temote 1 1:17 - buacou seiso no faeva esvʉtʉ

¹⁷ na koe'ia ho psoevohngʉ. no'unu'sio to 'auesiesi honte ta hpʉhpʉngʉ - i'o o'ate kuzo, o'te teolʉi, cihic'o ci hamo! 'aamen.

temote 1 1:17 Iomraidhean Croise

matai 25:34

ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.

matai 28:20

a'vinano po'pa'cohivi ho poa meot'ʉcʉ ta os'o afu'a faeni ci mashʉyʉ. talʉa'sio! te'o asngʉcva no'upi muu, ac'ʉhʉ no hiesi no puesona ta hpʉhpʉngʉ.>

matai 6:13

teav'a poa elʉ no o'a temia pasvo'ha ci hʉsvʉta; to'usni a'mi ho momeesih'i no emucu no kokuzo.

yohane 1:18

uk'amocu ci mosola baito to hamo, i'oc'o pecnia oko, 'ai'o moeno atva'esi natvopca to amo ci ic'o, isi paavi ho eyafa.

yohane 5:44

lamu kaebʉ yupa tohmomoengʉ, o'alamu mici noa tohmomoengʉneni tomo i'mi to cihi ci hamo ho cmʉ'ho; maicac'o, mante mainenu ho cimu meelʉ tmaa'uzo?

looma 1:20

'ola o'te peelʉi aiti ci yu'ausna to hamo, 'ai'oeno 'auesiesi ci tonʉ ho i'o yu'ausnasi, a'ʉmtʉsi isicu ahoza ho ohon'a teyai 'e hpʉhpʉngʉ hocu teolʉi, te i'mi ta ohsila teyai ci acʉcʉhʉ ho honga. ko'koeno 'e cou uk'acite peelʉi 'o'emamzi.

looma 1:23

o'a lahe p'ohkui 'o 'auesiesi yaansou ci hamo, namala auyu m'ohkuyu to uacoua, 'ai'oisieno ho teoteai poa mi'u'usnu to te mcoi ci cou, zomʉ, yuansou, mayoyoi.

looma 11:36

maica 'e acʉcʉhʉ mo i'mi ta iachisi, ieni ta iachisi, noovei ta iachisi, na psoevohngʉ ta'usna'sio to hamo, ac'ʉhʉ no 'auesiesi! 'aamen.

looma 16:27

ina psoevohngʉ tesi'so ieni to iesu kilisto ho ta'usna to cihi ci somoutʉs'ʉa ci hamo, ac'ʉhʉ no 'auesiesi! 'aamen.

looma 2:10

at'inghi. 'ola afu'u popeis'ʉ'ʉmnʉ ci cou. tesi pafi no so'einva, psoevohngʉ, ho ino soanono, auyu 'o couyutaya. atavei 'o couyafana.

looma 2:7

pantola apopaezumo peis'ʉ'ʉmnʉ ci cou, biebimi tomo i'mi to hamo ci so'einva, psoevohngʉ, ho o'te kuzo ci nsou; 'emo maica ci cou, tesi pafi no 'auesiesi ci nsou to hamo.

kolosai 1:15

'o kilisto zou mi'ausnasi to o'alato teolʉi ci hamo, mo tosa'ohe ta acʉcʉhʉ pehoza ci oko.

hevulu 11:27

i'mi no singkoo, mo mongoi ne 'ezivuto 'o moose, o'amo smoyo no sʉ'nova to honte; maica homo mais'a isi teolʉi 'o o'aisi teolʉi ta mcoo ci hamo, apaezumo buveici, o'amo mimho yuovei.

hevulu 2:7

osko akameosa poahe cʉecʉ to tensi; miko boemi to psoevohngʉ, so'einu ho teyaineni tafange;

petelo 1 5:11

no'usnu'sio to hamo na tonʉ, 'auesiesi uk'a noc'ʉhi! 'aamen.

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.

yohane 1 4:12

uk'a mocu ci mosola baito to hamo, at'inghi hocito yupa himngonghi, micu no'ayumonʉ ta nsouto 'o hamo, ina himngonghisi cu ieni a'to ho a'sʉftona peiseafi.

yuta 1:25

'emoc'o anana'o cihi ci hamo, ieni to nooe'ocato iesu kilisto ho to'usni a'to. tesi'so tanua na psoevohngʉ, mitohʉngʉ, taso, ho tonʉ, ahoi ne noana'o ac'ʉhʉ maitan'e, ac'ʉhʉ no 'auesiesi. 'aamen!

mokusi 15:3

pasunaenva 'o pasunaeno to soskuskunu to hamo ci moose ho ito okomoatʉ'nʉ: nooe'oca - soyaatonʉa ci hamo, 'o lako hi'hioa a'ʉmtas'a taunona'vʉ! na honte ta mauhpʉhpʉngʉ 'e ceonʉsu a'ʉmtʉs'a ahmʉskʉ ho mou'ʉmtʉ!

mokusi 17:14

tehe mi'usni 'o okomoatʉ'nʉ ho ehtothomʉ; at'inghi tesi atpʉta to okomoatʉ'nʉ, maica 'aeno'so nooe'oca ta manonooe'oca, honte ta mahohonte. 'o isi epeiya, ho meot'ʉcʉ mee'ofeihni ci cou te maezo atpʉtʉ.>

mokusi 19:1

ataveisi tan'e, os'o talʉi 'o meoino fihngau, mais'a panomo yone pepe cimo botngonʉ ho moozoyʉ:

mokusi 19:16

to yʉsʉ no tacvoh'i ho ito mabʉyasi isi tposi to ci ongko.

mokusi 19:6

os'o i'vaha talʉi 'o mais'a fihngau no botngonʉ ci cou, mais'a mʉmʉ no suyoi ho ak'engʉca, mainca:

mokusi 7:12

mainca: <'aamen! ina tohmomoengʉ, psoevohngʉ, moutʉs'ʉ, 'aveoveoyʉ, so'einva, tonʉ, taso acʉhʉ'so tmaovei to hamoto, 'auesiesi! 'aamen.>