petelo 1 5:12 - buacou seiso no faeva esvʉtʉ

¹² yonto hia to'usnu to meot'ʉt'ʉcʉ ci siila, mi'o tmopsʉ ta moc'o nanʉhtʉ ci tengami ho faeni muu. te'o poucufna muu, a'vinano 'akasi 'o mou'ʉmtʉ ci mengumi to hamo. temula yonta mengumi tan'e ho bʉʉlʉlʉ o'te aot'ou.

petelo 1 5:12 Iomraidhean Croise

yohane 21:21

isi teolʉi to petelo, cu tuocosi 'o iesu:

sitoo 11:23

ne micu sʉc'ʉhʉ 'o panapa, aiti ho isi fii no ʉm'ʉmnʉ to hamo 'o yane'e, cu na'no kaebʉ; isi eucucufna, poa acʉhʉ conci 'tohʉngʉ ho tmanoe'ocʉ to nooe'oca.

sitoo 15:22

tuhcusi tan'e, 'o sitoo ho macocoolo ho i'o acʉcʉhʉ ci kiokai esvʉta no epei note tovei, skuna ho poa fiho to poolo ho panapa ho uhne 'antia. ihe epeiya 'o lahe tos'ongki no pasapa ci yuta ho i'o siila. 'emo yoso eni la anana'va toehunga einva to masisinto.

sitoo 20:24

at'inghi, os'oeno nama ngohia 'e nsou'u, os'o anga 'ucia peihcʉ'hi 'e te'o hioa, aepʉnga 'e isi toveineni a'o to iesu ci hioa, 'aeno 'akasi 'o yaa mengumi ci fukuin to hamo.

looma 5:2

ieni no tmaa'uzo, isicu poa yaansou no 'ayumona no mengumi to hamo na a'to, i'mi tan'e mito kokaekaebʉ ho yaa ta'usni no tma'upu no psoevohngʉ to hamo!

kolinto 1 15:1

maanat'ohaesa, temusola talʉa 'o o'ula psoecʉ'ha muu ci fukuin; 'e fukuin eni imucu tiova, a'vinano teyai totnguca to singkoomu.

kolinto 2 1:19

maica i'o imza toehunga 'o siila ho temote ho i'o os'o psoecʉ'ha muu ci oko to hamo iesu kilisto o'amos'a zou tena o'a. apuyu. 'o kilisto 'ac'oeno to hamo.

kolinto 2 1:24

o'aimzas'a pashʉi muu ho yainca cuma na temu taa'uzva, maica ho mimucu bʉʉlʉlʉ ta singkoo. imza apuya tata'za hocito toetoehungu yaahioa, akoeva no poa yaa 'aveoveoyʉ muu.

'epeso 3:3

isi paavi a'o, poa cohivneni a'o na moumsʉ'eonʉsi. (o'ucula ake'a tposi 'e moumsʉ'eonʉ eni;

'epeso 6:21

'o tuiciku tasi acʉcʉha eʉsvʉta muu na hi'hioa'u. poa cohivneni muu 'e a'a'ausna'u, na taini lamza ngohia, a'vinano la meot'ʉt'ʉcʉ ho fifiho to nooe'oca ci nat'ohaesa.

kolosai 1:7

mimu i'mi to sonanghia'u ci 'ipafu ho momaemaezo ta fukuin tan'e; mo nomzo a'mi ho meot'ʉcʉ ci soskuskunu to kilisto.

kolosai 4:7

na acʉcʉhʉ ci a'a'ausna'u ho mi'o yontan'e, 'o songohia ci tuiciku tenasi mi'usneni muu ho esansana eʉsvʉsvʉta. zou a'ʉmtʉs'a meot'ʉt'ʉcʉ ci soskuskunu, tala hioa ta fifiho to nooe'oca mimza iepoepohʉ soskuskunu.

kolosai 4:9

mo to'ofeihni 'o cihi cimo maezo meot'ʉt'ʉcʉ ci 'anisimo; zou yata lamu yoni ci cou. tahe acʉha eʉsvʉta tamo yoso 'e hi'hioa tan'e.

tesalonike 1 1:1

zou poolo a'o; mimza toehungu 'e siila ho i'e temote tmopsʉ ta tengami ho pa'i'usna ta kiokai ta tesalonike - tomo tma'usnu to amohamo ho ito nooe'oca iesu kilisto ci masisinto. temu'sola acʉhʉ elʉ no mengumi ho soanono!

tesalonike 2 1:1

zou poolo a'o; mimza toehungu 'e siila ho temote ho tengami ta kiokai ta tesalonike - tamo tma'usnu to amohamo ho nooe'oca iesu kilisto ci sinto.

hevulu 13:22

maanat'ohaesa'u, temu'so uveica tiova 'e e'e no'u poucufnu; o'aos'o nama poa tacvoh'i 'e hia tmopsʉ ta tengami.

petelo 1 1:13

ko'koeno, temula ae'ayocʉ na 'tohʉngʉ, conino etngou, nala ta'usni la a'sʉftona toveineni no tasi pafeni ci mengumi ho tena aopa'to 'o iesu kilisto.

petelo 1 4:10

'e macicihi ho mioeno acʉhʉ yaa mav'ov'o ci mengumi ho ʉmnʉ ci le'aʉt'ʉcʉ emoo to hamo, 'atelaeno maino imu tiova to hamo ci mav'ov'o ci mengumi ho yupa fifiho.

petelo 2 1:12

i'mi tan'e, imu e'vonocu cohivi na eni, a'vinano bʉʉlʉlʉcu ta imu tiova ci so'emio, te'oc'on'a a'cʉ'cʉna o'te tosveni poutʉs'ʉa na muu.

petelo 2 2:15

la mongoi to atuhcu ceonʉ, emo'usnu tomo emopeu, mo smai'ofeihni to ceonʉ to palan ci oko to pielu. 'o palan 'aeno 'omo ma'konvosʉ to ca'i ci yupasʉ,

yohane 3 1:12

la toehunga emomoengʉa 'o timitho. isi 'akasineni to so'emio; temza yaeza 'akasineni. osko cohivi 'e imza engha ci e'e mo emzo.

yuta 1:3

ngohia ci maananghia, la'u conino mici tengami muu ho yue'engha 'emo yaa natʉ'ca to to'usnu a'to ci a'a'ausna, at'inghi os'o yainca no koyu'u nte ʉmnʉ hoci'u aupcieva mi'usni muu ho eucufna, poa a'cʉ'cʉnʉ nomio to isic'o i'nʉska aucunva pa'cohivneni ta masisinto to hamo ci singkoo ho ehtothomʉ.