ngalatea 3:28 - buacou seiso no faeva esvʉtʉ

²⁸ o'anate avahvoh'una na couyutaya ho couyafana, hocieno tolei ho ziu, hahocngʉ ho mamespingi, to 'ayumona to nsou to kilisto iesu, mimucu acʉhʉ cono feango,

ngalatea 3:28 Iomraidhean Croise

yohane 10:16

panton'a mocmo ci moatʉ'nʉ'u o'a mo no'ayumonʉ ta poo'usna tan'e, te'o ahtao'te yaeza engocha yuyafo; tahe yaeza talʉi 'e fihngau'u. 'emo yusno taucunu tena tmucni, ho totiski tma'usnu tamo cihi ci le'aʉt'ʉcʉ.

yohane 11:52

o'a tesis'a anova mcoineni 'e couyutaya, tesi yaeza eteuyuna namo nopeaski ta hpʉhpʉngʉ ci 'o'oko to hamo, poa tmucnia.

yohane 17:11

te'o uhto lako yoni maitan'e, 'anate'o ivaho yonta hpʉhpʉngʉ, tehin'in'a yonta hpʉhpʉngʉ. socofkoya ci amo! teko'so ieni to ongkosu, 'ai'oeno osko pafeni a'o ci ongko, noʉt'ʉci hin'i, poa meelʉ tmucni na hin'i, mais'a suu ho a'o na hia tmucni.

looma 1:16

o'ate'o h'oinveni 'e fukuin; 'e fukuin zou meoino tonʉ to hamo. tesi to'usni namo afu'u tmaa'uzo ci cou. aueva 'e couyutaya. atavei 'o couyafana.

looma 3:22

ho isi poa yaa yupa toseolʉ ci natʉ'ca to hamo 'e cou. mo i'tohungu ho ihe taa'uzva 'o iesu kilisto. ho isi yaica ci hia mi'usni to hamo 'emo afu'u tmaa'uzo to kilisto ci cou, uk'a ci ake'isi naskuca:

looma 8:1

maitan'ecu, i'omo yaansou to 'ayumona to kilisto iesu ci cou o'ate topci no kuisi.

looma 9:24

maica na a'to o'a anouc'o isi i'mi ta 'ayumona ta couyutaya, yaeza i'mi ta couyafana ho eyoho'a.

kolinto 1 7:14

maica na o'a mo tmaa'uzo to nooe'oca ci hahocngʉ te i'mi tomo tmaa'uzo ci mamespingi ho noa tiova to hamo; totiski, namo o'te tmaa'uzo to nooe'oca ci mamespingi, te maezo i'mi to mo tmaa'uzo to nooe'oca ci hahocngʉ ho noa tiova to hamo. hoci o'te maica, na tehe 'o'oko te tamza no o'aisi tiova to hamo; na a'ʉmtʉsi, isi eno o'te tiova to hamo.

kolinto 1 7:19

maica hoci tiou ho o'te tiou no s'e'honga cumanantesi a'a'ausna; na sotva'esa te meot'ʉcʉ to mashʉyʉ to hamo.

ngalatea 3:14

na atuhcusi ho isi yaica to kilisto. tesi poa i'mi to kilisto iesu 'o couyafana ho elʉ no ohsila teomneni to 'avulahamu to hamo ci ʉm'ʉmnʉ; maicac'o, teto meelʉ i'mi no tmaa'uzo ho tiou no ohsila teomneni to hamo ci seilei.

ngalatea 3:26

mimu acʉhʉ i'mi to hocu tmucni 'o kilisto iesu, meelʉcu tma'oko to hamo.

ngalatea 4:14

'e tma'congo'u la e'vono poa ma'kuv'o muu, at'inghi o'aimu a'hupsona a'o, ciha a'o. lamu apuya aʉt'ʉt'ʉca a'o, mais'a aʉt'ʉcʉ to tensi to hamo, mais'a aʉt'ʉca 'o kilisto iesu.

ngalatea 5:24

ina mo tma'usnu to kilisto iesu ci cou. ohecu acʉha spica to zuuzika na afu'u ma'konvosʉ ci yu'ausna.

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

'epeso 1:1

zou poolo a'o; mi'o tiyou to 'tohʉngʉ to hamo ho sitoo to kilisto iesu. te'o tmopsʉ ta tengami ho faeni tomo yonta mia'usnu ta 'epeso cimo meot'ʉcʉ to iesu kilisto ci masisinto:

'epeso 4:4

mo conic'o 'e feango, cihic'o 'o seilei, aʉlʉ mais'a 'o hamo ho isi eoho'a muu ho toehungu tma'upu no conci ta'usni.

pilipi 1:1

na a'o - poolo ho i'e temote zou soskuskunu to kilisto iesu. temia tmopsʉ ta tengami ho faeni ta mimu yone fuilipi ci afu'u 'o'oko to hamo, 'ai'oeno 'omo tma'usnu to kilisto iesu ci sinto, ho i'o masoso'ehti ho itola matoto'usnu ta kiokai ci haah'o.

kolosai 1:4

maica lamia tac'ʉhi ho mimu a'ʉmtʉ yaa singkoo ho mimu mi'usnu to iesu kilisto, lamu yaa himngonghi ci 'tohʉngʉ ho lamu mi'usnu to afu'u sinto.

kolosai 3:11

ho isicu e'usna tan'e, 'anate i'vaha avahvoh'una na coungilisia ho couyutaya; o'anate yaa s'e'honga hocieno o'te s'e'honga. yano voveiveiyo, uafeihi, tolei hocieno couziu. 'o kilisto 'aeno acʉcʉhʉ, 'o kilisto isi nocʉcʉhi 'e acʉcʉhʉ.

temote 1 1:12

te'o 'aveoveoyʉ to nooe'ocato ci kilisto iesu; maica ho isi pafi to tonʉ a'o, taa'uzva a'o, popeoskuna a'o ho poa fifihoa.

temote 2 1:1

zou poolo a'o; mi'o i'mito 'tohʉngʉ to hamo ho sitoo to kilisto iesu, ho psoevaha 'o ohsi ieni to kilisto iesu ho teomneni ci faeva ci nsou.