la'u conino eucucufna 'e iachi, yonto tuhcu to hamo ho ita cou, asngʉcva butʉtʉyʉca na acocofkoya ho tʉs'ʉ ci 'tohʉngʉ.

looma 10:4

a'ʉmtʉsi, isicu aepʉnga to kilisto 'o hoolicu, poacu coumoʉlʉlʉ 'omo afu'u tmaa'uzo ci cou.

looma 12:9

himngonghi no cou la mou'ʉmtʉ. la himkuzo to kokuzo, noʉyʉci na mou'ʉmnʉ.

looma 14:15

hociko nomio no 'oanʉ ho alolongʉ no 'tohʉngʉ no nanat'ot'ohaesa, 'e osko hioa 'anamo i'mi no himngonghi ci 'tohʉngʉ. 'otes'a i'mi no 'oanʉsu ho poa kuzo na ohsicula mcoineni to kilisto ci cou!

looma 9:1

te'o mo'engho tamo mou'ʉmtʉ ci e'e; mi'o tma'usnu to kilisto, o'ami'o meknuyu. 'e ʉmnʉ ci 'tohʉngʉ'u mo yono isi psoetiskovi to seilei ho soomei ho o'a mi'o meknuyu:

kolinto 1 13:1

'upena hoci'u meelʉ tamo mav'ov'o ci e'e ta yatatiskova, ac'ʉhʉ no e'e no tensi, hoci uk'a himngonghi, 'e e'e'u teec'o mais'a 'ola ptaʉngʉ ci lungu ho i'ola moengʉ ci lingi.

kolinto 2 1:12

i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

ngalatea 5:22

inacu beachi to seilei, 'aeno: cocoya ci himngonghi, kokaekaebʉ, moususeomʉ, luaveica, moma'cinghi, mou'ʉmnʉ, meot'ʉt'ʉcʉ,

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

temote 1 1:18

oko'u ci temote, i'tohungu tomo natʉ'ca suu ci isi eyoca, te'o toveineni suu 'e mashʉyʉ eni. 'e e'e eni teko soanothʉ ho tekola yu'susuyumo.

temote 1 1:19

la noyʉci na singkoo ho tʉs'ʉ ci koyu. pantola o'te tmalʉ to iachi ʉmnʉ ci koyu, ko'ko laeno smotokʉ 'o singkoohe,

temote 1 3:9

nte boemi no cofkoya ho tʉs'ʉ ci 'tohʉngʉ ho noyʉci na moumsʉ'eonʉ ta singkoo.

temote 2 1:3

te'o 'aveoveoyʉ to hamo, 'ai'o la'ueno totiski to nia maameoi ho boemi to cofkoya ho ʉmnʉ ci 'tohʉngʉ ho p'ohkui ci hamo. yonto la'u huhucmasa 'inoli ho conino taaecingia suu,

temote 2 1:5

os'o talʉa 'o a'ʉmtʉ cofkoya ci singkoosu, 'ai'omoeno mais'a singkoo to ba'isu ci looi ho ito inosu ci iuniki. 'o singkoohe, os'o taa'uzva 'amo ahtuo'te maezo yayo suu.

temote 2 2:22

'ote mais'a 'o yu'fafoinana ho maemayahe ci koyu; la fihohe tola cofkoya ci 'tohʉngʉ, conino noa to'usnu to nooe'oca ho toehungu biebimi no moulʉlʉ, singkoo, himngonghi, ho moususeomʉ.

tito 1:15

hoci e'usna tola acocofkoya ci cou, la acʉhʉ cofkoya 'e acʉcʉhʉ; at'inghi hoci e'usna tola coca'i ho o'te tmaa'uzo ci cou, uk'a ci mo conci cofkoya ci macucuma, maica 'o ʉmnʉ ci 'tohʉngʉhe micu acʉhʉ kuici ca'i.

hevulu 10:22

'antetoeno boemi no mou'ʉmtʉ ci 'tohʉngʉ ho mahtʉicʉ ci singkoo, boemi to isicu poa cofkoya, uk'a heo'tʉ ci 'tohʉngʉ, ho i'o ohcu toʉlʉi to chumu ci feango, ho ohcum'u to hamo.

hevulu 13:18

teav'asola tosveni 'inolineni a'mi. imza iachia taa'uzva mo tʉs'ʉ ho ʉmnʉ 'e koyumza, smoekakaebʉ mino mo emio ci ceonʉ.

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

yakovu 4:8

hocimu bicmu'u to hamo, 'atesi ahtao'te bicmu'i to hamo na muu. 'ola yaa kuisi ci cou, la poa cofkoya na emucumu! 'ola me'ʉ'ʉmnʉ ci cou, la poa cofkoya na 'tohʉngʉmu!

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

petelo 1 3:16

at'inghi tela boemi no ma'cocacni ho ma'eaceaco ci koyu ho yut'ingi. la yaa cofkoya ho ʉmnʉ ci 'tohʉngʉ, poa iachi ma'kokoe'i 'ola aokoe'i muu, ho lamu tmaa'uzo to kilisto ho popeis'ʉ'ʉmnʉ.

petelo 1 3:21

'e chumu eni 'aisieno epo'usa no toonono. maitan'e 'e toonono eni isi to'usni muu, o'a isis'a yainca isi toonvi na ca'i ta feangomu, mamo boemi no cofkoya ci 'tohʉngʉ ho mi'usnu to hamo ho ekoyu; 'e toonono eni isi ieni to smoevovei to iesu kilisto hocu to'usni muu.

petelo 1 4:8

na sotva'esasi tela aʉ'ʉmtʉ yupa himngonghi. maica ina himngonghi lasi peelʉi aapayo'a na man'i ci kuisi.

petelo 2 1:7

na ma'einu, topuhngi no himngonghi no 'oahngʉ, na himngonghi no 'oahngʉ topuhngi no himngonghi ta acʉcʉhʉ.

yohane 1 3:10

na 'o'oko to hamo ho ina 'o'oko no 'akuma isi husansana 'o hia yupa h'unasi: i'ola o'te mee'ofeihni to moulʉlʉ, o'te ngohia 'o iachi maanat'ohaesa, o'a na 'o'oko to hamo.

yohane 1 3:23

'o mashʉyʉsi 'aeno: teto asansana taa'uzva 'o ongko to okosi ci iesu kilisto, a'vinano maito mashʉyʉ to kilisto ho yupa himngonghi.

yohane 1 3:3

nala afu'u mooteo no aopa'to 'o kilisto ci cou te acʉhʉ iachi ayʉyʉcʉ acocofkoya, totiski to kilisto ho cofkoya.