pilipi 1:9 - buacou seiso no faeva esvʉtʉ

⁹ i'o la'u 'inolineni muu: ina himngonghimu te fiho no a'ʉmtʉ mau'to'tohʉngʉ ho ino bocbochio ho acʉhʉ ohsuhcu,

pilipi 1:9 Iomraidhean Croise

kolinto 1 14:20

maanat'ohaesa, ta 'to'tohʉngʉmu 'ote mais'a oko; tamo kuzo ci hi'hioa temula mais'a foinana. tela poa yʉepʉngi na 'tohʉngʉmu.

kolinto 2 8:7

'upena na singkoo, hia aomotʉ'ʉ, mau'to'tohʉngʉ, smoekaebʉ to'usnu no mocmo, ho ina hia mi'usnu a'mi ci himngonghi, mimu a'ʉmtʉ na'no atngaso, os'o tata'ia no temula yonta mo maica ci ʉmnʉ ci hi'hioa ho afnaso mealʉ.

'epeso 5:17

i'mi tan'e, 'otela moma'payo'ʉ ci cou, la cohivi zou cuma na 'tohʉngʉ to nooe'oca.

kolosai 1:9

i'mi tan'e, ahoi ne omzacu tac'ʉhi na a'a'ausnamu, lamza o'te tosveni 'inolineni muu, m'eya tonʉ to hamo poa'so i'mi no seilei ho mayo no mav'ov'o ci moutʉs'ʉ ho bocbochio, peelʉi a'sʉftona honga na 'tohʉngʉsi.

kolosai 3:10

aʉe no faeva ci a'o. 'e faeva ci a'o, isi ieni no iachisi mi'ausnasi to moso mooyai ci hamo ho ausuhca poa yufafaeva, meelʉ a'sʉftonʉ bohngʉ to hamo.

tesalonike 1 3:12

tesi'sola poa yaa 'tohʉngʉ no yupa himngonghi ho yaa 'tohʉngʉ no ngohia 'e yatatiskova, a'vinano huhucmasi yusuhci, totiski ho lamza ma'cucuveu ho ngohia muu.

tesalonike 1 4:1

ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.

tesalonike 2 1:3

maanat'ohaesa, mantemza asngʉcva 'aveoveoneni to hamo na muu. 'aeno a'ʉmtʉ; maica homo meoino asuhcu na singkoomu, na yupa himngonghi ci 'tohʉngʉ mo maezo meoino apuhngu.

fuilimong 1:6

la'u m'ene to hamo peelʉi ieni to cono taucunu ci totiski singkoo, asuhca amsʉ'eona ta'hongi na afu'u ʉmnʉsi ho mito yuecnguhu to kilisto.

hevulu 5:14

hoci i'eivheni ho yainca, i'omicu yʉepʉngi ci cou na tec'u ov'ohʉ no naveu. micu yaa atngaso ci ohola sucaefiza, meelʉ bohngʉ nomo ʉmnʉ ho kuzo.

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.