petelo 1 1:3 - buacou seiso no faeva esvʉtʉ

³ teto 'aveoveoyʉ to amohamo to nooe'oca iesu kilistoto! i'mi to uk'a noca'cʉ'hi ci himcocoveoisi, ieni to mcoi ho smoevovei to iesu kilisto, pafeni a'to 'emo faeva ci nsou, poa yaa yoayokeo ci ta'usni a'to.

petelo 1 1:3 Iomraidhean Croise

yohane 1:13

'emo maica ci cou o'a mo i'mi ta natʉ'ca no ceoceona no hmuyu, o'amo i'mi no poc'ou ta cou, maezo o'amo h'unano i'mi no 'tohʉngʉ ta hahocngʉ ho yayo, mamo i'mi to hamo ho yayo.

looma 12:12

yono taico no ta'usni ho kokaekaebʉ, notaico no 'atutumzo la luaveica, la asno'zonʉ hola 'inoli.

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 4:25

isi faeni ta emucu ta cou 'o iesu, nomio ta kuisito ho mcoi; isi poa smoevovei to hamo, ko'ko mitocu meelʉ yaa yupa toseolʉ ci natʉ'ca 'o hamo.

looma 5:10

na a'to zou anana'o hangʉ to hamo, at'inghi ieni to mcoi to okosi ko'ko mitocu naoveia 'o hamo. ho mitocueno naoveia 'o hamo, o'a tetos'aeno afnaso ieni to nsou to kilisto ho mayo no to'usni?

looma 8:11

'o piepiya to hamo isi poa i'mi to mcoi ho smoevovei 'o iesu; hoci no'ayumonʉ muu 'e piepiya eni, 'emoso i'mi to mcoi ho poa smoevovei 'o kilisto ci hamo, tesi yaeza ieni tomo no'ayumonʉ muu ci seilei, pafeni tate ahtuo'te kuzo ci feangomu 'e nsou.

looma 8:24

maica, i'mi no mingeou, mito elʉ no to'usni. inala teolʉi ci mingeou. o'ate tamza no mingeou. siya nate mingeou no isicu teolʉi?

kolinto 1 13:13

at'inghi, 'e singkoo, ta'usni, ho i'e himngonghi, 'emo tuyu te 'auesiesi nongaco, ta taicosi namo sotva'esa zou himngonghi.

kolinto 1 15:20

at'inghi, a'ʉmtʉsi 'o kilisto micu i'mi to mcoi ho smoevovei; na eni isi hosoo 'o micu mcoi ci cou tena maezo smoevovei.

kolinto 2 1:3

temia 'aveoveoyʉ to amohamo to nooe'oca iesu kilisto! zou himngonghi ci amopepe, maezo 'oi'miza no ao'pou ta acʉcʉhʉ.

ngalatea 6:16

namo afu'u mee'ofeihni tamo maica ci h'oceona ci cou, ho ina afu'u 'o'oko to hamo, te'sola acʉhʉ totiski mayo no soanono ho coveoza!

'epeso 1:17

la'u m'ene to hamo to nooe'oca iesu kilisto, psoevohngʉ ci amopepe, pafi'sio no seilei na muu. 'e seilei eni tesi fii no moutʉs'ʉ muu, paavi muu ho poa bohngʉ to hamo.

'epeso 1:3

'aveoveoyʉ to amohamo to nooe'oca iesu kilisto. maica isi ieni to kilisto ho faeni a'to 'emo mav'ov'o cimo tma'usnu ne pepe ci ʉm'ʉmnʉ.

'epeso 1:7

i'mi homo mcoi 'o kilisto, mito elʉ to ziu, noa peteongasa 'e kuisito. na eni 'amoeno i'mi to atngaso ci mengumi to hamo.

'epeso 2:4

at'inghi, mo yaa atngaso ci himcocoveoi 'o hamo; na lasi hia ngohia a'to mo meoisi ho uk'a noca'cʉ'hi.

'epeso 3:20

'o hamo tesi peelʉi yomza nola yonta taicoto ci tonʉsi ho aepʉnga 'e acʉcʉhʉ, na'nohe nosa'o no lato p'enza ho ta'to'tohʉngva.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

tesalonike 1 1:3

yonto tuhcu to hamo ho talʉa, lamu yainenu na hia peiseafi 'o imu taa'uzva, yainenu na hia ieni no himngonghi ho asno'zonʉ yaahioa, yainenu na hia nomahtʉicʉ no 'tohʉngʉ ho mingeou to nooe'oca iesu kilisto.

tesalonike 1 4:13

maanat'ohaesa, e'usnu to micu mcoi ci cou, imza tata'za ho cimu ake'a cohivi 'emo piyo ci hi'hioa, temus'ala angu ma'nanac'o. mais'a 'ola uk'a ta'usni ci cou.

