petelo 1 2:11 - buacou seiso no faeva esvʉtʉ

¹¹ songohia ci maananghia, ho mimu yonta hpʉhpʉngʉ moc'o nouchichipi, la covnʉ ci cou. te'o eucufna muu. teav'a poa 'aʉnpʉnpʉ no poc'ou si feangomu; 'emo maica ci poc'ou la conino ehtothomneni 'e piepiya.

petelo 1 2:11 Iomraidhean Croise

luka 21:34

sitoo 15:20

nteto tmopsʉ no tengami, eutotaveiya ho o'te bonʉ to ohcu titha sʉ'tʉ to uacoua ho 'oha cofkoya ci 'oanʉ, 'otela yaa smoc'ou ci peipeis'ausna, 'ote bonʉ to ohoc'o seoubcikia ci yuansou ho ito hmuyu.

sitoo 15:29

o'atemu ana 'o ohcu titha sʉ'tʉ to uacoua ci 'oanʉ; o'te bonʉ to hmuyu ho ito oho seoubcikza ci snoecavʉ; maezo o'ate yaa smoc'ou cila peipeis'ausna. hocimu peelʉi peihcʉ'hi 'emo piyo ci h'oesvʉta tec'u ʉmnʉ. temu'sola soanono!>

looma 12:1

ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu.

looma 7:23

at'inghi 'e feango'u lasi popeoskuna tomo h'unasi ci p'ofiha - 'e p'ofiha eni la ehtothomʉ 'o os'o ʉmnʉa ci p'ofiha, poa o'te meelʉ momeesih'i tomo maip'ʉcʉ a'o ci p'ofiha no kuisi; 'e p'ofiha eni la yonta feango'u ho 'afeo'fu'u.

looma 8:13

hocimu meo'uzo ta yu'ausna, 'ate ahtuo'te mcoi; hocimu noe'ocʉ to seilei ho aapayo'a na peiskuisi, 'ate ahtuo'te yaansoua.

kolinto 2 5:20

ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

ngalatea 5:24

ina mo tma'usnu to kilisto iesu ci cou. ohecu acʉha spica to zuuzika na afu'u ma'konvosʉ ci yu'ausna.

'epeso 2:19

yaica ci hia baito, 'e couyafana o'ana couyafana hocieno huhmohma ci cou; zoucu 'oahngʉ to 'o'oko to hamo na muu, zoucu 'oahngʉ ta cono emoo to hamo.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

temote 2 2:22

'ote mais'a 'o yu'fafoinana ho maemayahe ci koyu; la fihohe tola cofkoya ci 'tohʉngʉ, conino noa to'usnu to nooe'oca ho toehungu biebimi no moulʉlʉ, singkoo, himngonghi, ho moususeomʉ.

hevulu 11:13

'emo maica ci cou mo ac'ʉhʉ no mcoi ho yaa singkoo. uk'a mocu ci ihe tiova to isi teomneni to hamo; at'inghi mo i'mocvihi ho aiti, 'aveoveoyʉ 'e 'tohʉngʉ, a'vinano ta'sansana homo yonta hpʉhpʉngʉ moc'o covnʉ ho lenohi'u ci cou.

hevulu 6:9

at'inghi, songohia ci maananghia, 'upena ho isieno pat'usna yaica, imzac'on'a asngʉcva ta'sansana taa'uzva tee asuhcu ʉmnʉ na a'a'ausnamu, asuhcu nocmu'u no noa to'usni.

yakovu 4:1

ta taicomu mioeno i'mi nenu na yu'totokʉ ho youbobai? mo i'mi talamu ehtothomneni ta taicomu ci ma'konvosʉ!

petelo 1 1:1

na a'o - petelo zou sitoo to iesu kilisto. te'o tmopsʉ ta tengami ho faeni ta ohsi epeiya to hamo ci mao'o'okosi: 'omo nomio no pohtutumza ho nopeaski totoefʉngʉ ta pentu, ngalatea, kapotoke, 'azia, pituini ci masisinto.

petelo 1 1:17

holamu 'inoli, lamu yainca amo 'ola ieni no la peipeis'ausna, boemi no conci svʉta ho yʉsvʉta 'e cou ci hamo; homo maica, ta hiesi ho mimun'a nouchichipi ta hpʉhpʉngʉ ntemu einu to hamo.

petelo 1 4:12

ngohia ci maananghia, mimu esmi tamo totiski no puzu ci hʉsvʉta, teav'a yamceni, mais'a mo yupteilʉ nomo afnaso ci hi'hioa.

petelo 1 4:2

ahoi maitan'e, na ang'osʉsi no temun'a mia ci hie ta hpʉhpʉngʉ temu poa aʉt'ʉcneni no 'tohʉngʉ to hamo, teav'ana i'vaha poa atʉkceni no ma'konvosʉ ci 'tohʉngʉ ta cou.

petelo 2 3:1

songohia ci maananghia, 'e os'o tposi ci tengami maitan'e os'ocuc'o pa'ivaha. ta 'ayumona tamo yuso ci tengami, os'o conino poutʉs'ʉa muu 'emo ma'maica ci hi'hioa, poot'ova namo cofkoya ci lamu hia ma'to'tohʉngʉ.