pilipi 3:15 - buacou seiso no faeva esvʉtʉ

¹⁵ ko'koeno, ta 'ayumonato hoci pano micu yuepʉngi na piepiya te acʉhʉ maica nate ta'usni; hoci pano mo h'unasi ci hiamu ma'to'tohʉngʉ, tesi pahsansani to hamo na muu.

pilipi 3:15 Iomraidhean Croise

matai 5:48

temula a'sʉftonʉ, aʉlʉ mais'a 'o amomu pepe na hia a'sʉftonʉa.>

luka 11:13

lamu e'vono kokuzo lean'a cohivi ho fii nomo ʉmnʉ ci macucuma na iachi 'o'oko; namaeno na amomu ta pepe o'atesis'aeno afnasa faeni nomo afu'u m'ene ci cou na seilei?>

yohane 6:45

ohsicula engha to tposʉ to eyongensa: <<'e cou te acʉhʉ noa po'pa'cohivi to hamo.>> namo afu'u tmalʉ to amo ho tiou no lasi hia mo'ma'cohio, te acʉhʉ uso a'o.

yohane 7:17

'emo cihi ci cou hoci ma'po'ʉ'ʉmtʉ peis'ofeihni no 'tohʉngʉ to hamo tesicu cohivi, 'e hia'u mo'ma'cohio nenusino mo i'mi to hamo hocieno c'o iachia'u e'e.

looma 15:1

'e mito ma'tataso na singkoo ci cou, nte to'usni 'ola 'oha taso 'o singkoo ci cou, e'paevazi na cvʉhʉhe, o'ate m'eya iachi ma'mamso.

kolinto 1 14:20

maanat'ohaesa, ta 'to'tohʉngʉmu 'ote mais'a oko; tamo kuzo ci hi'hioa temula mais'a foinana. tela poa yʉepʉngi na 'tohʉngʉmu.

kolinto 1 2:6

mi'usnu to micu yʉepʉngi 'o piepiya ci cou, lea'ueno o'te maezo mo'engho to moutʉs'ʉ; at'inghi o'ala mo'engho tomo tma'usnu ta hpʉhpʉngʉ ci moutʉs'ʉ, maezo o'ate'o mo'engho no moutʉs'ʉ ta tena suhcʉhcʉ cila aʉt'ʉcʉ ta hpʉhpʉngʉ.

ngalatea 5:10

at'inghi te'oc'on'a a'cʉ'cʉna taa'uzva muu; maica mito noteuyunu to nsou to nooe'oca, os'o amsʉ'eona taa'uzva muu o'amocu te ahtu aʉlʉ ac'ʉhʉ no o'te totiski no la'u buh'a'ausnu. at'inghi 'ola 'afeo'fu'u muu, 'upena na siya. tena tiou no patvovei to hamo.

'epeso 1:17

la'u m'ene to hamo to nooe'oca iesu kilisto, psoevohngʉ ci amopepe, pafi'sio no seilei na muu. 'e seilei eni tesi fii no moutʉs'ʉ muu, paavi muu ho poa bohngʉ to hamo.

kolosai 1:28

i'mi tan'e, mimza mi'usnu ta afu'u cou ho psoyaska 'o kilisto, boemi ta mav'ov'o ci moutʉs'ʉ ho kokoica ho po'pa'cohivi muu, akoeva no 'ucia poa yʉepʉngi ci sinto 'emo macicihi, hafa uhto tuhcu to hamo.

kolosai 4:12

'omo i'mi ta lamu yoni ci 'ipafu mo tuayokeo muu; zou maezo soskuskunu to kilisto iesu. lasi asngʉcva asno'zona 'inolineni muu, mi'usnu to hamo ho p'enzeni no mahtʉicʉ ci singkoo na muu, meelʉcu yʉepʉngi ci kilistoto, a'sʉftonʉ meot'ʉt'ʉcʉ no 'tohʉngʉsi.

tesalonike 1 4:9

inacu yupa himngonghi ci hi'hioa, o'ate'o nama fii no tengami muu ho toʉsvʉsvʉtneni; ohsicu po'pa'cohivi to hamo na muu te mainenu na te hia yupa himngonghi,

temote 2 3:17

tesi poa a'sʉftonʉ ae'ayocʉ 'ela fifiho to hamo ci cou, meelʉ peismi no mav'ov'o ci ʉmnʉ ci hi'hioa.

hevulu 5:14

hoci i'eivheni ho yainca, i'omicu yʉepʉngi ci cou na tec'u ov'ohʉ no naveu. micu yaa atngaso ci ohola sucaefiza, meelʉ bohngʉ nomo ʉmnʉ ho kuzo.

yohane 1 2:5

at'inghi i'ola noyʉcʉ to e'e to hamo ci cou, na mi'usnu to hamo ci himngonghi micu a'sʉftonʉ. i'ola mainca pano nsou to hamo, nte maito peipeis'ausna to iesu kilisto na h'oyunsova; maicac'o, tetoeno peelʉi pahsansana ho yainca, mitocu yaa nsou to hamo.