pilipi 3:12 - buacou seiso no faeva esvʉtʉ

¹² o'aos'o yainca mi'ocus'a peihcʉ'ho, hocieno yainca cu a'sʉftonʉ. la'u a'cʉ'cʉnʉ peayofʉ, conino 'ucia elʉa 'o hnoo ic'o; a'ʉmtʉsi, akoeva no poa ehcʉ'ho ta oso'o mituhci. 'o kilisto iesu isicu auevahe elʉa a'o.

pilipi 3:12 Iomraidhean Croise

matai 5:48

temula a'sʉftonʉ, aʉlʉ mais'a 'o amomu pepe na hia a'sʉftonʉa.>

sitoo 9:15

isi mi'usni to nooe'oca ho yainca:

looma 8:39

ne pepe, ne moumsʉ'eonʉ; ta 'aymona ta ohola afu'a teyai ci mouhpʉhpʉngʉ, uk'a ci conci hi'hioa te meelʉ tohesi no ohsi ieni to nooe'oca kilisto iesu ho faeni a'to to hamo ci himngonghi.

kolinto 1 13:10

at'inghi, hotena cmʉ'ho 'omo noemʉhʉ, 'emo yaa nosvʉti tenac'u aapayo'ʉ.

kolinto 1 13:12

'e ito aiti maitan'e mo mais'ac'on'a ongko ta huo'ongka, o'a isi husansana, ho noana'o tenala yupa mimi'usnu hocu husansana. maitan'e o'amocu mo a'sʉftonʉ na hia'u bohngʉ to hamo, ho noana'o tenala a'sʉftonʉ, aʉlʉ mais'a 'o hamo ho lasi a'sʉftona honga a'o.

kolinto 1 9:24

'aimu ahtao'te cohivi, i'ola yonto toosa'va ho i'upu yupa toosa'o no mayahe ci cou, la e'vono botngonʉ, at'inghi 'ote mayo to hnoo lac'o cihi. ko'koeno, temula yaa ma'koyu no atpʉtʉ ci 'tohʉngʉ ho peayofʉ.

kolinto 2 13:9

mimza yoheoz'u mimu taso, ntemza 'aveoveoneni na eni. 'e imza 'inolineni, zou temu meelʉ yʉepʉngi ci cou.

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

ngalatea 5:17

mo'so maica 'e ma'konvosʉ ta yu'ausna mo yupa nahanga 'o seilei, yupania mi'usnu, o'te poa hioaneni 'o ntemu iachia 'ucia hioa.

'epeso 1:4

auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

pilipi 1:1

na a'o - poolo ho i'e temote zou soskuskunu to kilisto iesu. temia tmopsʉ ta tengami ho faeni ta mimu yone fuilipi ci afu'u 'o'oko to hamo, 'ai'oeno 'omo tma'usnu to kilisto iesu ci sinto, ho i'o masoso'ehti ho itola matoto'usnu ta kiokai ci haah'o.

pilipi 3:16

'upena hoci mainenu, teto ieni to lato asonghoza fihi ci h'ofiha ho emosuhcu.

pilipi 3:3

a'ʉmtʉsi, i'omo tiou no a'ʉmtʉ s'e'honga, o'as'a hin'i, ma a'to. maica ho mito boemi to piepiya to hamo ho m'ohkuyu; 'o ito etanveni zou kilisto iesu. o'ate'o bie'ocʉ nolac'o huyafi ci meesi.

pilipi 3:8

o'amo anouc'o maica, os'o h'unasa hukokoakuzoa 'e acʉcʉhʉ ci hi'hioa, maica ho os'o angongohia ho mi'o bohngʉ to nooe'oca kilisto iesu. nomio to kilisto, os'o ciha 'e acʉcʉhʉ, ho ta'upa no pucu, te'o 'uciahe elʉa 'o kilisto.

tesalonike 1 5:15

la bumemealʉ, 'otes'ala boemi no kuzo ho auski no kuzo, la asngʉcʉ yupa smo'eʉt'ʉt'ʉcʉ, ta'to'tohʉngveni no te koa ʉmnʉ na mocmo ci cou.

tesalonike 2 2:13

ngohia to nooe'oca ci maanat'ohaesa, ntemza anana'va asngʉcva 'aveoveoneni to hamo na muu; maica ho isi epeiya to hamo na muu, ieni to cofkoya ci lasi hioa to seilei ho i'olamu hia mi'usnu to so'emio ci singkoo, poa auyu elʉ no to'usnu muu.

temote 1 5:10

a'vinano asansano yaa popeislʉlʉ ci ongko, maihoci: meemealʉ aʉt'ʉcʉ no 'o'oko, aʉt'ʉt'ʉcʉ no la i'mocovhi, tocaphʉ to sinto, ec'ʉ ho to'usnu tola akokameosʉ 'atutumzo, pnanfi na tonʉ ho peismi tomo mav'ov'o ʉmnʉ ci hi'hioa.

temote 1 6:19

maicac'o, ihecu a'pʉ'pʉneni no yupasʉ 'e iachi, p'eac'eni no bʉʉlʉlʉ ci te i'tohungvi ho noana'o, peelʉi tʉyʉca na nsou, 'ai'oeno a'ʉmtʉ nsou.

hevulu 12:14

la asno'zonʉ nananghinghia to cou, mino mo socofkoya ci h'oyunsova; hoci uk'a socofkoya ci h'oyunsova uk'ana ci cou cite teolʉ to nooe'oca.

hevulu 12:23

mimu esmi ta 'oyona yu'eteuyunu 'aveoveoyʉ to pehoza ci 'o'oko to hamo, 'o ongko tamo maica ci mapepehoza isicu acʉha tposi ne pepe. mimu esmi ta tuhcu tola yʉsvʉtʉ ta yatatiskova ci hamo, esmi to micu a'sʉftonʉ ehcʉ'ho to moulʉlʉ ci piepiya.

yakovu 3:2

lato asngʉcʉ peis'epo. inala yono e'e ho o'te mat'epo micu a'sʉftonʉ ci cou; isicu peelʉi aucunva atʉkca 'e iachi.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.