pilipi 3:14 - buacou seiso no faeva esvʉtʉ

¹⁴ mi'o mi'usnu ta os'o mituhci ho pa'eusngʉcʉ, akoyu no mayo no hnoo; 'e hnoo eni 'aeno 'omo tma'usnu ne pepe ci faeva ci nsou, isi ieni to kilisto iesu to hamo ho eyoho'a a'o ho poa tiovneni.

pilipi 3:14 Iomraidhean Croise

luka 16:16

looma 11:29

maica. na epei ho ina mengumi to hamo o'amo ahtu aezuhu.

kolinto 1 9:24

'aimu ahtao'te cohivi, i'ola yonto toosa'va ho i'upu yupa toosa'o no mayahe ci cou, la e'vono botngonʉ, at'inghi 'ote mayo to hnoo lac'o cihi. ko'koeno, temula yaa ma'koyu no atpʉtʉ ci 'tohʉngʉ ho peayofʉ.

kolinto 2 4:17

'e imza yupteilʉneni ci moc'o akameosʉ ci 'atutumio, tesi hafneni no o'ate peelʉi ta'cʉ'ha ci 'auesiesi psoevohngʉ.

pilipi 3:3

a'ʉmtʉsi, i'omo tiou no a'ʉmtʉ s'e'honga, o'as'a hin'i, ma a'to. maica ho mito boemi to piepiya to hamo ho m'ohkuyu; 'o ito etanveni zou kilisto iesu. o'ate'o bie'ocʉ nolac'o huyafi ci meesi.

kolosai 2:18

teav'a poa ti'eingneni tola mais'amo afnaso smo'eumcovhi, meeeinu ho m'ohkuyu to tensi ci cou na ntohmu yaa ci hnoo. lac'o fiho ta ma'ankʉ ta cou, aha'o na'no bobitano.

tesalonike 1 2:12

lamza poucufna muu, ao'pova muu; lamza o'te tosveni eucucufna muu, la yono h'oyunsovamu ho noa ʉm'ʉmnʉa to hamo - isi eoho'a muu ho poa tma'upu no hpʉhpʉngʉ ho psoevohngʉsi.

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

hevulu 3:1

noa epeiya ho eyoho'a to hamo ci sinto maananghia, ntemu ta'to'tohʉngva 'o iesu; 'aeno 'o ito ehohonga ta singkooto ci soskuskunu ho taisaisi.

hevulu 6:1

maicacu, mantetocu saf'uha na ahoisi ta fukuin to kilisto, mi'usnu no micu asuhcu yʉepʉngi ci singkoo ho emosuhcu. o'ateto amameoi yontac'o ahoisi ta singkoo ho bitotonʉ, mais'a 'oeno ma'susuae no kuici h'oyunsova, tmaa'uzo to hamo,

petelo 1 1:13

ko'koeno, temula ae'ayocʉ na 'tohʉngʉ, conino etngou, nala ta'usni la a'sʉftona toveineni no tasi pafeni ci mengumi ho tena aopa'to 'o iesu kilisto.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

petelo 2 1:3

ina tonʉ to hamo isicu acʉha faeni a'to na teto tititha ho mito boemi no singkoo ho yaansou; 'e mengumi eni isi ieni no bohngʉ tomo eyoho'ʉ a'to ho poa tma'upu no psoevohngʉsi ci hamo ho elʉa.

mokusi 3:21

inacu mo atpʉtʉ ci cou, te'o pafi no afnaso ci tonʉ, poa su'upu to suoca'ha'u, aʉlʉ mais'a ne mo'ucu atpʉtʉ, mi'ocu totiski su'upu to suoca'ha to amo'u maitan'e.