pilipi 1:20 - buacou seiso no faeva esvʉtʉ

²⁰ i'ela'u atva'esa tongsoya ho ta'usni: o'ate'o yuszozʉ no te'o anana'va sviei ci hi'hioa, apuyu conino, aavaho ta maitan'e la a'sʉftonʉ yaa 'ʉteʉ, 'upena hoci mcoi ho yaansoua, boemi ta aucunu ci a'o ho psoevohngʉ to kilisto.

pilipi 1:20 Iomraidhean Croise

yohane 21:19

('e e'e to iesu isi pahsansana tena mainenu na tasi hia mcoi to petelo, ho psoevohngʉ to hamo.) ecnguhu, isi ivaha mi'usni to iesu ho yainca:

sitoo 20:24

at'inghi, os'oeno nama ngohia 'e nsou'u, os'o anga 'ucia peihcʉ'hi 'e te'o hioa, aepʉnga 'e isi toveineni a'o to iesu ci hioa, 'aeno 'akasi 'o yaa mengumi ci fukuin to hamo.

sitoo 21:13

at'inghi, isi yainca:

sitoo 4:31

cu aepʉngʉ 'inoli, mo tmaot'ou 'o ihe yoni noteuyunu. isi acʉha nongcʉngci to seilei, ahoicu 'ʉteʉ ho psoyaski to e'e to hamo.

looma 12:1

ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu.

looma 5:5

'e ta'usni eni o'ate ahtu 'afeungu; maica 'o hamo isi ieni to isi pafeni a'to ci seilei, isicu cohmeni ta 'tohʉngʉto na himngonghisi.

looma 6:13

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

looma 6:19

os'o sokoeva no temu ngoveoa ta'hongi co 'tohʉngʉ'u, ko'ko mi'o boemi ta tec'o lua ta'hongi ci epo'usa ho mi'usni muu ho engha. ne auyusi, ohmula poa 'aʉnpʉnpʉ si iachimu feango, popeiskuzkuzo, noa soskuskunu no kuisi. maitan'e temucu aucunva sʉ'teni si feangomu ho youcunveni, noa soskuskunu no moulʉlʉ, meelʉcu 'otitha no socofkoya.

looma 8:19

acʉcʉhʉ 'e ohola teyai mo acʉhʉ tongsoyʉ no mingeou to psoevohngʉ to hamo hoci i'mi ta mao'o'okosi ho epa'teni.

looma 9:33

mais'a 'o isi yainca to seiso: aiti! te'o sii tate ekosi ci fatu 'e sii'an, 'aeno tehela ekosi ci fatu! at'inghi, inala tmanoe'ocʉ ci cou o'ate ma'papayo'ʉ.

kolinto 1 15:31

maanat'ohaesa, la'u huhucmasi mi'usnu no mcoi! te'o seecʉ'ha yainca, 'amoeno'so maica ho mito asngʉcʉ no'ayumonʉ to nsou to nooe'ocato ci kilisto iesu, la'u i'mizi no etanveni muu.

kolinto 1 6:20

maica ho isi psuepzi phini na muu. ko'koeno, temula boemi ta feangomu ho psoevohngʉ to hamo.

kolinto 1 7:34

ahtuo'te ma'paevai. i'omo uk'a na vcongʉ ho i'omo o'te mevcongʉ ci mamespingi lasi siyahe no 'tohʉngʉ nala hi'hioa to nooe'oca, maica lahe ʉmnʉa sʉ'teni 'o feango ho i'o piepiyahe. 'o micu mevcongʉ ci mamespingi la siyahe no 'tohʉngʉ 'ela hi'hioa ta hpʉhpʉngʉ, maica ho la mici noa ʉm'ʉmnʉa to hahocngʉ.

kolinto 2 10:8

i'o isi pafeni a'mi to nooe'oca ci tonʉ mate p'eʉlʉlʉa muu, o'ates'a pouc'ʉc'a muu; ko'koeno, 'upena hoci'u ake'a etanveni 'e tonʉ eni, yaeza o'ate'o nama h'oinveni.

kolinto 2 3:12

maica ho mimza yaa maica ci ta'usni, mimza yaa uk'a noc'ʉhi ci 'ʉteʉ.

kolinto 2 4:10

'ete kuzo ci feangomia la asngʉcva hafa 'o mcoi to iesu, akoeva no yaeza poa husansaneni ta feangomia na nsou to iesu.

kolinto 2 5:15

ho isi mcoineni 'emo botngonʉ, tesi akoeva no poa o'tec'o nomio no iachi 'e mon'a yaansou ci cou ho yaansoua, mate nomio to moso nomio a'to ho mcoi ho smoevovei ci kilisto ho yaansoua.

kolinto 2 7:14

o'ula mi'usneni to tito ho emomoengʉa muu, o'a imu poa ma'kokoe'i a'o. lamza conino eʉlʉ ho lamza mi'usnu muu; totiski, 'o imza mi'usneni to tito ho emomoengʉa muu ci e'e. yaeza asansana ho mio emzo.

kolinto 2 7:4

os'o asansana taa'uzva muu, a'sʉftona emomoengʉa muu. yontomo mav'ov'o ci 'atutumzo, mi'o a'sʉftonʉ noa ao'pou, nongcʉngci no kokaekaebʉ.

pilipi 1:14

ho mi'o noekotu, nama mo asuhcu yaa singkoo to nooe'oca 'omo botngonʉ ci sinto, asuhcu 'ʉteʉ, o'amo ake'i ma'sasmoyo ho psoyaska 'o e'e to hamo.

pilipi 2:17

'upenaeno te'o boemi ta hmuyu'u ho sʉ'teni, sahuneni ta imu yomza no singkoo ho sʉ'teni to hamo ci sʉ'ta, te'oc'o kaebʉ, a'vinano poa tma'upu no kaebʉ'u na muu.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

tesalonike 1 5:23

i'ola mofi a'to to soanono ci hamo tesi'sola poa a'sʉftonʉ cofkoya muu! tesi'sola aʉt'ʉca na piepiya, hzoo, ho feangomu, ho tac'u i'vaho cmʉ'ho 'o nooe'oca iesu kilisto meelʉ h'aucucunu!

petelo 1 4:16

hoci i'mi no mio'so tmaa'uzo to kilisto ho tiou no 'atutumio, o'ate ma'kokoe'i, mate i'mi ho osko sikuhca 'o ongko to kilisto ho psoevohngʉ to hamo.

yohane 1 2:28

'aeno zou, mao'o'oko, temula yaansou to 'ayumona to nsousi; maicac'o. ho tac'u hiesi no yuovei ho aopa'to 'o kilisto, tetocu meelʉ tobohtʉ o'te ma'sasmoyo, o'ate nama totoefʉngʉ.