pilipi 2:2 - buacou seiso no faeva esvʉtʉ

² hoci panocu, te'o m'ene muu, temu la yaa hmʉskʉ cite mituhci, totiski ci himngonghi, totiski ci himcocoveoi, ho hmʉskʉ cila hia ma'to'tohʉngʉ, poa ngangcʉngcʉ na kokaekaebʉ'u.

pilipi 2:2 Iomraidhean Croise

yohane 3:29

nate mayo no mamespingi 'aeno 'o hahocngʉ; na nanghia to hahocngʉ la bi'upu ho talʉi, ho tasicu talʉi na fihngau to hahocngʉ tena 'aveoveoyʉ ho kokaekaebʉ. totiski mi'ocu elʉ ta a'sʉftonʉ ci kokaekabʉ.

sitoo 1:14

la asngʉcʉ noteuyunu ho toehungu 'inoli; to taicohe panto piyo ci maamespingi ho i'o ino to iesu ci maliya, ho i'o nanat'ot'ohaesa to iesu.

sitoo 2:1

conosi hie nemo homeyaya, mo yu'eteuyunu tomo conci 'oyona 'o sinto.

sitoo 2:46

mo tohmʉskʉ 'o 'tohʉngʉhe, huhucmasi yu'eteuyunu to seiten, tenan'a apopaevai to macocono emoo ho toehungu eabobonʉ, boemi no 'aveoveoyʉ cofkoya ci 'tohʉngʉ ho toehungu bonʉ.

sitoo 5:12

'o masisitoo mo yonta 'ayumona tamo botngonʉ ho man'i 'o ihe hioa ci po'e ho taunona'vʉ ci hi'hioa; 'o afu'u sinto acʉhʉ tohmʉskʉ 'o 'tohʉngʉhe ho yu'eteuyunu to hocnguha solomong.

looma 12:16

'upena hoci mi'usnu nomo mainenu ci cou, la cono 'tohʉngʉ ho yupa maecingi. 'otela bobitano na 'tohʉngʉ, la euteozuc'o tola huaceaci; maezo 'otela ma'unano mo iachi mau'to'tohʉngʉ.

kolinto 1 1:10

maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

kolinto 2 13:11

atavei, maanat'ohaesa, huvahi'sio. temula asno'zonʉ yʉepʉngi ci cou. tiova 'e hia'u poucufnu; la acʉhʉ conci 'tohʉngʉ, nananghinghia noteuyunu. tesi'sola asngʉcva no'upi tola mofi to himngonghi ho soanono ci hamo na muu!

kolinto 2 2:3

ko'koeno, ne o'u tposi 'o tengami ic'o ho faeni muu, os'o yose'vi ho tena'u uso muu, i'ontoho poa kaebʉ a'o ci cou nama apuya poa nac'o a'o. os'o yaeza ta'sansana, na kaebʉ'u 'aeno maezo toehungu kaebʉmu.

kolinto 2 7:7

o'amo anouc'o uhtan'e, mion'a mi'usnu a'mi ho eʉsvʉta na hiasi i'mi muu ho mayo no poucufnu, ho ina lamu hia tongsoya hocimu ahta aiti a'o, mainenu nala hia nac'o, ho ina hiamu eto'usni a'o; acʉcʉhʉ eni isi h'unano topuhngi na hia'u kokaekaebʉ.

pilipi 1:4

cono hola'u 'inolineni muu la'u asngʉcʉ yaa kokaekaebʉ ci 'tohʉngʉ;

pilipi 2:16

noyʉci 'e ceonʉ no nsou. hoci maica na temu hioa, to hiesi no i'vaho cmʉ'ho 'o kilisto, panote'ocu peelʉi etanveni, maica na eni tec'u peelʉi soomei na acʉcʉhʉ ci nia ngoseo'u o'amo peis'afeungu.

pilipi 2:20

zouc'o taini 'omo tohmʉskʉ ta 'tohʉngʉ'u, a'vinano i'mi no a'ʉmtʉ 'tohʉngʉ ho ta'ngongohia muu ci cou.

pilipi 4:2

nat'ohaesa ci yo'ate ho sintuki, te'o cucufni muu la no'ayumonʉ to nooe'oca ho tohmʉskʉ na 'tohʉngʉ.

kolosai 2:5

e'vono o'a mo no'upu muu 'e feango'u, at'inghi co 'tohʉngʉ'u la asngʉcʉ no'upu muu. mi'o na'no kaebʉ, peelʉi aiti ho lamu meot'ʉt'ʉcʉ, a'vinano namo mi'usnu to kilisto ci singkoo micu yaa mahtʉicʉ ci io'tohungva.

tesalonike 2 2:13

ngohia to nooe'oca ci maanat'ohaesa, ntemza anana'va asngʉcva 'aveoveoneni to hamo na muu; maica ho isi epeiya to hamo na muu, ieni to cofkoya ci lasi hioa to seilei ho i'olamu hia mi'usnu to so'emio ci singkoo, poa auyu elʉ no to'usnu muu.

temote 2 1:4

cono hola'u talʉa 'o esʉʉsu ne tetocu yupepeevai, ta'ucu na'na 'ucia aupcieva aiti suu. hoci'u aiti suu; te'o ahtuo'te a'sʉftonʉ kokaekaebʉ.

fuilimong 1:20

ko'koeno, ohaeva, nomio to nooe'oca, teko'so teomneni 'e os'o p'enza suu, ko'ko ma'eʉpngʉ co la'u ecvʉhneni ta 'tohʉngʉ'u! zou acʉhʉ nat'ohaesa to 'ayumona to kilisto na a'to.

yohane 2 1:4

mi'o na'no kaebʉ, maica os'o cohivi, ta 'ayumona ta 'o'okosu pantomo mee'ofeihni to mashʉyʉ to amopepe. yunsou to 'ayumona to so'emio.

yohane 3 1:4

uk'a ci mocmo ci hi'hioa nante tmakakaebʉhe ho os'o tac'ʉhi na 'o'oko'u hola acʉhʉ yunsou no 'ayumona to so'emio.