sitoo 2:4 - buacou seiso no faeva esvʉtʉ

⁴ isi acʉha nongcʉngci to seilei, maito isi pafeni to seilei ci tonʉ ho ahoi mo'engho to e'e no mocmo ci hpʉhpʉngʉ.

sitoo 2:4 Iomraidhean Croise

matai 10:19

ho tahe tuucocosi muu, 'ote ma'tipvongʉ no cuma nate e'e hocieno te mainenu nate hia yut'ingi; ho mio. 'o hamo tasi pas'ofeihni no tamu pat'a'ausna.

maluko 16:17

namo tmaa'uzo te yaa tonʉ no peispopo'e: te boemi ta ongko'u ho meobango no hicu, mo'engho tomo faeva ci e'e no piepiya,

luka 1:15

ho lasi aiti to hamo, mo cihi cite taunona'vʉ ci cou. o'ala mimo to afu'u emi, ne moson'a ngho'ʉ isicu nongcʉngci to seilei.

luka 1:41

ne isicu talʉi to 'ilisape homo tuayokeo 'o maliya, micu aha'o aot'ou 'o ngho'ʉsi. isi nongcʉngci to seilei 'o 'ilisape.

luka 1:67

'o amo to yohane zakalia isi nongcʉngci no seilei, cu psoecʉ'ha 'o e'e to hamo, yainca:

luka 12:12

maica ho mio, tasi pa'cohivneni to seilei na ntemu pateafa ci e'e.>

luka 21:15

maica te'o fii no mahsosonʉ ci ngayo ho moutʉs'ʉ, poa o'te meelʉ etpʉtʉ ho yutasufku na hangʉmu.

luka 4:1

i'mi to c'oeha ne yolutan ho yuovei 'o iesu, nongcʉngci to seilei. isi eahafa to seilei 'o iesu ho uhto maepuepuhu,

yohane 14:26

at'inghi 'o le'aʉt'ʉcʉ, 'ai'o isieno ieni ta ongko'u to amo ho skuna ci seilei, tesi pa'cohivneni muu na acʉcʉhʉ ci hi'hioa, a'vinano tasila poa talʉaneni muu 'o o'ula afu'a engha ci e'e.

yohane 20:22

eepʉnga 'e e'e eni, isi pee'usni to peucu 'o tesi, yainca:

sitoo 1:5

'o yohane ohsila yomza ta chumu ho toononvi muu, at'inghi ataveisi no mipzohi tamu tiou no toonono to seilei.>

sitoo 1:8

at'inghi ho tac'u cmʉ'ho muu 'o seilei, tenamu a'sʉftonʉ yaa tonʉa, yonta 'elusalemu, yutaya. ho nongabo ne samalia, ac'ʉhʉ no maucuculili ta hpʉhpʉngʉ ho 'akasineni a'o.>

sitoo 10:46

maica ho ihe talʉi 'emo maica ci cou mo epiepiya, a'vinano tohmomoengʉ ho emamau'no'na'o to hamo. isicu yainca to petelo:

sitoo 10:47

<'emo maica ci cou micu tiou to seilei, ho totiski a'to, siya nate meelʉ motano hin'i hoci tiou no toonono no chumu?>

sitoo 11:15

tuhcusi ne mi'o aomotʉ'ʉ, mo ohpueho to feangohe 'o seilei, aʉlʉ totiski ne moso ahoi ohpueho ta feangoto.

sitoo 11:24

zou ʉmnʉ ci cou 'o panapa, isi nongcʉngci no seilei, yaa mahtʉicʉ ci singkoo. i'mizi no botngonʉ ci cou 'omo tmaa'uzo to nooe'oca.

sitoo 13:52

'o sinto to 'antia mo ngangcʉngcʉ to 'tohʉngʉhe 'o seilei ho i'o kokaekaebʉ.

sitoo 13:9

tuhcusi ne mio, 'e saulo - 'aeno 'o poolo - isi nongcʉngci no seilei, isicu teo'tʉi 'o yoifo,

sitoo 15:8

i'ola smo'eusoyʉ ta 'tohʉngʉ ta cou ci hamo, isi pafi to seilei 'o couyafana, totiski ho isi faeni a'to. i'mi tan'e ho poa husansaneni ho isi yaeza tiova 'o couyafana.

sitoo 19:6

isi hoe'oci to poolo, cu ohpueho to feangohe 'o seilei. micu epiepiya, a'vinano epeaski to e'e to hamo.

sitoo 2:11

ta'upa 'o couyutaya ho i'omo ma'hi'usnu to yutayakio ci couyafana; panto maezo coukolitho ho cou'alavia. ci mito acʉhʉ tmalʉ homo titho to h'oe'eato ho engha na taunona'vʉ ci lasi hi'hioa to hamo!>

sitoo 2:3

ihe yaeza aiti 'omo mais'a mi'ausna no puzu ci umo, meiemo'ʉ ho tosvo to feango ta mo macicihi ci cou.

