petelo 1 1:25 - buacou seiso no faeva esvʉtʉ

²⁵ at'inghi na e'e to nooe'oca te no'auesiesi! 'e e'e eni 'aeno 'o isi psoecʉ'ha muu ci fukuin.

petelo 1 1:25 Iomraidhean Croise

matai 5:18

te'o a'ʉmta eʉsvʉta muu, hocin'a afu'u yayo 'e hpʉhpʉngʉ. 'emo conci topca, cono meesʉzʉ ci tposʉ ta hoolicu o'ate aapayo'a, ac'ʉhʉ ho tac'u noepʉngʉ 'e aʉcʉcʉhʉ.

luka 16:17

at'inghi, hoci aapayo'a 'e hpʉhpʉngʉ maten'a sonʉhe to aapayo'a 'o cono topca cono meesʉzʉ ta hoolicu!

yohane 1:1

auyusi no teyai 'e mouhpʉhpʉngʉ, mohcu la yayo 'e e'e. mo no'upu to hamo 'e e'e; 'e e'e 'aeno hamo.

yohane 1:14

mo tmucou 'e e'e, no'ayumonʉ ta taicoto, nongcʉngci to mengumi ho so'emio. itocu aiti 'o psoevohngʉsi, 'e psoevohngʉ eni isi anana'va tanua to pecnia ci oko to amo.

kolinto 1 2:2

maica mi'ocu ma'kokoyu, ho tena'u no'upu muu, tapeoha 'o iesu kilisto ho ina hi'hioasi ne moso mcoi to zuuzika, o'ate'o mo'mo'engho no mocmosi.

'epeso 2:17

maicac'o, na atuhcusi homo cmʉ'ho 'o kilisto tesi psoyaska 'e koa suseomʉ ci fukuin ho faeni ta afu'u cou, a'upa 'e mohmu la emomcovhi to hamo ne auyusi ci couyafana. ho i'omo smacmu'u to hamo ci couyutaya.

'epeso 3:8

mi'o e'vono atva'esi ko'cacuma ta masisinto, mi'o 'oc'ocic'o mayo no afnaso ci tonʉ to hamo, peelʉi psoecʉ'ha ta couyafana 'e a'ʉmtʉ uk'a noca'cʉ'hi no atngaso ci fukuin to kilisto.

tito 1:3

ho micu mic'ʉhi 'e hiesi, isicu ieni ta isi psoyaska ci e'e ho hupopayoi. mi'o noa tovei to hamo - to mashʉyʉ to nooe'ocato, sviei 'e hioa no psoyaski ta e'e tan'e.

hevulu 6:5

a'vinano ta'hongi na 'oyonghua no e'e to hamo, yaeza ta'hongi na tonʉ no puesona ta hpʉhpʉngʉ,

petelo 1 1:12

'o hamo isi poa cohivneni to eyongensa, na hiahe yaahioa o'a ihe hioaneni 'e iachi, ma ihe hioaneni muu. 'o ohela maeengha ci hi'hioa, maitan'e isicu ieni tola yaahioa to fukuin, noe'ocʉ to tonʉ tomo i'mi ne pepe ci seilei, hocu psoecʉ'ha muu; 'emo maica ci hi'hioa, ac'ʉhʉ to tensi ma ohe yaeza 'ucia asansana!

petelo 1 1:23

mimucu i'momhomʉ yayo, o'amo i'mi tote kuzo ci tutu ho yayo, mamo i'mi to o'ate kuzo ci tutu - 'amoeno cmʉfeʉ to isi peyafa to hamo cimo yoayokeo ho 'auesiesi ci e'e.

petelo 1 2:2

la mais'a 'o mon'a yuhoi ci foinana, conino tongsoyʉ no cofkoya ci nun'u no piepiya, ieni ho yusuhci, elʉ no to'usnu.

petelo 2 1:19

maicac'o, 'o ohela epeaska to eyongensa ci e'e imza h'unasacu ta'sansana. temula a'ʉmta buyuyue'iya 'e e'e eni; maica mo mais'a conci lampu mo psoetiskou tomo voecʉvcʉ, ac'ʉhʉ ho tac'u moseo'ohngʉ. noc'ʉhʉ no hiesi ho tac'u psoetiskou ta 'tohʉngʉmu 'o tiskova to congeoha.

yohane 1 1:1

ho imza tposi 'e tengami eni temza mi'usnu muu ho etotoyangza 'e mohcula ahoi to ahoisi yayo ci e'e no nsou, 'e e'e no nsou eni, omzacula talʉi, aʉla huceoevi; 'aeno zou. omzacula aiti. a'vinano aʉla peuasa.

yohane 1 1:3

'e omza afu'a aiti, ho talʉi imza psoecʉ'ha muu, ko'ko poa meelʉ i'upu a'mi ho mai'upu ta cono taucunu; 'e cono taucunu eni 'aeno teto toehunga tanua 'o amopepe ho i'o okosi ci iesu kilisto.

mokusi 14:6

os'o i'vaha aiti 'omon'a cihi ci tensi mo yonta pepe ho toesoso; panto 'auesiesi ci fukuin tesi mi'usneni ta cou ta mauhpʉhpʉngʉ, mayoyou, masusuezopʉ, ho ito maee'e ho psoyaska.