pilipi 4:7 - buacou seiso no faeva esvʉtʉ

⁷ na lasi pafeni to hamo ci soanono la nosa'o no lato ta'cʉ'ha ta cou, tesi ieni to kilisto iesu, noyʉci na lato ta'koeva ta 'tohʉngʉto.

pilipi 4:7 Iomraidhean Croise

luka 1:79

isin'a i'mi ta pepe ho psoetiskovi 'emo afu'u yaansou ta isi pe'ongki no mcoi ci cou, engocha a'to ho poa smaimio no moususeomʉ ci ceonʉ.

luka 2:14

na psoevohngʉ te ta'usna to sopepea ci hamo! na moususeomʉ te ta'usna ta isi ʉm'ʉmnʉa ci cou ta ceoa!

yohane 14:27

yohane 16:33

os'o eʉsvʉta muu 'e hi'hioa eni, te'o akoeva no poa i'mi ho mimu yuecnguhu a'o ho yaa soanono. ta hpʉhpʉngʉ, mimu yaa 'atutumio; at'inghi temula 'ʉteʉ, mi'ocu atpʉtʉ ta hpʉhpʉngʉ!>

looma 1:7

te'o tuayokeo ta mimu afu'u yonta looma ci isi ngohia, ho epeiya to hamo ho teyai 'o'oko ci cou. faeni'sio muu to hamo ho ito nooe'oca iesu kilisto na mengumi ho soanonosi!

looma 14:17

maica ina hpʉhpʉngʉ to hamo o'amo yono 'oanʉ, mo yono isi faeni to seilei ci moʉhmʉskʉ, moususeomʉ, kokaekaebʉ.

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 5:1

ho mitoeno i'mi no tmaa'uzo ho yainca coumoʉlʉlʉ, cu ieni to nooe'ocato ci iesu kilisto hocu yaa nanghia ci natʉ'ca 'o hamo.

looma 8:6

nala ma'unu ta feango te mcoi; nala ma'usnu no seilei te yaa nsou ho soanono.

kolinto 2 10:5

popuya 'ola bobitano ci pat'a'ausna ho nomʉtʉ to mocmo hoci bohngʉ to hamo. temia ti'einga 'o 'to'tohʉngʉ ta macicihi ho poa tmaovei to kilisto.

kolinto 2 13:11

atavei, maanat'ohaesa, huvahi'sio. temula asno'zonʉ yʉepʉngi ci cou. tiova 'e hia'u poucufnu; la acʉhʉ conci 'tohʉngʉ, nananghinghia noteuyunu. tesi'sola asngʉcva no'upi tola mofi to himngonghi ho soanono ci hamo na muu!

ngalatea 5:22

inacu beachi to seilei, 'aeno: cocoya ci himngonghi, kokaekaebʉ, moususeomʉ, luaveica, moma'cinghi, mou'ʉmnʉ, meot'ʉt'ʉcʉ,

'epeso 3:19

temu'sola cohivi 'omo asa'o nola peela ta'cʉ'ha no motposʉ ci himngonghi to kilisto, ko'ko peelʉi nongcʉngci no a'sʉftonʉ to hamo na muu.

pilipi 1:1

na a'o - poolo ho i'e temote zou soskuskunu to kilisto iesu. temia tmopsʉ ta tengami ho faeni ta mimu yone fuilipi ci afu'u 'o'oko to hamo, 'ai'oeno 'omo tma'usnu to kilisto iesu ci sinto, ho i'o masoso'ehti ho itola matoto'usnu ta kiokai ci haah'o.

pilipi 1:2

faeni'sio muu to amohamo ho ito nooe'oca iesu kilisto na mengumi, ho ina soanonosi!

pilipi 4:19

'o hamo'u tesi ieni tomo yonto kilisto iesu cimo atngaso ci ʉm'ʉmnʉ ho pafi no temula afu'a tititha.

pilipi 4:21

temun'a mi'usnu tomo afu'u tma'usnu to kilisto iesu ci sinto ho tuayokeo. 'emo no'upu a'o ci sinto te mi'usnu muu ho tuayokeo.

pilipi 4:9

i'o ohmula yoyayaeza a'o, tiova, hocieno talʉi, aiti ci peipeis'ausna, la acʉha peiseafi. i'ola mofi to soanono ci hamo 'atesi ahtao'te no'upi muu.

kolosai 3:15

'e isi pafeni to kilisto ci moususeomʉ la sotmoyaevona ta 'tohʉngʉmu; nomio no poa yaa moususemʉ na muu, isi epeiya to hamo muu ho poa conofeango, temula 'aveoveoyʉ.

tesalonike 2 3:16

i'ola mofi no soanono ci nooe'oca tesi'sola boemi no mav'ov'o ci peipeis'ausna ho pafi no soanono muu! asngʉcva'so la no'upi to nooe'oca muu!

hevulu 13:20

'o hamo isicu poa i'mi to mcoi ho smoevovei 'o nooe'ocato ci iesu. isi ieni tomo mohtoesuyu ci hmuyu to iesu ho to'hongi 'o 'auesiesi ci esvʉta, poa meelʉ meoino le'aʉt'ʉcʉ moatʉ'nʉ. i'ola mofi no soanono ci hamo tesi'sola poa yono lamu hioa cimo mav'ov'o ci peis'ʉ'ʉmnʉ ho poa a'sʉftonʉ muu, poa meelʉ peis'ofeihni no 'tohʉngʉsi, tesi'sola ieni to iesu kilisto yonta feangoto ho aepʉnga na lasi 'aveoveoneni ci hi'hioa! no'unu'sio to kilisto na psoevohngʉ, ac'ʉhʉ ho noana'o! 'aamen.

yuta 1:1

zou soskuskunu to iesu kilisto a'o, ohaesa to yakovu ci yuta. te'o tmopsʉ ta tengami ho faeni to ohsila epeiya ho eoho'a to hamo, yunsou to 'ayumona to himngonghi to hamo, a'vinano noa noʉt'ʉci to iesu kilisto ci cou.

mokusi 1:4

na a'o - yohane, te'o pa'i'usni ta tengami ho faeni tamo pitu ci kiokai ta 'aziasoo: i'o mo ahoi ne noana'o, maitan'e, ac'ʉhʉ ho 'auesiesi yayo ci hamo, ho i'omo pitu ci piepiya to tuhcu to suoca'hasi, ho i'o mo meot'ʉt'ʉcʉ cila 'akasi, ahoi i'mi to mcoi ho smoevovei ho atʉkcʉ ta mahohonte ta ceoa ci iesu kilisto, tesi'so pafi no mengumi ho soanono na muu! isi ngohia a'to. nomio a'to ho yuhmuyu. i'mi to kuisi ho poesih'a a'to.

mokusi 2:17

<<'o isi mi'usneni to makikiokai to seilei ci e'e, namo yaa koyua, la acʉhʉ'so tmalʉ! <> >