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

temote 1 1:14

'o nooe'ocato isi pafi to afnaso ci mengumi a'o, poa yaa singkoo ho himngonghi a'o, na eni mo i'mi ho mo yuecnguhu to kilisto iesu ho cmʉfeʉ.

tito 2:13

totea hocic'u esmi na hiesi to lato mingeovi ci mengumi; homio, 'o psoevohngʉ to so'einva ci hamo ho i'o nooe'ocato ci iesu kilisto te hupopayoi.

hevulu 3:6

at'inghi, 'o kilisto mo boemi ta ongko nosi oko ho meot'ʉcʉ ho aʉt'ʉca 'e emoo to hamo. hocito tʉyʉca 'e ito taa'uzva ci mingeovi ho 'ʉteʉ, 'acueno 'oahngʉ to cono emoo to hamo.

yakovu 1:18

la maino iachisi 'tohʉngʉ, ieni no so'emio ci e'e ho teyai a'to, poa notmoyaevonʉ ta ohsila afu'a teyai ci acʉcʉhʉ na a'to.

petelo 1 1:13

ko'koeno, temula ae'ayocʉ na 'tohʉngʉ, conino etngou, nala ta'usni la a'sʉftona toveineni no tasi pafeni ci mengumi ho tena aopa'to 'o iesu kilisto.

petelo 1 1:21

ieni to kilisto, imu taa'uzva 'omo poa i'mi no mcoi ho smoevovei, a'vinano mofi no psoevohngʉ ci hamo; i'mi tan'e, na singkoo ho ina lamu ta'usni la miteuyunu to hamo.

petelo 1 1:23

mimucu i'momhomʉ yayo, o'amo i'mi tote kuzo ci tutu ho yayo, mamo i'mi to o'ate kuzo ci tutu - 'amoeno cmʉfeʉ to isi peyafa to hamo cimo yoayokeo ho 'auesiesi ci e'e.

petelo 1 2:2

la mais'a 'o mon'a yuhoi ci foinana, conino tongsoyʉ no cofkoya ci nun'u no piepiya, ieni ho yusuhci, elʉ no to'usnu.

petelo 1 3:15

la yaa ma'einu to kilisto ci 'tohʉngʉ, la atuhca mie'oci. hoci panonte mi'usnu muu ho poa esansaneni nalamu ta'usni ta 'tohʉngʉ, la coni no ae'ayocʉ ho yut'inga;

petelo 1 3:21

'e chumu eni 'aisieno epo'usa no toonono. maitan'e 'e toonono eni isi to'usni muu, o'a isis'a yainca isi toonvi na ca'i ta feangomu, mamo boemi no cofkoya ci 'tohʉngʉ ho mi'usnu to hamo ho ekoyu; 'e toonono eni isi ieni to smoevovei to iesu kilisto hocu to'usni muu.

petelo 1 3:5

maica, i'o mosola mingeou to hamo ho acocofkoya ci maamespingi. ohela yaeza ieni no meot'ʉcʉ no vcongʉ ho ehoehongsʉa na iachi.

yohane 1 2:29

imu asansana 'o kilisto zou moulʉlʉ; ko'koeno, ntemucu cohivi, nala mee'ofeihni no moulʉlʉ ci cou 'aeno 'o'oko to hamo.

yohane 1 3:3

nala afu'u mooteo no aopa'to 'o kilisto ci cou te acʉhʉ iachi ayʉyʉcʉ acocofkoya, totiski to kilisto ho cofkoya.

yohane 1 3:9

na 'o'oko to hamo. o'ate a'cʉ'cʉnʉ peiskuisi. maica homo no'ayumonʉ to nsouhe na nsou to hamo. ho zoueno amohe 'o hamo. o'anate a'cʉ'cʉnʉ peiskuisi.

yohane 1 4:7

ngohia ci maananghia, tetola yupa himngonghi, maica 'e himngonghi mo i'mi to hamo. inamo yaa himngonghi, zou 'o'oko to hamo, yaeza honga 'o hamo.

yohane 1 5:1

namo afu'u tmaa'uzo to iesu ho zou kilisto. zou acʉhʉ 'o'oko to hamo. hocito ngohia na cihi ci amo, 'ate ahtao'te yaeza ngohia na 'o'okosi.

yohane 1 5:18

ito cohivi, na 'o'oko to hamo o'a te a'cʉ'cʉnʉ peiskuisi, maica lasi noʉt'ʉci to oko to hamo, poa o'te akuzkuzoneni to kokuzo.

yohane 1 5:4

maica na macicihi ci 'o'oko to hamo te acʉhʉ meelʉ atpʉtʉ ta hpʉhpʉngʉ. inamo koa atpʉtʉ ta hpʉhpʉngʉ 'aeno singkooto.