petelo 1 1:4 - buacou seiso no faeva esvʉtʉ

⁴ ho ticngiha na ohsi teongasneni ta mao'o'oko to hamo ci ʉm'ʉmnʉ ne pepe; 'e ʉm'ʉmnʉ eni o'ate kuzo, o'ate ca'i, o'ate toapayo'ʉ,

petelo 1 1:4 Iomraidhean Croise

matai 25:34

ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.

maluko 10:17

moc'on'a aʉlʉ e'ohʉ 'o iesu, panto cihi ci cou mo smo'usnu, top'ungu to tuhcu to iesu, tuocosi:

sitoo 20:32

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

looma 8:17

ho zoueno 'o'oko to hamo, tetocu tma'upu no ohsila ayocneni to 'o'oko to hamo ci ʉm'ʉmnʉ, maezo tma'upu no ohsi songacveni to kilisto; maica, hocito mako e'paevai no 'atutumzo to kilisto, tetocu maezo tma'upu no psoevohngʉsi.

kolinto 1 9:25

'emo macicihi cite i'upu toosa'o la tiou tomo afnaso ci aʉsvʉsvʉtʉ, la akoyu no mayo to teec'on'a kuzo ci tafange; at'inghi 'o ito 'ucia 'aanana'veni zou i'o o'ate kuzo ci tafange.

ngalatea 3:18

hoci isi ieni no hoolicu ho pafi no ezoezoyʉ to hamo, o'anate noe'ocʉ no ohsi teomneni; at'inghi, 'o hamo ho isi pafi no ezoezoyʉ 'o 'avulahamu mo noe'ocʉ no ohsi teomneni.

'epeso 1:11

acʉcʉhʉ 'e macucuma ta mouhpʉhpʉngʉ te acʉhʉ maino ohsi ta'koeva ho ino ohsi esvʉtʉ to hamo ho aepʉnga. 'o hamo mo i'tohungu no ohsila ahoza esvʉta ci 'tohʉngʉ, ieni to kilisto ho epeiya a'to ho teyai 'o'oko.

'epeso 1:14

'o seilei isi hosoo a'to te tmacngihi no ohsi teomneni to hamo, faeni tamo tma'usnu ci cou na a'sʉftonʉ ci ziu. teto tohmomoengʉ no psoevohngʉsi!

'epeso 1:18

la'u yaeza p'enzeni to hamo ho paavi na mcoo ta 'tohʉngʉmu, temu ko'ko cohivi: ho isi eyoho'a muu cuma na temu elʉa cite ta'usni; na isi teomneni ta 'o'okosi ci ezoyʉ mio mainenu na hia atngaso;

kolosai 1:12

'aveoveoyʉ to amopepe, maica ho isi poa yaa ongko no tma'upu no ohsila songacveni no sinto cimo ʉm'ʉmnʉ to 'ayumona to tiskova ci hpʉhpʉngʉ na muu.

kolosai 1:5

to ahoisi, ne ohcu psoecʉ'ha muu 'e fukuin, imucu talʉi 'e isi hafa ta fukuin ci ta'usni. maicac'o, ina singkoo ho himngonghimu mo acʉhʉ i'tohungu ta isi songacveni muu ne pepe ci ta'usni.

kolosai 3:24

la cohivi na ohsi songacveni no iachisi 'o'oko to hamo ci hnoo. 'atasi ahtao'te faeni suu. na imu fifihi zou 'o nooe'oca kilisto.

temote 2 4:8

ahoi maitan'e no ataveisi, isi totea no moulʉlʉ ci tafange a'o, 'ai'oteeno boemi no moulʉlʉ ho hioa na yʉsvʉtʉ ci nooe'oca, tasi pafeni a'o no hiesi ho tena i'vaho cmʉ'ho 'o kilisto, o'atesi anova pafeni a'o. tesi yaeza pafeni tola tata'e hote aopa'to ci cou.

hevulu 10:34

lamu i'upu 'atutumzo tola poekotva ci cou. cono holahe ti'einga 'o acʉcʉhʉ ci macucumamu, temuc'o uveica tiova; maica ho imu cohivi, panton'a imu songacva cimo afnaso ʉmnʉ ho noana'ohe ci ezoezoyʉ.

hevulu 9:15

ko'koeno, 'o kilisto micu bitaico ci cou ta faeva esvʉta, akoeva no poa tiou no ohsi teomneni ci 'auesiesi ʉm'ʉmnʉ 'o ohsi afu'a eyoho'a to hamo. ho isi aepʉnga na eni isi ieni to mcoi; 'e mcoi eni isi yungvo'a 'o ohela hioa ci kuisi to nia ahoi 'oesvʉtʉ.

yakovu 1:11

homo bohinoi 'o hie, ta'poepza to cuveu ci poepe, la oemi'mi 'o maukukuzo, suehi 'o bʉvnʉ, na nia yonghusi cu acʉhʉ aapayo'ʉ. totiski, 'omo atngaso ci cou la asno'zonʉ yaezoi, tec'o maezo aapayo'ʉ.

petelo 1 3:9

'ote boemi no kuzo ho auski no kuzo, boemi no ekvo'ʉ ho euski ekvo'ʉ; apuyu, la boemi no tooyokeo ho evei, maica ina atuhcusi to hamo ho isi eyoho'a muu tesi akoeva no pafi no ʉm'ʉmnʉ.

petelo 1 5:4

maicac'o, ho tena cmʉ'ho 'o meoino le'aʉt'ʉcʉ moatʉ'nʉ, temueno meelʉ tiou to 'auesiesi o'te afsi na psoevohngʉsi ci tafange.

mokusi 21:27

at'inghi, 'o o'amo cofkoya, kokuzo 'o peipeis'ausna ho i'ola lolekoknuyu, acʉhʉ o'ate meelʉ yʉmeʉmʉ; i'oc'o isi tposi to tposʉ no nsou to okomoatʉ'nʉ nate meelʉ yʉmeʉmʉ.