petelo 1 1:2 - buacou seiso no faeva esvʉtʉ

² ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!

petelo 1 1:2 Iomraidhean Croise

matai 24:22

hocisi o'te ananʉhta to hamo na hiesi no meakvo'ʉ, uk'a cite meelʉ nongaco yaansou ci cou. at'inghi mo nomio ta ohsila epeiya ci mao'o'okosi, tesi ananʉhta to hamo na hiesi ho mio.

matai 24:24

maica tec'u yuyafo 'o mekikilisto ho meyoyongensa, tahe hioa na meoino peispopo'e ho poa ma'pepecvai 'e cou; hoci peelʉi, ac'ʉha no paspepecvazi 'e ohsila epeiya to hamo ci mao'o'okosi.

matai 24:31

te meoino yamumi 'o fihngau no la'pa, tesi popeoskuna 'o tensi ho sʉc'ʉhʉ to maacaciku ta hpʉhpʉngʉ, i'mi ta hpʉhpʉngʉ tan'e ho sʉc'ʉhʉ to hpʉhpʉngʉ ne'e, euteuyuna 'o ohsila epeiya ci mao'o'okosi.>

maluko 13:20

hocisi o'te enanʉhta to hamo na hiesi no meakvo'ʉ, uk'a cite meelʉ yaansoua. at'inghi, nomio ta ohsila epeiya ci mao'o'okosi, isicu enanʉhta 'o hiesi ho mio.

maluko 13:22

maica tena yuyafo 'o mekikilisto ho i'o meyoyongensa; tena peispopo'e, pnanfi na tehe peelʉi ho peknui 'e ohsila epeiya to hamo ci mao'o'okosi.

maluko 13:27

tesi popeoskuna 'o tensi ho sʉc'ʉhʉ to maacaciku ta hpʉhpʉngʉ, i'mi ta hpʉhpʉngʉ tan'e ho sʉc'ʉhʉ to hpʉhpʉngʉ ne'e, euteuyuna 'o ohsila epeiya ci mao'o'okosi.>

luka 18:7

o'atesieno to'usni to hamo nala huhucmasi mi'usnu ho noa to'usnu ci 'o'okosi? tesis'aeno peaezoni ho poa poha'o na tesi hia to'usnu?

sitoo 15:18

i'o moso ahoi ne na'no noana'o hocu masmomolʉ tan'e ci nooe'oca ohsicula yaica ci hia epeaska.>

sitoo 2:23

'o hamo mo fiho to iachisi 'tohʉngʉ ho ino isi huyoyoci ho asvʉta no faeni muu 'o iesu; na muu imu ieni tola ma'peu ci cou ho spica to zuuzika. ho opcoza.

sitoo 20:32

looma 1:5

ieni to iesu, mi'o mayo to afnaso ci mengumi, nomio to ongkosi ho sitoo, ho eahafa 'e cou ta mauhpʉhpʉngʉ ho poa tmaa'uzoa to iesu.

looma 1:7

te'o tuayokeo ta mimu afu'u yonta looma ci isi ngohia, ho epeiya to hamo ho teyai 'o'oko ci cou. faeni'sio muu to hamo ho ito nooe'oca iesu kilisto na mengumi ho soanonosi!

looma 11:2

o'aisi hopsʉpseni to hamo 'o ohsila ahoza ne noana'o ho epeiya ci 'o'okosi. imu cohivi, isi tposi to seiso: 'o 'iliya ne ohsi mi'usneni to hamo ho ehpʉngneni 'o cou'isolaelu,

looma 11:28

'e couyutaya mo bʉʉpsʉpsʉ to fukuin, cu yupa nahanga 'o hamo, na atotaveisi isi poa elʉ ta ʉmnʉsi 'e couyafana. at'inghi, i'mi no hia epei to hamo, maezo i'tohungu no ohsila teomneni to hamo no nia maameoi, 'e couyutaya isic'on'a a'cʉ'cʉna nanghianeni to hamo.

looma 15:16

poa meelʉ soskuskunu to kilisto iesu, yonta taico ta couyafana ho yaahioa. mi'o mais'a saisi ho epeaska 'o fukuin to hamo, akoeva no teyai sʉ'ta to seilei 'o couyafana ho sʉ'teni to hamo, lasi tiova ho ʉm'ʉmnʉa to hamo.

looma 16:19

la toehunga cohivi inalamu hia tmaa'uzo ta fukuin, ko'koeno la'u na'na kaebeni muu. te'o tata'za temula mau'to'tohʉngʉ nomo ʉmnʉ ci hi'hioa, nongonongo tomo kuzo ci hi'hioa.

looma 16:26

'e moumsʉ'eonʉ eni ohsicu ieni to tposʉ to eyongensa ho eyoyafa, a'vinano fiho to mashʉyʉ to 'auesiesi hamo ho epopayoa ta mauhpʉhpʉngʉ, ko'kocu poa tmaa'uzo 'e yatatiskova.

looma 8:13

hocimu meo'uzo ta yu'ausna, 'ate ahtuo'te mcoi; hocimu noe'ocʉ to seilei ho aapayo'a na peiskuisi, 'ate ahtuo'te yaansoua.

