pilipi 3:9 - buacou seiso no faeva esvʉtʉ

⁹ a'sʉftonʉ yuecnguhu to kilisto. 'anami'o 'aoko mais'a mo yaa moulʉlʉ homo meot'ʉcʉ to hoolicu. 'e moulʉlʉ'u maitan'e mo i'mi ho mi'o tmaa'uzo to kilisto. isi pafeni to hamo eni. mo i'tohungu no tmaa'uzo.

pilipi 3:9 Iomraidhean Croise

matai 9:13

yainca to seiso: <> temu ta'to'tohʉngva na e'ausnasi tan'e! maica na te'o atuhca hioa ho mi'o cmʉ'ho o'ate'o eyoho'a namo ʉmnʉ ci cou, 'ai'o moeno kuici cou 'o te'o eoho'a.>

looma 1:17

maica 'e fukuin eni isi paavi 'o hamo tesi yainenu 'e cou nate hia meelʉ yupa toseolʉ na natʉ'ca: mo i'hoi no tmaa'uzo, ac'ʉhʉ no tmaa'uzo. aʉlʉ mais'a 'o isi yainca to seiso: <'omo i'mi no tmaa'uzo ho yupa toseolʉ na natʉ'ca to hamo te elʉ no nsou.>

looma 10:10

hoci maica nate hia tmaa'uzo ta 'tohʉngʉ, tec'u coumoʉlʉlʉ, maica nate hia esansano ta ngayo, tec'u to'usni.

looma 16:7

tuayokeo to momzala noteuyunu to poo'usna ci 'oahngʉ'u ta yutayaci 'antoniku ho i'o yunia. ta 'ayumona ta sitoo mo afnaso yaa ongkoa, moso auyuhe a'o ho tma'usnu to kilisto.

looma 5:21

aʉlʉ mais'a 'o kuisi isi ieni no mcoi ho atʉkcʉ, 'o mengumi to hamo isi yaeza ieni no moulʉlʉ ho aʉt'ʉcʉ, poa meelʉ mito nooe'oca iesu kilisto na a'to ho mayo no 'auesiesi nsou.

looma 8:1

maitan'ecu, i'omo yaansou to 'ayumona to kilisto iesu ci cou o'ate topci no kuisi.

looma 8:3

'o hoolicu to moose maica mo i'mi no yu'ausna no yoz'u ta cou ho o'te peihcʉ'hi, isicu invonva aepʉnga to hamo. isi popeoskuna 'o iachisi oko, poa yaa totiski a'to ci yu'ausna no kuisi, akoeva no yʉsvʉta 'e yu'ausna no kuisi ta cou, hocu toveuca 'e kuisi.

kolinto 1 1:30

'o hamo isi peelʉi poa tmuteuyunu to kilisto iesu na muu, yaeza teyai moutʉs'ʉto; ieni to kilisto, mitocu meelʉ yupa toseolʉ ci natʉ'ca 'o hamo, meelʉcu cofkoya ci 'o'oko to hamo, a'vinano elʉ no ziu.

kolinto 2 5:17

'upena na siya, hocic'u afu'u yayo na nsou to kilisto; zoucu faeva ci cou. micu sucaefi 'omo noana'o. micu esmi 'emo faeva.

kolinto 2 5:21

uk'a ci kuisi to kilisto, at'inghi isi nomzi a'to, 'o hamo isi poa ngoeveni to kilisto 'e kuisito, poacu meelʉ i'mi to kilisto na a'to ho yaa naseolʉ ci natʉ'ca to hamo.

ngalatea 2:16

at'inghi, ito cohivi, 'emo cihi ci cou hoci meelʉ yupa toseolʉ na natʉ'ca to hamo maisi ieni no tmaa'uzo to iesu kilisto, o'amo biftongʉ no mee'ofeihni to hoolicu to moose. mito maezo tmaa'uzo to iesu kilisto, akoyu no i'mi no tmaa'uzo to kilisto ho meelʉ yaa toseolʉ ci natʉ'ca to hamo, o'amo biftongʉ no mee'ofeihni to hoolicu. maica uk'a cite meelʉ biftongʉ no mee'ofeihni to hoolicu ho meelʉ yupa toseolʉ na natʉ'ca to hamo.

pilipi 3:6

hoci e'usnu no hia asno'zonʉ, o'ula akuzkuzoa 'o kiokai. ko'koeno, hoci tamza no moulʉlʉ homo meot'ʉcʉ to hoolicu to moose, uk'a cinte nama emzi no koica a'o.

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

hevulu 6:18

'emo yuso ci a'a'ausna o'ate ahta aezuha, maica o'ate meknuyu 'o hamo. ko'koeno, i'mi tan'e. 'e mito biebimi no noa aʉt'ʉca to hamo ci cou a'ʉmtʉ tiou no meoino poucufnu, la tʉyʉca 'emo yonta ito mi'usni ci lato ta'usni.

yakovu 3:2

lato asngʉcʉ peis'epo. inala yono e'e ho o'te mat'epo micu a'sʉftonʉ ci cou; isicu peelʉi aucunva atʉkca 'e iachi.

petelo 2 1:1

na a'o - saimong petelo zou sitoo ho soskuskunu to iesu kilisto. te'o tmopsʉ ta tengami ho faeni tamo boemi to moulʉlʉ to hamo ho ito leto'usnu ci iesu kilisto, ho maezo a'mi ho tma'upu no sopepea ci singkoo ci cou:

yohane 1 3:4

i'ola peiskuisi, 'amoeno yutasufku to hoolicu to hamo, maica ina kuisi 'amoeno yutasufku to hoolicu.