pilipi 1:7 - buacou seiso no faeva esvʉtʉ

⁷ la acʉhʉ asngʉcʉ yonta 'tohʉngʉ'u na muu! 'ate'oeno anana'va asngʉcva taaecingia muu; maica, 'upena ho mi'o yonta poo'usna maitan'e, hocieno ne mo'un'a meelʉ ziu ho ehcʉvheni 'e fukuin ho 'akasi, mimucu acʉhʉ tma'upu no isi pafeni a'o to hamo ci afnaso ci tonʉ.

pilipi 1:7 Iomraidhean Croise

sitoo 20:23

os'oc'o cohivi, yonto mahohosa isi pas'ofeihna to seilei a'o, panto poo'usna ho 'atutumzo mo mooteo a'o.

sitoo 21:33

isicu tʉtpʉta to eahafo 'o poolo, skuna 'o heetai ho seo'eisi to mehaeso ci ekʉka. isi tuocosi:

kolinto 1 13:7

'e himngonghi lasi paiemʉhi 'e acʉcʉhʉ, la yaa singkoo ta acʉcʉhʉ, la yaa ta'usni ta acʉcʉhʉ, peelʉi uveica 'e acʉcʉhʉ.

kolinto 1 9:23

mi'o nomio ta fukuin ho hioa 'emo maica ci hi'hioa, na atuhcusi te'o 'ucia poa tma'upu no ʉmnʉsi ta fukuin 'e cou.

kolinto 2 3:2

na muu 'aeno tposʉ mia, isi tposi ta 'tohʉngʉmza, ho poa cohivneni no mocmo, poa engheni no mocmo.

kolinto 2 7:3

homo maica co e'e'u, o'a os'o koica muu. o'ucula yainca, lea mainenu na lamza hia ngohia muu; temza kaebʉ hocito toehungu yaansou ho toehungu mcoi.

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

'epeso 3:1

i'mi tan'e, 'e mi'o nomio ta couyafana ci muu ho holeo to kilisto iesu ci poolo. te'o mi'usnu to hamo ho 'inolineni muu.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 6:20

mi'o e'vono mahafo ta ekʉka, mi'o nomio ta fukuin ho afnaso ci soskuskunu. temu 'inoli to nooe'oca ho pafi no 'ʉteʉ a'o ho engha na nte'o anana'va engha ci e'e.

pilipi 1:12

maanat'ohaesa, te'o poa cohivneni muu, i'e os'o elʉa isi apuya to'usni ho ohsuhcu 'e fukuin.

pilipi 1:13

to ataveisi, acʉcʉhʉ 'o makekengsacu ta lasi yoni to honte, ho i'o afu'u yatan'e, mo acʉhʉ bochio ho mi'o nomio to kilisto ho noa poekotva.

pilipi 1:14

ho mi'o noekotu, nama mo asuhcu yaa singkoo to nooe'oca 'omo botngonʉ ci sinto, asuhcu 'ʉteʉ, o'amo ake'i ma'sasmoyo ho psoyaska 'o e'e to hamo.

pilipi 1:5

maica ahoi to ahoisi ac'ʉhʉ maitan'e. to hi'hioa no psoyaski ta fukuin lamu asngʉcva to'to'usni a'o.

pilipi 2:22

at'inghi 'o lasi hia mi'usnu to cou to temote, leamu na'na asansana, ina natʉ'camia la mais'a natʉ'ca no na'vama, nomio to hi'hioa ta fukuin ho i'upu peisngongoseo.

pilipi 4:14

at'inghi, ho la'u 'atutumio, lamu to'usni a'o, te'o a'ʉmtʉ 'aveoveoyʉ.

pilipi 4:15

imu acʉha cohivi ta coufuilipi, ne o'un'a ahoza psoyaska 'e fukuin, mo'u mongoi ne makitong; ne mio i'oc'o kiokaimu 'o moso to'usnu a'o, tma'upu ta ngoseo ho kaebʉ'u.

pilipi 4:3

'o meot'ʉcʉ ci 'oahngʉ'u, te'o maezo m'ene suu ho to'usni 'emo yoso; maica'sio mihin'i yontala hi'hioa ta fukuin ho fiho a'o, ho i'e kolimen, ho ito mocmo cila toetoehungu yaahioa ho i'upu ngoseo; 'o ongko tamo maica ci cou isicu acʉha tposi to tposʉ no nsou to hamo.

kolosai 4:18

te'o iachi boemi ta emucu'u ho tposi: teav'a ta'payo'a isin'a seo'eisi ta ekʉka a'o. pafi'sio no mengumi to hamo na muu!

kolosai 4:3

la yaeza 'inolineni a'mi, p'enzeni to hamo ho pafi no 'oc'ocic'o ci hie ho psoyaska 'e fukuin, ko'ko peelʉi psoecocoya 'e moumsʉ'eonʉ to kilisto. maitan'e mi'o nomio tan'e ho noekotu.

tesalonike 1 5:5

zou cou tiskova muu, mo tma'usnu ta hie. o'amito tma'usnu no feʉngna, o'a mo yunsou no 'ayumona no voecʉvcʉ.

temote 2 1:8

i'mi tan'e, 'atekos'a ta'unano isi h'oinveni ci hi'hioa ho teko 'akasi 'o nooe'oca, yaeza teav'a h'oinveni ho mi'o nomio to nooe'oca ho noekotu. teko maino isi faeni to hamo ci tonʉ, nomio ta fukuin ho e'to'usnu no 'atutumio.

temote 2 2:9

mi'o i'mi no psoyaska 'e fukuin eni ho tiou ta 'atutumio, ac'ʉha no noa seo'eisi, totiski tomo yaa kuisi, at'inghi, na e'e to hamo o'ate peelʉi seo'eisi.

fuilimong 1:13

o'u yainca no 'tohʉngʉ'u 'ucia sohcia, ho mi'on'a seolʉa no nomio to fukuin ho noekotu poa meʉe no nteko hia aʉt'ʉcʉ a'o;

hevulu 3:1

noa epeiya ho eyoho'a to hamo ci sinto maananghia, ntemu ta'to'tohʉngva 'o iesu; 'aeno 'o ito ehohonga ta singkooto ci soskuskunu ho taisaisi.

petelo 1 4:13

mantemu kokaekaebʉ ho mimu e'to'usnu to 'atutumio to kilisto, teeno a'sʉftonʉ kokaekaebʉ ho tac'u aopa'to na psoevohngʉsi.

petelo 1 5:1

te'o ieni ta ongko no'u coolo ho mi'usnu ta mimu maezo coolo ci haah'o ho noa 'tohʉngʉ. na a'o la'u 'akasi 'o 'atutumzo to kilisto ci cou, tma'upu to tenala epa'teni ci psoevohngʉ ho noana'o. te'o m'em'ene muu,

petelo 2 1:13

os'o yainca no koyu'u, hocin'a mako conohie na te'o hia yunsoua, nte'o asngʉcva to'usni muu ho poa talʉaneni 'e hi'hioa eni.

yohane 1 3:14

ito cohivi mitocu yuyafo no mcoi hocu yaansoua; ho ito ko'ko cohivi 'aitoeno'so ngohia 'e nanat'ot'ohaesato. i'ola uk'a himngonghi, mioc'on'a asngʉcʉ noskufu no tonʉ no mcoi.