pilipi 4:3 - buacou seiso no faeva esvʉtʉ

³ 'o meot'ʉcʉ ci 'oahngʉ'u, te'o maezo m'ene suu ho to'usni 'emo yoso; maica'sio mihin'i yontala hi'hioa ta fukuin ho fiho a'o, ho i'e kolimen, ho ito mocmo cila toetoehungu yaahioa ho i'upu ngoseo; 'o ongko tamo maica ci cou isicu acʉha tposi to tposʉ no nsou to hamo.

pilipi 4:3 Iomraidhean Croise

luka 10:20

at'inghi, 'ote i'mi homo peteozu muu na h'aokuv'o ho kaebʉ, temu nomio ho isi tposi ne pepe na ongkomu ho kokaekaebʉ.>

looma 12:1

ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu.

looma 16:12

tuayokeo tomo no'ayumonʉ to nooe'oca ci lamza toehungu yaahioai ci tofuina ho tofusa; maezo tuayokeo tola tvaezoya yaahioai ci ngohia ci nanghia pisi.

looma 16:9

maezo tuayokeo to momza toehungu fifiho to kilisto ho yaahioai ci 'opanu ho i'o ngohia ci nanghia'u sutaku.

pilipi 1:12

maanat'ohaesa, te'o poa cohivneni muu, i'e os'o elʉa isi apuya to'usni ho ohsuhcu 'e fukuin.

pilipi 1:16

'eisi engha ta ataveisi mo i'mi no himngonghi ci 'tohʉngʉ ho maica 'o hioahe, maica ihe cohivi ho isi toveineni a'o to hamo 'e hi'hioa no ehcʉvheni 'e fukuin.

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

pilipi 1:5

maica ahoi to ahoisi ac'ʉhʉ maitan'e. to hi'hioa no psoyaski ta fukuin lamu asngʉcva to'to'usni a'o.

pilipi 1:7

la acʉhʉ asngʉcʉ yonta 'tohʉngʉ'u na muu! 'ate'oeno anana'va asngʉcva taaecingia muu; maica, 'upena ho mi'o yonta poo'usna maitan'e, hocieno ne mo'un'a meelʉ ziu ho ehcʉvheni 'e fukuin ho 'akasi, mimucu acʉhʉ tma'upu no isi pafeni a'o to hamo ci afnaso ci tonʉ.

pilipi 4:2

nat'ohaesa ci yo'ate ho sintuki, te'o cucufni muu la no'ayumonʉ to nooe'oca ho tohmʉskʉ na 'tohʉngʉ.

kolosai 1:7

mimu i'mi to sonanghia'u ci 'ipafu ho momaemaezo ta fukuin tan'e; mo nomzo a'mi ho meot'ʉcʉ ci soskuskunu to kilisto.

mokusi 13:8

'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.

mokusi 17:8

i'o osko aiti ci yuansou mosola i'nanʉskʉ yaansoua, 'anate i'vaho yaansoua maitan'e, o'ate noana'o tena i'mi ne mʉ'eona ho yuyafo, emo'usnu to aapayo'ʉ. 'e cou ta ceoa, ahoi ne ohon'a teyai 'e hpʉhpʉngʉ 'o isi afu'a o'te tposi to tposʉ no nsou 'o ongkohe, ho tahe aiti 'e mosola yaansou, o'anamo yaansou maitan'e, i'o tenala i'vaho yuyafo ho noana'o ci yuansou, te acʉhʉ meoino no yamci.

mokusi 20:12

os'o i'vaha aiti 'o mohcu mcoi ci cou, 'upena 'omo suepe ho suaceaco, acʉhʉ yac'ʉ to tuhcu to suoca'ha. cu acʉha eyocoi 'o tposʉ; panto h'unasi ci conci tposʉ no nsou isi yaeza eyocoi. 'o mohcu mcoi ci cou isi acʉha ieni to niala peipeis'ausnahe, i'mi ta ohola tposi ta tposʉ tan'e ho tiou no yʉsvʉta.

mokusi 20:15

na afu'a o'a isi tposi ta tposʉ no nsou ci ongko, te acʉha to'seni tomo puzu ci etʉpʉ.

mokusi 21:27

at'inghi, 'o o'amo cofkoya, kokuzo 'o peipeis'ausna ho i'ola lolekoknuyu, acʉhʉ o'ate meelʉ yʉmeʉmʉ; i'oc'o isi tposi to tposʉ no nsou to okomoatʉ'nʉ nate meelʉ yʉmeʉmʉ.

mokusi 3:5

inamo atpʉtʉ ci cou te maezo totiski sʉ'eʉsʉ tomo fʉecʉ'za ci yʉsʉ; o'ate'o ahta saapayo'a to tposno nsou 'o ongkosi. yonto tuhcu to amo'u ho ito tensi, te'o apa'ta esansana mo tma'usnu a'o.