ngalatea 2:19 - buacou seiso no faeva esvʉtʉ

¹⁹ hote ieni to hoolicu ho engha, mi'ocu mcoi, isi opcoza to hoolicu, akoeva no poa meelʉ nomio to hamo ho yaansou. na a'o isicu a'upa to kilisto ho spica to zuuzika.

ngalatea 2:19 Iomraidhean Croise

looma 4:15

ina sʉ'no to hamo mo i'mi to hoolicu; hoci uk'a hoolicu. maezo uk'a cite yainca yutasufku no hoolicu ci hi'hioa.

looma 5:20

ho isi p'eyac'a 'e hoolicu isi poa asuhcu man'i 'e kuisi ta cou; at'inghi. homo asuhcu man'i na kuisi, na mengumi to hamo mo maezo asuhcu atngaso.

looma 6:11

totiski, hoci i'mita kuisi ho engha, temu yaeza ta'una no mcoi 'e iachi. at'inghi yonto 'ayumona to nsou to kilisto iesu, mimu nomio to hamo ho yaansoua.

looma 6:14

i'mi tan'e, 'otena i'vaho noa atʉkca no kuisi; maica 'anamimu noskufu no hoolicu, mimu noskufu no mengumi to hamo.

looma 6:2

o'ate ahtu maica! hoci i'mita kuisi ho engha, 'a mitocu mcoi. mainci tetos'a aac'o a'cʉ'cʉnʉ yunsou no 'ayumona no kuisi?

looma 7:14

ito cohivi, 'o hoolicu to moose mo tma'usnu no piepiya; at'inghi na a'o te ahtuo'te toapayo'ʉ ci cou, isicu phieni to kuisi ho teyai tolei.

looma 7:4

maanat'ohaesa, 'e a'a'ausnamu 'amoeno totiski tan'e. hoci emza to hoolicu, mimucu mcoi, maica ho zou 'oahngʉ to feango to kilisto na muu; maiten'e mimucu tma'usnu to moso i'mi to mcoi ho smoevovei ci nooe'oca, poacu meelʉ bumemealʉ nomio to hamo ho yaahioa.

looma 8:2

maica 'o p'ofiha to seilei, 'ai'omoeno poa i'upu to kilisto iesu ho toehungu mayo no nsou, isicu i'mi to p'ofiha to kuisi ho ito mcoi hocu psoevoyunga a'to.

kolinto 1 10:31

homo maica. 'upena hoci cuma na imu hioa, bonʉ hocieno mimo, te acʉha poa nomio no psoevohngʉ to hamo ho hioa.

kolinto 1 9:20

ho te toehungneni yaahioa 'o couyutaya, te'o mais'a couyutaya, akoyu no tmas'usnu to couyutaya. e'vono o'a mi'o noskufu no isi skotʉkca to hoolicu to moose, at'inghi mi'o mais'a mo yunsou to skufu to hoolicu, akoyu no tmas'usnu tomo noskufu to hoolicu ci cou.

kolinto 2 5:15

ho isi mcoineni 'emo botngonʉ, tesi akoeva no poa o'tec'o nomio no iachi 'e mon'a yaansou ci cou ho yaansoua, mate nomio to moso nomio a'to ho mcoi ho smoevovei ci kilisto ho yaansoua.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

ngalatea 3:10

i'ola biftongʉ no fiho to hoolicu ci cou mo acʉhʉ yaansou no skufu no patkuzoi. maica ho isi yainca to seiso:

ngalatea 3:24

maicac'o, 'e hoolicu zoucu le'aʉt'ʉcʉ a'to, engocha a'to ho e'usna to kilisto, na isi mituhci tesi poa i'mi no na a'to ho poa yaa toseolʉ ci natʉ'ca 'o hamo.

ngalatea 6:14

inacu a'o, o'ate'o etanveni na mocmosi, te'oc'o etanveni 'o zuuzika to nooe'oca iesu kilisto. maica, 'e zuuzika eni, hoci e'usna a'o 'e hpʉhpʉngʉ isicu spica to zuuzika; hoci e'usna ta hpʉhpʉngʉ. na a'o isicu spica ta zuuzika.

kolosai 2:20

ho mimucueno tu'upu to kilisto ho mcoi, momeesih'i no moipiepiya ta macocongeoha, mainci mimuc'on'a fiho ta h'oyunsova ta cou, a'cʉ'cʉna noʉt'ʉci na 'emo maica ci peipeisia?

kolosai 3:3

maica ho mimucu tu'upu mcoi to kilisto, ina nsoumu isicu a'upa soʉlʉlʉa no 'ayumona to hamo.

tesalonike 1 5:10

'o kilisto isi mcoineni a'to, 'upena na micu mcoi hocieno yaansoua, tesi akoeva no poa meelʉ a'upu yaansou ho tenac'u i'vaho cmʉ'ho.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

petelo 1 2:24

isi iachia hafa to kilisto na kuisito ho uhto zuuzika, poa o'tena i'vaho yaansou no 'ayumona no kuisi na a'to, c'o nomio no moulʉlʉ ho yaansou. i'mi to isi tiova ci alolongʉ, mimu meelʉ yov'o.

petelo 1 4:6

nomio tan'e, 'e fukuin ohola yaeza psoecʉ'ha tomo mcoi ci cou, faeni tamo totiski to mocmo ho tiou no yʉsvʉta 'e feango ci cou, ko'ko peelʉi poa mais'a 'o hamo ho yunsou na piepiyahe.