sitoo 4:31

cu aepʉngʉ 'inoli, mo tmaot'ou 'o ihe yoni noteuyunu. isi acʉha nongcʉngci to seilei, ahoicu 'ʉteʉ ho psoyaski to e'e to hamo.

sitoo 4:8

isi nongcʉngcʉ no seilei 'o petelo, yut'inga ho yainca: <'e masoso'ehti ho macocoolo,

sitoo 6:3

ko'koeno, maananghia ta 'ayumona to nooe'oca, te i'mi ta taicomu ho epei note pitu ci mo yaa ʉmnʉ ci ongko, nongcʉngci to seilei, a'vinano moutʉs'ʉ ci cou, poa hioaneni 'e mo maica ci hi'hioa.

sitoo 6:5

i'o 'tohʉngʉhe ta sitoo. mo acʉhʉ tohmʉskʉ 'e botngonʉ. ihecu toehunga poe'oha 'o sutepana; 'e sutepana mo yaa mahtʉicʉ ci singkoo, isi nongcʉngci no seilei ci cou; ihe i'vaha epeiya 'o fuili, polokolo, nikano, timong, pamina, ho i'o moso la i'upu to yutayakio ci cou'antia ci nikola.

sitoo 6:8

'o sutepana isi nongcʉngci no mengumi ho tonʉ to hamo, yonta mo botngonʉ ho hioa 'omo meoino taunona'vʉ ci hi'hioa ho po'e.

sitoo 7:55

isi nongcʉngcʉ no seilei 'o sutepana, mʉengʉcʉ ta pepe, teolʉi 'o psoevohngʉ to hamo, yaeza aiti 'o iesu mo yac'ʉ to vhona to hamo,

sitoo 8:17

cu hoe'oci to petelo ho yohane 'o fnguuhe, micu tiou to seilei.

sitoo 9:17

cu a'ʉmtʉ emo'usnu maita'e 'o 'anania. yʉmeʉmʉ to emoo to ic'o, hoe'oci to emucusi 'o saulo, yainca:

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

kolinto 1 12:10

'o seilei isi pafeni ta cou tan'e na tonʉ no po'e, pafeni ta cou ta'e na mengumi no meemealʉ evaho no e'e to hamo, pafeni nomo cihi na tonʉ no bohbohngʉ no moipiepiya, isi faeni tamo h'unasi na tonʉ no epiepiya, isi i'vaha faeni tamo cihi na tonʉ no evaho tamo epiepiya.

kolinto 1 13:1

'upena hoci'u meelʉ tamo mav'ov'o ci e'e ta yatatiskova, ac'ʉhʉ no e'e no tensi, hoci uk'a himngonghi, 'e e'e'u teec'o mais'a 'ola ptaʉngʉ ci lungu ho i'ola moengʉ ci lingi.

kolinto 1 13:8

zou 'auesiesi 'e himngonghi. 'e tonʉ no eʉsvʉsvʉtʉ lac'o akameosʉ; 'e mengumi no epiepiya tena yaa hiesi no aepʉngʉ; 'e mau'to'tohʉngʉ te maezo sucaefi.

kolinto 1 14:18

te'o 'aveoveoyʉ to hamo, na la'u hia epiepiya la na'nohe man'i muu.

kolinto 1 14:5

os'o tata'ia hocimu acʉhʉ meelʉ epiepiya, at'inghi os'o asuhca tata'ia hocimu yaa mengumi no epeaski ta e'e to hamo. maica, mac'oci yaa atfʉngʉ mahcinghi to epiepiya, ho peelʉi p'eyac'a 'e kiokai, hoci o'te maica, 'emo epeaski ta e'e to hamo te na'nohe huecvʉhʉa tamo epiepiya.

'epeso 3:19

temu'sola cohivi 'omo asa'o nola peela ta'cʉ'ha no motposʉ ci himngonghi to kilisto, ko'ko peelʉi nongcʉngci no a'sʉftonʉ to hamo na muu.

'epeso 5:18

'ote voemi, malasi poa peispapayo'ʉ 'e cou; la noa nongcʉngci to seilei.

'epeso 6:18

temu yono 'inoli ho m'eya to'usni to hamo, asngʉcʉ fiho no lasi hia eahahafo to seilei ho 'inoli. la aa'pucu aʉtʉs'ʉ, teav'a peaezoni; la o'te tosveni 'inolineni 'o sinto.

petelo 1 1:12

'o hamo isi poa cohivneni to eyongensa, na hiahe yaahioa o'a ihe hioaneni 'e iachi, ma ihe hioaneni muu. 'o ohela maeengha ci hi'hioa, maitan'e isicu ieni tola yaahioa to fukuin, noe'ocʉ to tonʉ tomo i'mi ne pepe ci seilei, hocu psoecʉ'ha muu; 'emo maica ci hi'hioa, ac'ʉhʉ to tensi ma ohe yaeza 'ucia asansana!

petelo 2 1:21

maica, uk'a cimo conci eyocʉ mo i'mi no 'tohʉngʉ ta cou, mamo tiou no poot'ova to seilei 'o eyongensa ho psoecʉ'ha 'e e'e to hamo.