looma 8:33

siya nate meelʉ ehpʉngʉ ta isi epeiya to hamo ci cou? isicu esvʉta to hamo ho yainca uk'aci kuisihe!

kolinto 1 1:30

'o hamo isi peelʉi poa tmuteuyunu to kilisto iesu na muu, yaeza teyai moutʉs'ʉto; ieni to kilisto, mitocu meelʉ yupa toseolʉ ci natʉ'ca 'o hamo, meelʉcu cofkoya ci 'o'oko to hamo, a'vinano elʉ no ziu.

kolinto 1 6:11

ta taicomu, piyo 'omosola maica ne auyusi. at'inghi. isicu tocofkoyai na muu, isicu poa cofkoya ho tma'usnu to hamo, isicu ieni to ongko to nooe'oca iesu kilisto ho ito piepiya to hamo ho meelʉcu yaa yupa toseolʉ ci natʉ'ca 'o hamo.

kolinto 2 10:5

popuya 'ola bobitano ci pat'a'ausna ho nomʉtʉ to mocmo hoci bohngʉ to hamo. temia ti'einga 'o 'to'tohʉngʉ ta macicihi ho poa tmaovei to kilisto.

kolosai 3:12

isi ngohia to hamo na muu, epeiya muu ho ta'okoa. ko'koeno, temula yaa himcocoveoi, himngonghi, ma'einu, ma'cocacni ho luaveica ci 'tohʉngʉ.

tesalonike 2 2:13

ngohia to nooe'oca ci maanat'ohaesa, ntemza anana'va asngʉcva 'aveoveoneni to hamo na muu; maica ho isi epeiya to hamo na muu, ieni to cofkoya ci lasi hioa to seilei ho i'olamu hia mi'usnu to so'emio ci singkoo, poa auyu elʉ no to'usnu muu.

temote 2 2:10

i'mi tan'e, mi'o nomio to isi epeiya to hamo ci 'o'okosi ho uveica 'e acʉcʉhʉ, te ko'ko peelʉi poa maezo mayo tomo i'mi to kilisto iesu ci to'usnu ho 'auesiesi ci psoevohngʉ.

tito 1:1

na a'o - poolo zou soskuskunu to hamo, sitoo to iesu kilisto. mi'o noa eoho'a, noa popeoskuna ho to'usni 'o singkoo to ohsila epeiya to hamo ci cou, eahafa ho poa bohngʉ to isi po'pa'cohivneni ci so'emio ta singkoomia;

hevulu 10:22

'antetoeno boemi no mou'ʉmtʉ ci 'tohʉngʉ ho mahtʉicʉ ci singkoo, boemi to isicu poa cofkoya, uk'a heo'tʉ ci 'tohʉngʉ, ho i'o ohcu toʉlʉi to chumu ci feango, ho ohcum'u to hamo.

hevulu 11:28

i'mi no singkoo. isi p'eyac'a 'o meem'esa'o. a'vinano eutotaveiya ho sahua to phingi 'o hmuyu. poa o'te opcozneni tote suapayo'ʉ ci tensi 'o pehoza ci oko to 'isolaelu.

hevulu 12:24

mimu esmi ta tuhcu ta coutaico ta faeva 'oesvʉtʉ ci iesu, 'aeno esmi to isi sahuneni ci hmuyu; 'e isi epa'teni ta hmuyu tan'e mo yonghuhe to hmuyu to yaapo.

hevulu 5:9

ho isieno poa peihcʉ'ho no a'sʉftonʉ to hamo, isicu peelʉi i'tohungvi no 'auesiesi to'usnu tomo afu'u meot'ʉt'ʉcʉ to hamo ci cou.

petelo 1 1:14

temu meo'uzo to hamo, teav'a poa eahafneni no ma'konvosʉ, mais'a ne mohmun'a nongonongo ne auyusi.

petelo 1 1:19

maisi ieni tomo mohtoesuyu ho sopepea ci hmuyu to kilisto, mais'a 'o o'amo ake'i ca'i ci hmuyu to oko no moatʉ'nʉ.

petelo 1 1:20

'o kilisto zou ohsila ayoca epeiya to hamo ho o'amocu ohsila teyai 'e hpʉhpʉngʉ, yonta puesona ta lekisi ho nomio muu ho aopa'to.

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

petelo 2 1:2

temu'sola ieni ho mimu bohngʉ to hamo ho ito nooe'ocato ci iesu kilisto ho elʉ no atngaso ci mengumi ho soanono!

yohane 2 1:1

zou coolo a'o; te'o tmopsʉ ta tengami ho faeni suu - noa epeiya ci miacmo'na, yaeza faeni to 'o'okosu: na muu la'u songohia ta 'tohʉngʉ. o'a la'u anovac'o ngohia muu, 'omo afu'u bohngʉ to so'emio ci cou la maezo himngonghi muu;

yohane 2 1:13

'o 'o'oko to isi epeiya ci nat'ohaesasu mi'usnu suu ho tuayokeo.

yuta 1:2

tesi'sola yotngasi no himcocoveoi, soanono ho himngonghi to hamo na muu.