petelo 1 2:5 - buacou seiso no faeva esvʉtʉ

⁵ temula maezo mais'a yaansou ci fatu, titha m'eac'ʉ nomo tma'usnu no piepiya ci seiten, yonto ic'o ho socofkoya ci saisi, ieni to iesu kilisto ho sʉ'teni ci isi ʉmnʉa to hamo cimo no'usnu no piepiya ci sʉ'ta.

petelo 1 2:5 Iomraidhean Croise

looma 12:1

ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu.

looma 15:16

poa meelʉ soskuskunu to kilisto iesu, yonta taico ta couyafana ho yaahioa. mi'o mais'a saisi ho epeaska 'o fukuin to hamo, akoeva no teyai sʉ'ta to seilei 'o couyafana ho sʉ'teni to hamo, lasi tiova ho ʉm'ʉmnʉa to hamo.

kolinto 1 3:16

'atemu ahtao'te cohivi, na muu zou seiten to hamo, na piepiya to hamo mo no'ayumonʉ muu.

kolinto 1 3:9

lasi toehungneni yaahioa to hamo a'mi; zou ezoezoyʉ to hamo na muu. isi yaeza p'eyac'a to hamo ci emoo na muu.

kolinto 1 6:19

o'a imueno cohivi 'e feangomu zou emoo to seilei? 'e seilei eni mo yonta 'ayumonamu, isi pafeni to hamo. o'amimu tma'usnu ta iachi, mamo tma'usnu to hamo,

kolinto 2 6:16

'o seiten to hamo ho uacoua teeno meelʉ biepohʉ yac'ʉ? zou seiten to no'auesiesi ci hamo a'to. aʉlʉ mais'a 'o e'e to hamo: te'o no'upu ta 'o'oko'u, yuavovei ta 'ayumonahe. tehe hamo ta 'o'oko'u; te'o ta'okoa na hin'i.

ngalatea 6:10

i'mi tan'e, 'upena ho homna, hoci ake'i meemeelʉ la hioa nate koa ʉmnʉ tamo botngonʉ, mi'usnu tamo cono singkoo ci cou nte h'unano maica na te hioa.

pilipi 1:11

na h'oyunsovamu te nongcʉngcʉ na isi ieni to iesu kilisto ho yayo ci beahci no moulʉlʉ, ho psoevohngʉ tohmomoengʉ to hamo.

pilipi 2:17

'upenaeno te'o boemi ta hmuyu'u ho sʉ'teni, sahuneni ta imu yomza no singkoo ho sʉ'teni to hamo ci sʉ'ta, te'oc'o kaebʉ, a'vinano poa tma'upu no kaebʉ'u na muu.

pilipi 4:18

'aeno eni 'ete huomza ta imu faeni a'o; i'e imu taha'veni a'o mo asa'ohe to la'u tititha. 'o 'ipafoti isi pahcʉ'ha 'e imu faeni a'o cimo atngaso ci teonghia, aʉlʉ mais'a meaemo'ʉ ci namusngau, isi ʉm'ʉmnʉa to hamo ci sʉ'ta.

kolosai 3:17

'upena hoci cuma nala hioa, cuma nala e'e, temula aa'pucu boemi to ongko to kilisto, ieni to kilisto ho 'aveoveoyʉ to hamo.

temote 1 3:15

hoci ma'i poha'o, 'e tengami eni tesi eʉsvʉta muu, ho lato yonta emoo to hamo ntee mainenu na teto h'oyunsova. 'e emoo eni 'aeno kiokai to no'auesiesi ci hamo, zou sʉesʉ ho totnguca ta so'emio.

hevulu 3:6

at'inghi, 'o kilisto mo boemi ta ongko nosi oko ho meot'ʉcʉ ho aʉt'ʉca 'e emoo to hamo. hocito tʉyʉca 'e ito taa'uzva ci mingeovi ho 'ʉteʉ, 'acueno 'oahngʉ to cono emoo to hamo.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

petelo 1 4:11

siya nala eʉsvʉsvʉtʉ, te eʉsvʉsvʉta 'o e'e to hamo; siya nala fifiho, te i'tohungu no isi faeni to hamo ci tonʉ ho fifiho, te ko'ko meelʉ i'mi to iesu kilisto ho psoevohngʉ to hamo 'e acʉcʉhʉ ci hi'hioa. na psoevohngʉ ho tonʉ acʉhʉ'so no'usnu to hamo, ac'ʉhʉ no 'auesiesi! 'aamen.

petelo 1 4:17

micu sʉc'ʉhʉ 'e hiesi no yʉsvʉtʉ, te aueva yʉsvʉta 'e 'o'oko ta emoo to hamo. hoci ahoi a'to na yʉsvʉta, i'omo o'te tmaa'uzo to fukuin to hamo ci cou ma tenaeno mainenu na tahe atotavei?

mokusi 1:6

isi poa saisi ta hpʉhpʉngʉsi a'to, ho fifiho to amohamo. no'usnu'sio to iesu kilisto na psoevohngʉ ho tonʉ, ac'ʉhʉ no 'auesiesi! 'aamen.

mokusi 20:6

i'oisi peelʉi ta'ayumona ta mo i'nʉskʉ smoevovei ci cou te cofkoya ho ʉm'ʉmnʉ. 'o i'vaho mcoi uk'a ci tesi tonʉ no atʉkca 'emo maica ci cou; tena saisi to hamo ho ito kilisto, te toehungu 'o kilisto ho toposifou honte.

mokusi 3:12

inamo atpʉtʉ ci cou, te'o poa sʉesʉ ta taico ta seiten to hamo; 'auesiesi o'anate ahtu mongoi. te'o peo'hongi ta feangosi na ongko no'u hamo ho i'o ongko to hosa'u to amo'u, 'ai'o tenaeno i'mi a'o ho ohpueho ci faeva ci 'elusalemu; te'o yaeza peo'hongi ta feangosi 'e faeva ci ongko'u.

mokusi 5:10

osko poa saisi ci hpʉhpʉngʉ, noa fifiho to hamo; tenala atʉkcʉ ta ceoa.